ប្រាក់ចំណេញអេស៊ីលីដា កើនដល់130លានដុល្លារនៅឆ្នាំនេះ
រាជធានីភ្នំពេញ ៖ រយៈពេលពេញមួយឆ្នាំ២០១៦នេះ ធនាគារអេស៊ីលីដារកប្រាក់ចំណេញបាន១៣០លានដុល្លារ កើន៣០លានដុល្លារ បើធៀបនឹងរយៈពេលដូចគ្នាកាលពីឆ្នាំមុន ។
រាជធានីភ្នំពេញ ៖ រយៈពេលពេញមួយឆ្នាំ២០១៦នេះ ធនាគារអេស៊ីលីដារកប្រាក់ចំណេញបាន១៣០លានដុល្លារ កើន៣០លានដុល្លារ បើធៀបនឹងរយៈពេលដូចគ្នាកាលពីឆ្នាំមុន ។
រាជធានីភ្នំពេញ ៖ រយៈពេលពេញមួយឆ្នាំ២០១៦នេះ ធនាគារអេស៊ីលីដារកប្រាក់ចំណេញបាន១៣០លានដុល្លារ កើន៣០លានដុល្លារ បើធៀបនឹងរយៈពេលដូចគ្នាកាលពីឆ្នាំមុន ។
លោក អិុន ចាន់នី ប្រធាននាយកប្រតិបត្តិធនាគារអេស៊ីលីដា ភីអិលស៊ី បានមានប្រសាសន៍ឲ្យដឹងកាលពីល្ងាចថ្ងៃទី២៣ ធ្នូ ថា ប្រាក់ចំណេញរបស់អេស៊ីលីដាឆ្នាំនេះបានកើនដល់១៣០លានដុល្លារ ដោយកើនពី១០០លានដុល្លារកាលពីឆ្នាំមុន ។ ឥណទានអេស៊ីលីដាឆ្នាំនេះ សម្រេចបានកំណើន១៣% និងរំពឹងថាសម្រេចបានកំណើន១៦%នៅឆ្នាំ២០១៧ខាងមុខ ។ លោកបន្តថា ទំហំទឹកប្រាក់បញ្ញើរបស់អតិថិជន ក៏មានការកើនឡើងផងដែរនៅឆ្នាំនេះ គឺកើនពី៣.១៧១លានដុល្លារ ដល់៣.៨០០លានដុល្លារនៅឆ្នាំ២០១៧ខាងមុខ ។
លោកថ្លែងថា ៖ « គុណភាពឥណទាននៅឆ្នាំនេះ មិនសូវមានសុខភាពល្អនោះទេ ដោយសារគ្រោះរាំងស្ងួតកាលពីដើមឆ្នាំ និងកសិផលរបស់កសិករមានតម្លៃមិនសូវល្អ » ។ លោកបន្តថា ទ្រព្យសកម្មរបស់ធនាគារអេស៊ីលីដាឆ្នាំនេះ មានទំហំ៤.៦៧៣លានដុល្លារ និងរំពឹងថា កើនដល់៥.៣៧៨លានដុល្លារនៅឆ្នាំ២០១៧ខាងមុខ ។
លោក អិុន ចាន់នី បន្តថា ៖ « ប្រាក់ចំណេញរបស់អេស៊ីលីដាភាគច្រើនបានមកពីវិស័យឥណទាន ដែលផ្តោតសំខាន់លើពាណិជ្ជកម្ម កសិកម្ម ការធ្វើជំនួញ និងឥណទានមួយចំនួនទៀតបានមកពីវិស័យសេវាកម្ម » ។
ទោះជាយ៉ាងណា សេដ្ឋវិទូកម្ពុជាបានព្រមានពីកំណើននៃឥណទាននៅក្នុងវិស័យហិរញ្ញវត្ថុកម្ពុជា ដែលមានកំណើនខ្ពស់នៅឆ្នាំនេះ ។
លោកបណ្ឌិត ម៉ី កល្យាណ ទីប្រឹក្សាជាន់ខ្ពស់នៃឧត្តមក្រុមប្រឹក្សាសេដ្ឋកិច្ចជាតិ ថ្លែងថា ឥណទានដើរតួនាទីសំខាន់ណាស់ក្នុងការជំរុញកំណើនសេដ្ឋកិច្ចជាតិ ព្រោះឥណទានបានផ្តល់សកម្មភាពសេដ្ឋកិច្ចច្រើន ។ ប៉ុន្តែទំហំឥណទានច្រើនពេក ក៏មានហានិភ័យដល់សេដ្ឋកិច្ចផងដែរ។ ហេតុនេះ ទាមទារឲ្យមានការថ្លឹងថ្លែងឲ្យបានហ្មត់ចត់ ប៉ុន្តែការរឹតបន្តឹងពេក ក៏ធ្វើឲ្យសេដ្ឋកិច្ចរបស់យើងមិនដំណើរការល្អដែរ ។ លោកបន្តថា ៖ « ឥណទានប្រៀបដូចជាខ្លាញ់នៅក្នុងខ្លួនមនុស្ស មនុស្សត្រូវការខ្លាញ់ដើម្បីឲ្យរាងកាយដំណើរការ ប៉ុន្តែរាងកាយក៏មិនត្រូវការខ្លាញ់ច្រើនពេកនោះដែរ » ៕
ចែករំលែកព័តមាននេះ