ភ្លៀងរលឹមស្រិចៗ! រថយន្ដកុងតឺន័រវ៉ាក់នឹងម៉ូតូរេចង្កូតទៅរកបង្គោលភ្លើងផ្អើលផ្លូវជាតិលេខ៤
- ព្រះសីហនុ
រថយន្ដកុងតឺន័រ១គ្រឿងបើកបរដោយបុរសម្នាក់ បានវ៉ាក់អើជាមួយនឹងម៉ូតូ ក៏រេចង្កូតជ្រុលទៅ
ខេត្តព្រះសីហនុ ៖ បើតាមសេចក្តីរាយការណ៍បានឱ្យដឹងថា រថយន្ដកុងតឺន័រ១គ្រឿងបើកបរដោយបុរសម្នាក់ បានវ៉ាក់អើជាមួយនឹងម៉ូតូ ក៏រេចង្កូតជ្រុលទៅបុកបង្គោលភ្លើងបាក់អស់១ដើមចំណែករថយន្ដវិញរងការខូចខាតយ៉ាងដំណំ ខណៈពេលភ្លៀងកំពុងតែរលឹមស្រិចៗ បង្កឱ្យមានការភ្ញាក់ផ្អើលកាលពីវេលាម៉ោង០៧និង៤០នាទីព្រឹក ថ្ងៃទី២១ ខែកក្កដា ឆ្នាំ២០២២ នៅតាមបណ្ដោយផ្លូវជាតិលេខ៤ ស្ថិតក្នុងសង្កាត់លេខ១ ក្រុង/ខេត្តព្រះសីហនុ។
យោងតាមប្រព័ត៌មានពីសមត្ថកិច្ចជំនាញរបស់ការិយាល័យចរាចរណ៍ផ្លូវគោកខេត្តព្រះសីហនុ បានឲ្យដឹងថា រថយន្ដកុងតឺន័រខាងលើនេះ ម៉ាក់ hyundai ក្បាលពណ៌ខៀវលាយបៃតង ពាក់ស្លាកលេខ ភ្នំពេញ3B-4161 បើកបរដោយបុរសម្នាក់ ធ្វើដំណើរចេញពីខេត្តព្រះសីហនុ តាមបណ្ដោយផ្លូវជាតិលេខ៤ ខណៈពេលទៅដល់ចំណុចកន្លែងកើត ក៏ស្រាប់តែវ៉ាក់អើជាមួយនឹងម៉ូតូ ហើយក៏រេចង្កូតទៅបុកជាមួយនឹងបង្គោលភ្លើងបាក់អស់១ដើម និងបណ្ដាលឲ្យរថយន្ដរងការខូចខាតយ៉ាងដំណំ ។ ហើយជុំវិញករណីនេះ មិនបណ្ដាលឲ្យនរណាម្នាក់រងរបួសនោះទេ។
ក្រោយពេលកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការខេត្តព្រះសីហនុ ក៏បានធ្វើការវាស់វែង និងយករថយន្ដខាងលើ ទៅកាន់ការិយាល័យចរាចរណ៍ ដើម្បីបន្តនីតិវិធីតាមផ្លូវច្បាប់៕
ចែករំលែកព័តមាននេះ