ខេត្តចំនួន៤នឹងចុះត្រជាក់ខ្លាំង មានពី១៦ទៅ១៨អង្សាសេ ចាប់ពីថ្ងៃ២៨ដល់៣០ធ្នូ
រាជធានីភ្នំពេញ ៖ យោងតាមសេចក្តីជូនដំណឹងស្តីពីស្ថានភាពអាកាសធាតុនៅព្រះរាជាណាចក្រកម្ពុជា របស់ក្រសួងធនធានទឹក និងឧតុនិយម
រាជធានីភ្នំពេញ ៖ យោងតាមសេចក្តីជូនដំណឹងស្តីពីស្ថានភាពអាកាសធាតុនៅព្រះរាជាណាចក្រកម្ពុជា របស់ក្រសួងធនធានទឹក និងឧតុនិយម បានចេញផ្សាយជាសាធារណៈនៅថ្ងៃទី២៦ ធ្នូ ២០១៦ នេះបានអោយដឹងថា អាកាសធាតុនឹងចុះត្រជាក់ខ្លាំងមានពី១៦-១៨អង្សាសេ នៅខេត្តមណ្ឌលគិរី រតនគិរី ព្រះវិហារ និងខេត្តឧត្តរមានជ័យ ចាប់ពីថ្ងៃទី២៨ ដល់ ៣០ ខែធ្នូ ឆ្នាំ២០១៦ ខាងមុខនេះ។
ក្រសួងធនធានទឹក និងឧតុនិយមបានពន្យល់ថា មូលហេតុដែលខេត្តចំនួន៤នៅតំបន់ខ្ពង់រាបនិងជួរភ្នំ អាចនឹងមានសីតុណ្ហភាពអប្បបរមាចុះក្នុងរង្វង់១៦-១៨អង្សាសេខាងលើនេះ ដោយសារកម្ពុជាបាននិងកំពុងទទួលរងឥទ្ឋិពលខ្យល់មូសុងឦសាន នៅសមុទ្រចិនខាងត្បូងមានកើតឡើងនូវសម្ពាធទាបមួយដែលវានឹងបង្កើនឥទ្ឋិពលមកព្រះរាជាណាចក្រកម្ពុជា ។
ក្នុងនោះដែរអាកាសធាតុនឹងចុះត្រជាក់មាននៅខេត្តសៀមរាប បាត់ដំបង និងខេត្តប៉ែលិន ៖ សីតុណ្ហភាពអប្បបរមាអាចនឹងធ្លាក់ចុះមកនៅក្នុងរង្វង់១៨-២០អង្សាសេ ។បណ្តារាជធានី និងខេត្តដទៃទៀត ៖ មានពី១៩-២១អង្សាសេ ។ រីឯតំនប់មាត់សមុទ្រ ៖ សីតុណ្ហភាពអប្បបរមាមានពី ២២-២៤អង្សាសេ ៕
ចែករំលែកព័តមាននេះ