Pokemon Go អាចលេងតាមរយៈ Apple Watch បានហើយ
ទីក្រុងញូវយ៉ក ៖ ហ្គេមទូរស័ព្ទដ៏ល្បីល្បាញ Pokemon Go ពេលនេះអាចលេងបានតាមរយៈនាឡិកា Apple Watch ហើយ ដែលធ្វើឲ្យមានការរុញច្រានរាល់ពាក្យចចាមអារ៉ាមថា
ទីក្រុងញូវយ៉ក ៖ ហ្គេមទូរស័ព្ទដ៏ល្បីល្បាញ Pokemon Go ពេលនេះអាចលេងបានតាមរយៈនាឡិកា Apple Watch ហើយ ដែលធ្វើឲ្យមានការរុញច្រានរាល់ពាក្យចចាមអារ៉ាមថា
ទីក្រុងញូវយ៉ក ៖ ហ្គេមទូរស័ព្ទដ៏ល្បីល្បាញ Pokemon Go ពេលនេះអាចលេងបានតាមរយៈនាឡិកា Apple Watch ហើយ ដែលធ្វើឲ្យមានការរុញច្រានរាល់ពាក្យចចាមអារ៉ាមថា ក្រុមហ៊ុនហ្គេមចង់បោះបង់ចោលគម្រោងនេះ ។
ហ្គេមនេះទាក់ទិននឹងការចាប់សត្វចម្លែក ឬ Pokemon នៅលើទូរស័ព្ទដោយប្រើប្រាស់បរិស្ថានជុំវិញខ្លួនផងដែរ ។ ហ្គេមដែលមានលើ Apple Watch នឹងឲ្យអ្នកស្វែងរក Pokemon និងយក Item ពី PokeStops ។ ប៉ុន្តែប្រសិនបើអ្នកជួបប្រទះនឹង Pokemon នោះ គឺនឹងត្រូវប្រើប្រាស់ទូរស័ព្ទរបស់អ្នកដើម្បីចាប់វា ។
យ៉ាងណាក្តី Apple Watch នឹងធ្វើឲ្យមានភាពងាយស្រួលក្នុងការរត់ដើម្បីរំញាស់ពង Pokemon និងចៀសវាងការដើរកាន់ទូរស័ព្ទដើម្បីស្វែងរកសត្វចម្លែកនៅជិតៗទាំងនោះ។
គួរបញ្ជាក់ថា ហ្គេម Pokemon Go ពិតជាទទួលបានជោគជ័យខ្លាំងណាស់បន្ទាប់ពីបានចេញកាលពីខែកក្កដា កន្លងមក ។ វាមិនទាន់ច្បាស់នៅឡើយទេថា តើហ្គេមលើ Apple Watch នឹងដំណើរការយ៉ាងណា ជាពិសេស ពេលដែលអាកាសធាតុក្នុងប៉ែកខាងជើងកាន់តែត្រជាក់ទៅៗ ហើយមិនល្អសម្រាប់ការដើរចាប់ Pokemon ឡើយ ។ គម្រោងក្នុងការបង្កើតហ្គេមនេះសម្រាប់ Apple Watch ត្រូវបានប្រកាសរួចមកហើយតាំងពីខែកញ្ញា មកម្ល៉េះ ។
ប៉ុន្តែក្រុមហ៊ុនផលិតហ្គេមនេះគឺ Niantic មិនទាន់ប្រកាសពីគម្រោងសម្រាប់នាឡិកា Android Wear និង Samsung Gear នៅឡើយទេ ៕
ចែករំលែកព័តមាននេះ