ឆ្នាំ១៣២៦
-សន្ធិសញា Novgorod រវាងប្រទេសរុស្ស៊ី និងប្រទេសន័រវ៉េស បានគូសបន្ទាត់ព្រំដែនរវាងប្រទេសទាំង២នៅសង្កាត់ហ្វីន ម៉ាក។
ឆ្នាំ១៥៣៩
-អ្នករុករកជនជាតិអេស្ប៉ាញលោកហេ ណាន់ដូ ដឺសូតូ បានទាមទារដែនដីផ្លរីដា ឱ្យប្រទេសអេស្ប៉ាញ ហើយលោកគឺជាជនជាតិអឺរ៉ុបទី១ដែលបានទៅដល់អាមេរិក ។
ឆ្នាំ១៦២០
-ការសាងសង់ព្រះវិហារថ្មដែលចាស់ជាងគេនៅដែនដីអាណានិគមនិយមបារាំងបានចាប់ផ្ដើមនៅទីក្រុងកេបិច ប្រទេសកាណាដា ។
ឆ្នាំ១៨៣៩
-នៅទីក្រុងហ៊ូម៉េន ប្រទេសចិន អ្នកប្រាជ្ញនិងជាមន្ដ្រីរាជការក្នុងរជ្ជកាលជីងឈ្មោះលីន ត្សេស៊ូ បានបំផ្លាញអាភៀនប្រមាណ១,២លានគីឡូក្រាមរបស់ឈ្មួញអង់គ្លេស បណ្ដាលឱ្យមានសង្គ្រាមអាភៀននៅចិន ។
ឆ្នាំ១៨៨៩
-ផ្លូវរថភ្លើងប៉ាស៊ីហ្វិករបស់ប្រទេសកាណាដាដែលមានប្រវែង១៤.០០០ម៉ៃល៍ (ប្រហែល២២.៤០០គីឡូម៉ែត្រ)បានសាង សង់រួចរាល់។
-ខ្សែចំលងថាមពលអគ្គិសនីដែលមានរយៈចំងាយឆ្ងាយជាលើកទីមួយ បានសាងសង់រួចដោយមានចំងាយ១៤ម៉ៃល៍ (ប្រហែល២២,៦គីឡូម៉ែត្រ)នៅក្នុងរដ្ឋអូរីហ្គេន សហរដ្ឋអាមេរិក ។
ឆ្នាំ១៩៤០
-កងទ័ពអាកាសអាល្លឺម៉ង់ បានទំលាក់គ្រាប់បែកលើទីក្រុងប៉ារីស ប្រទេសបារាំង ។ ការប្រយុទ្ធគ្នានៅសង្កាត់ដិនគីក ទីក្រុងប៉ារីសរវាងកងទ័ពប្រទេសអាល្លឺម៉ង់ និងកងទ័ពសម្ព័ន្ធមិត្ដមានបារាំង បែលហ្ស៊ិកនិងអង់គ្លេស បានបញ្ចប់ដោយការដកថយរបស់សម្ព័ន្ធមិត្ដ។ ក្នុងការប្រយុទ្ធគ្នានេះកងទ័ពអាល្លឺម៉ង់មានចំនួន៨០០.០០០នាក់ ហើយត្រូវស្លាប់និងរបួស៥២.២៥២នាក់ បាត់ខ្លួន និងត្រូវចាប់ខ្លួនចំនួន៨.៤៦៧។ ចំណែកកងទ័ពសម្ព័ន្ធមិត្ដមាន៤០០.០០០នាក់ ភៀសខ្លួនមុនការប្រយុទ្ធ៣៣៨.២២៦ផ្សេងទៀត ត្រូវស្លាប់និងរបួសចំនួន៣០.០០០នាក់ បាត់ខ្លួន៣៤.០០០នាក់ ។
ឆ្នាំ១៩៤១
-កងទ័ពអាល្លឺម៉ង់បានបន្ដសំលាប់ប្រជាជនក្រិចនៅលើកោះក្រិតក្នុងភូមិកានដានូសស្លាប់១៨០នាក់ ។
ឆ្នាំ១៩៦៣
-កងទ័ពវៀតណាមខាងត្បូងបានបង្ក្រាបក្រុមបាតុករព្រះពុទ្ធសាសនាដោយប្រើឧស្ម័នបង្ហូរទឹកភ្នែក តែសារធាតុរាវរបស់ឧស្ម័នបង្ហូរទឹកភ្នែកបានបណ្ដាលឱ្យមនុស្ស៦៧នាក់ កើតជំងឺពងនៅលើស្បែកនិងឈឺផ្សា ។
-យន្ដហោះអាមេរិកជើងហោះហើរលេខ៧០៧បានធ្លាក់នៅក្នុងមហាសមុទ្រប៉ាស៊ីហ្វិក បណ្ដាលឱ្យស្លាប់មនុស្ស១០១នាក់ ។
ឆ្នាំ១៩៨៩
-រដ្ឋាភិបាលចិនបានបញ្ជូនទ័ពទៅបង្ក្រាបក្រុមបាតុករឱ្យចាកចេញពីទីលានធៀនអានមេន បន្ទាប់ពីបាតុករបានកាន់កាប់ទីនោះអស់រយៈពេល៧សបា្ដហ៍មក ។
ឆ្នាំ១៩៩១
-ភ្នំភ្លើងអ៊ុនហ្ស៊េន នៅក្នុងខេត្ដគ្យូស៊ូ ប្រទេសជប៉ុនបានផ្ទុះឡើងបណ្ដាលឱ្យស្លាប់ មនុស្ស៤៣នាក់ ហើយពួកគេទាំងអស់សុទ្ធសឹងជាអ្នកស្រាវជ្រាវ និងអ្នកសារព័ត៌មាន ។
ឆ្នាំ១៩៩៨
-រថភ្លើងល្បឿនលឿនអាយស៊ីអ៊ី របស់ប្រទេសអាល្លឺម៉ង់ បានធ្លាក់ចេញពីផ្លូវបណ្ដាលឱ្យមានមនុស្សស្លាប់១០១នាក់ របួស ៨៨នាក់ ។ នេះជាគ្រោះថ្នាក់រថភ្លើងក្នុងប្រវត្ដិសាស្ដ្ររបស់ប្រទេសនេះ ។
ឆ្នាំ២០០៣
-ប្រទេសអ៊ីស្រាអែលបានដោះលែងអ្នកទោសប៉ាឡេស្ទីន១០០នាក់ នៅមុនកិច្ចប្រជុំកំពូលសន្ដិភាពនៅមជ្ឈិមបូព៌ាជាមួយលោកប្រធានាធិបតីអាមេរិកហ្សកប៊ូស ។
ឆ្នាំ២០០៦
-ស៊ែប៊ី និងម៉ុងតេណេហ្គ្រោ បានឈានដល់ទីបញ្ចប់ជាសហព័ន្ធ ដោយសារប្រទេសនេះបានប្រកាសឯករាជ្យភាពរបស់ខ្លួនជាផ្លូវការ ។
ឆ្នាំ២០០៨
-ក្រុមហ៊ុនប្រេងឥន្ធនៈចិន បានចុះហត្ថលេខាលើកិច្ចព្រមព្រៀងផលិតប្រេងឥន្ធនៈនៅក្នុងប្រទេសនីហ្សេរដែលនៅអាហ្វ្រិក ។
-អង្គការកសិកម្មនិងស្បៀងអាហាររបស់អង្គការសហប្រជាជាតិ បានបើកសន្និសីទកំពូលស្ដីពីសន្ដិសុខស្បៀងពិភពលោក នៅទីក្រុងរ៉ូម ប្រទេសអ៊ីតាលី ដោយផ្ដោតទៅលើវិបត្ដិតំលៃស្បៀងអាហារពិភពលោកការប្រែប្រួលអាកាសធាតុនិងកសិកម្ម បញ្ហាស្បៀង និងប្រេងឥន្ធនៈ ។
ឆ្នាំ២០០៩
សមាជិកាសភាឥណ្ឌា លោកស្រីមែរ៉ាកូម៉ា គឺជាស្ដ្រីទីមួយដែលបានក្លាយជាអ្នកនាំពាក្យរបស់សភាជាន់ទាបឥណ្ឌា៕
ចែករំលែកព័តមាននេះ