មន្ត្រីក្រសួងរៀបចំដែនដីម្នាក់ ធ្វើឲ្យផ្អើលពលរដ្ឋ និងសមត្ថកិច្ច
រាជធានីភ្នំពេញ ៖ បុរសម្នាក់ដែលគេស្គាល់ថាជាមន្ត្រីក្រសួងរៀបចំដែនដី នគរូបនីយកម្ម និងសំណង់ បានបង្កឲ្យប្រជាពលរដ្ឋ និងសមត្ថកិច្ចភ្ញាក់ផ្អើលយ៉ាងខ្លាំង …
រាជធានីភ្នំពេញ ៖ បុរសម្នាក់ដែលគេស្គាល់ថាជាមន្ត្រីក្រសួងរៀបចំដែនដី នគរូបនីយកម្ម និងសំណង់ បានបង្កឲ្យប្រជាពលរដ្ឋ និងសមត្ថកិច្ចភ្ញាក់ផ្អើលយ៉ាងខ្លាំង …
រាជធានីភ្នំពេញ ៖ បុរសម្នាក់ដែលគេស្គាល់ថាជាមន្ត្រីក្រសួងរៀបចំដែនដី នគរូបនីយកម្ម និងសំណង់ បានបង្កឲ្យប្រជាពលរដ្ឋ និងសមត្ថកិច្ចភ្ញាក់ផ្អើលយ៉ាងខ្លាំង ដោយសារបុរសរូបនោះបានបើករថយន្តទៅបុកក្បាលនាគពុះចែកទ្រូងផ្លូវហើយដេកលក់ក្នុងរថយន្តទាំងជើងជាន់ហ្គែរជាប់ធ្វើឲ្យរថយន្តវិលកង់នៅមួយកន្លែងរហូតហុយផ្សែងទ្រលោម ។
ហេតុការណ៍នេះកើតឡើងកាលពីវេលាម៉ោង១១យប់ ថ្ងៃទី២៣ ខែធ្នូ ឆ្នាំ២០១៦ ត្រង់ចំណុចតាមបណ្តោយផ្លូវជាតិលេខ២ ខាងមុខវត្តចាក់អង្រែក្រោម ស្ថិតក្នុងភូមិទួលរកា២ សង្កាត់ចាក់អង្រែក្រោម ខណ្ឌមានជ័យ។
ប្រភពព័ត៌មានបានឲ្យដឹងថា មុនពេលកើតហេតុគេឃើញបុរសម្នាក់ដែលគេដឹងថាជាមន្ត្រីក្រសួងរៀបចំដែនដី នគរូបនីយកម្ម និងសំណង់ ស្រវឹងស្រាជោគជាំបើករថយន្ត១គ្រឿង ម៉ាកហ្វតរេនជឺ ពណ៌ស ពាក់ស្លាកលេខភ្នំពេញ 2AL8127 ពីជើងទៅត្បូងតាមបណ្តោយផ្លូវជាតិលេខ២ ខណៈពេលមកដល់ចំណុចកើតហេតុរថយន្តបានរេចង្កូតទៅខាងឆ្វេងទៅបុកក្បាលនាគពុះចែកទ្រូងផ្លូវតែមិនបណ្តាលឲ្យក្បាលនាគពុះចែកផ្លូវខូចខាតទេ ប៉ុន្តែដោយសារអ្នកបើកបរស្រវឹងខ្លាំងពេកបើករថយន្តទៅមុខលែងរួចដេកលក់ក្នុងរថយន្តដោយមិនបានពន្លត់ម៉ាស៊ីនរថយន្តទេថែមទាំងជើងជាន់ហ្គែរជាប់ធ្វើឲ្យរថយន្តវិលកង់នៅមួយកន្លែងរហូតហុយផ្សែងទ្រលោម ឃើញបែបនេះប្រជាពលរដ្ឋនាំគ្នាគោះកញ្ចក់រថយន្តផង អង្រួនរថយន្តផង ដាស់ជាង១ម៉ោងនៅតែមិនព្រមភ្ញាក់ ហើយដោយមានការភ័យខ្លាចឆេះរថយន្ត ទើបប្រជាពលរដ្ឋ និងសមត្ថកិច្ចសម្រេចចិត្តនាំគ្នាយកដុំថ្ម និងញញួរទៅវាយកញ្ចក់រថយន្តឲ្យបែក បន្ទាប់មកសមត្ថកិច្ចលូកដៃកាច់សោពន្លត់រថយន្ត និងដាស់អ្នកបើកបរទម្រាំតែភ្ញាក់ ។
បន្ទាប់ពីដាស់ភ្ញាក់ហើយ តែដោយអ្នកបើកបររថយន្តស្រវឹងខ្លាំងពេក នគរបាលជំនាញចរាចរណ៍ខណ្ឌមានជ័យបានបើករថយន្តដឹកអ្នកបើកបរទៅអធិការដ្ឋានខណ្ឌមានជ័យសិន ពេលទៅដល់ខណ្ឌមានជ័យក្រុមគ្រួសារបានទៅសុំសមត្ថកិច្ចយកអ្នកបើកបរទៅព្យាបាល និងយករថយន្តទៅជួសជុលវិញ ៕
ចែករំលែកព័តមាននេះ