សំណុំរឿងនិស្សិតម្នាក់ ប្រកាសធ្វើបដិវត្តន៍ពណ៌ ប្រកាសសាលដីកាថ្ងៃ29ធ្នូ
រាជធានីភ្នំពេញ ៖ ចៅក្រមជំនុំជម្រះតុលាការកំពូល នៅព្រឹកថ្ងៃទី២៣ ខែធ្នូ បានលើកយកសំណុំរឿងបណ្តឹងសាទុក្ខរបស់អតីតនិស្សិតឈ្មោះ
រាជធានីភ្នំពេញ ៖ ចៅក្រមជំនុំជម្រះតុលាការកំពូល នៅព្រឹកថ្ងៃទី២៣ ខែធ្នូ បានលើកយកសំណុំរឿងបណ្តឹងសាទុក្ខរបស់អតីតនិស្សិតឈ្មោះ
រាជធានីភ្នំពេញ ៖ ចៅក្រមជំនុំជម្រះតុលាការកំពូល នៅព្រឹកថ្ងៃទី២៣ ខែធ្នូ បានលើកយកសំណុំរឿងបណ្តឹងសាទុក្ខរបស់អតីតនិស្សិតឈ្មោះ គង់ រ៉ៃយ៉ា ភេទប្រុស អាយុ២៦ឆ្នាំ ដែលបានប្រកាសធ្វើបដិវត្តន៍ពណ៌មកបើកសវនាការ ។ អតីតនិស្សិតរូបនេះ ជាប់ចោទពីបទញុះញង់ឲ្យប្រព្រឹត្តបទឧក្រិដ្ឋជាអាទិ៍ តាមមាត្រា៤៩៤ និង៤៩៥ នៃក្រមព្រហ្មទណ្ឌ ។
សវនាការធ្វើឡើងជាសាធារណៈចំពោះមុខជនជាប់ចោទ និងដឹកនាំដោយលោកចៅក្រមឃឹម ប៉ុណ្ណ ប្រធានក្រុមប្រឹក្សាជំនុំជម្រះ និងលោកអគ្គព្រះរាជអាជ្ញា ជុំ សំបាន ជាតំណាងមហាអយ្យការ ។ បន្ទាប់ពីសាកសួរដេញដោលតុលាការ បានលើកពេលប្រកាសសាលដីកាទៅថ្ងៃទី២៩ ខែធ្នូ ខាងមុខ ។
ចំណែកជនជាប់ចោទ គង់ រ៉ៃយ៉ា អតីតនិស្សិតឆ្នាំទី១ផ្នែកវិទ្យាសាស្ត្រនយោបាយនៃសាកលវិទ្យាល័យខេមរៈ ពេលចេញពីបន្ទប់សវនាការបានស្រែកថា តុលាការអយុត្តិធម៌ណាស់ ។
សូមបញ្ជាក់ថា កាលពីថ្ងៃទី២១ ខែកក្កដា ឆ្នាំ២០១៦ កន្លងទៅ សាលាឧទ្ធរណ៍បានសម្រេចតម្កល់សាលក្រមសាលាដំបូងរាជធានីភ្នំពេញទុកជាបានការដដែល គឺផ្តន្ទាទោសជនជាប់ចោទឈ្មោះ គង់ រ៉ៃយ៉ា ដាក់ពន្ធនាគារកំណត់រយៈពេល១ឆ្នាំ៦ខែ ក្រោមការចោទប្រកាន់ពីបទញុះញង់ឲ្យប្រព្រឹត្តបទឧក្រិដ្ឋាអាទិ៍ តាមមាត្រា៤៩៤ និង៤៩៥ នៃក្រមព្រហ្មទណ្ឌ ។
ជនជាប់ចោទឈ្មោះ គង់ រ៉ៃយ៉ា អាយុ២៦ឆ្នាំ រហស្សនាមនៅក្នុងហ្វេសប៊ុក soriya koko បានសរសេរលើបណ្ដាញទំនាក់ទំនងសង្គមហ្វេសប៊ុកថា «តើមានអ្នកណាហ៊ានធ្វើបដិវត្តន៍ពណ៌ ជាមួយខ្ញុំទ ? ថ្ងៃណាមួយនៅពេលខាងមុខនេះ ខ្ញុំនឹងធ្វើបដិវត្តន៍ពណ៌ដើម្បីផ្លាស់ប្តូររបបមួយនេះចេញពីសង្គមខ្មែរ ទោះបីជាត្រូវជាប់គុកឬស្លាប់ក៏ដោយ ក៏ខ្ញុំត្រូវតែធ្វើដែរ» ។
ក្រោយការប្រកាសនេះ កងកម្លាំងអគ្គស្នងការដ្ឋាននគរបាលជាតិ បានឃាត់ខ្លួនយុវជនរូបនេះ ដោយចាត់ទុកការប្រកាសនេះធ្វើឱ្យមានភាពអសន្តិសុខក្នុងសង្គម ៕
ចែករំលែកព័តមាននេះ