ខេត្តបាត់ដំបង ៖ ក្រុមចោរហារយ ដែលតែងស្ទាក់កាប់ប្លន់អ្នកដំណើរតាមដងផ្លូវពេលយប់ ត្រូវកម្លាំងកងរាជអាវុធហត្ថ ធ្វើការស្រាវជ្រាវរហូតតាមឃាត់ខ្លួនបានចំនួន០៩នាក់ជាបន្តបន្ទាប់ កាលពីវេលាម៉ោង១០និង៣០នាទីព្រឹកថ្ងៃទី១៩ កក្កដា នៅចំណុចភូមិវត្តរំដូល សង្កាត់ចំការសំរោង…
ខេត្តបាត់ដំបង ៖ ក្រុមចោរហារយ ដែលតែងស្ទាក់កាប់ប្លន់អ្នកដំណើរតាមដងផ្លូវពេលយប់ ត្រូវកម្លាំងកងរាជអាវុធហត្ថ ធ្វើការស្រាវជ្រាវរហូតតាមឃាត់ខ្លួនបានចំនួន០៩នាក់ជាបន្តបន្ទាប់ កាលពីវេលាម៉ោង១០និង៣០នាទីព្រឹកថ្ងៃទី១៩ កក្កដា នៅចំណុចភូមិវត្តរំដូល សង្កាត់ចំការសំរោង ក្រុងបាតដំបង ដែលជនដៃដល់ខ្លះមិនទាន់ជ្រុះពន្លៃពីក្បាលផង។
របាយការណ៍កងរាជអាវុធហត្ថបានឲ្យដឹងថា ក្រុមជនសង្ស័យដ៏ម៉ិរម៉ក់ទាំង៩នាក់នោះមាន៖ ១-ឈ្មោះ ចេវ រតាន អាយុ១៨ឆ្នាំ ២-ឈ្មោះ ធឿត ប៊ុនហាវ អាយុ១៥ឆ្នាំ ៣-ឈ្មោះសិទ្ធ រ៉ាស៊ីន អាយុ១៦ឆ្នាំ ៤-ឈ្មោះសុខ សុភ័ក្រ អាយុ១៥ឆ្នាំ ៥-ឈ្មោះដន ម៉េងហួយ អាយុ១៤ឆ្នាំ ៦-ឈ្មោះឆៃ រ៉ហ្សែត អាយុ១៧ឆ្នាំ ៧-ឈ្មោះគា វិច្ឆិកា អាយុ២០ឆ្នាំ ៨-ឈ្មោះ នាថ ធានសិង អាយុ១៤ឆ្នាំ និង៩-ឈ្មោះ ធីតា សុវណ្ណដេត អាយុ១៦ឆ្នាំ ។
បើតាមរបាយការណ៍ដដែលបានបញ្ជាក់ថា ក្រុមនេះត្រូវកម្លាំងកងរាជអាវុធហត្ថឃាត់ខ្លួន ក្រោយពីធ្វើការស្រាវជ្រាវរកឃើញថា ក្រុមនេះមានជាប់ពាក់ព័ន្ធនឹងអំពើប្លន់អ្នកដំណើរតាមដងផ្លូវនៅស្រុកបវេល។ សូមបញ្ជាក់ថា កាលពីវេលារំលងអធ្រាត្រឈានចូលថ្ងៃទី ១៩ កក្កដា អំពើស្ទាក់ប្លន់តាមដងផ្លូវមួយ បានកើតឡើង នៅចំណុចភូមិដំណាក់ដង្កោ ឃុំក្ដុលតាហែន ស្រុកបវេល ដែលបង្កឡើងដោយជនមិនស្គាល់មុខមានបក្សពួកចំនួន០៩នាក់ជិះម៉ូតូចំនួន០៣គ្រឿង។ ក្រុមចោរប្រដាប់ដោយកាំបិតផ្គាក់ និង ដាវ បានស្ទាក់កាប់ទៅលើជនរងគ្រោះឈ្មោះគង់ ណន់ ប្រុសអាយុ៤៨ឆ្នាំ។
ជនរងគ្រោះរងបួសតិចតួច តែត្រូវក្រុមចោរហារយប្លន់យកម៉ូតូរបស់គាត់រួចជិះគេចខ្លួនបាត់។ ម៉ូតូម៉ាកហុងដាឌ្រីម ពណ៏ខ្មៅស៊េរីឆ្នាំ២០២២ ពាក់ស្លាកលេខ បាត់ដំបង 1AP-4074។ បើតាមមន្ត្រីកងរាជអាវុធហត្ថ បានឲ្យដឹងថា ក្រោយធ្វើសកម្មភាពក្រុមជនសង្ស័យ បានជិះម៉ូតូដែលប្លន់បានយកមកអំពាវនាវលក់នៅក្រុងបាត់ដំបង ទើបជាប់អន្ទាក់កងរាជអាវុធហត្ថ ដែលកំពុងធ្វើការស្រាវជ្រាវ រហូតតាមឃាត់ខ្លួនបក្សពួកបានចំនួន០៩នាក់។
បើតាមរបាយការណ៍បានបញ្ជាក់ថា ជាមួយនឹងការឃាត់ខ្លួនក្រុមចោររម៉ិរម៉កចំនួន០៩នាក់ មន្ត្រីជំនាញក៏បានដកហូតបានម៉ូតូចំនួន០៤គ្រឿងផងដែរ ក្នុងនោះ មានមួយគ្រឿងជាម៉ូតូរបស់ជនរងគ្រោះ ដែលក្រុមចោរបានប្លន់យកទៅ រួមទាំងក់កាំបិតផ្គាក់ចំនួន០៣ដើមផង។ ពេលនេះមន្ត្រីជំនាញកំពុងសួរនាំក្រុមជនសង្ស័យ ដើម្បីចាត់ការតាមនីតិវិធីហើយ៕
ចែករំលែកព័តមាននេះ