រាជធានីភ្នំពេញ ៖ រង្វាន់ជាច្រើនមានដូចជាម៉ូតូ ទូរទឹកកក ទូរទស្សន៍ ម៉ាស៊ីនបោកខោអាវ ជាដើម ត្រូវបាន ហ្វឺសហ្វានែន ធ្វើពិធីប្រគល់ដើម្បីថ្លែងអំណរគុណអតិថិជន ដែលបានប្រើប្រាស់សេវាហិរញវត្ថុ ហ្វឺសហ្វាយនែន ក្នុងការទិញលំនៅឋាន ជួសជុលផ្ទះ ឬសាងសង់ផ្ទះ ។
រាជធានីភ្នំពេញ ៖ រង្វាន់ជាច្រើនមានដូចជាម៉ូតូ ទូរទឹកកក ទូរទស្សន៍ ម៉ាស៊ីនបោកខោអាវ ជាដើម ត្រូវបាន ហ្វឺសហ្វានែន ធ្វើពិធីប្រគល់ដើម្បីថ្លែងអំណរគុណអតិថិជន ដែលបានប្រើប្រាស់សេវាហិរញវត្ថុ ហ្វឺសហ្វាយនែន ក្នុងការទិញលំនៅឋាន ជួសជុលផ្ទះ ឬសាងសង់ផ្ទះ ។
ក្នុងពិធីជួបជុំ និងប្រគល់រង្វាន់ ដល់អតិថិជននាព្រឹកថ្ងៃទី២៥ ធ្នូ ២០១៦នេះ លោកស្រី ជុន សុថានី អគ្គនាយិកាហ្វឺសហ្វាយនែន បានថ្លែងថា គ្រឹះស្ថានមីក្រូហិរញ្ញវត្ថុ ហ្វឺសហ្វាយនែន បាននិងកំពុងទទួលបានការគាំទ្រយ៉ាងខ្លាំងពីសំណាក់អតិថិជន គិតចាប់ តាំងពីពេលដំណើរការនៅឆ្នាំ២០០៩ រហូតដល់សព្វថ្ងៃនេះ ។
លោកស្រីបន្តថា ហ្វឺស ហ្វាយនែន គឺជាគ្រឹះស្ថានមីក្រូហិរញ្ញវត្ថុ ដែលមានអាជ្ញាប័ណ្ណតែមួយគត់នៅកម្ពុជា ដែលផ្តល់សេវាប្រាក់កម្ចីខ្នាតតូចទាក់ទងទៅនឹង ផ្ទះសម្បែង មានរយៈពេលកម្ចី ១៥ឆ្នាំ ។ ប្ច្ចុប្បន្ន ហ្វឺសហ្វាយនែន បានផ្តល់សេវាប្រាក់ កម្ចីដល់ប្រជា ជនដែលមានចំណូលទាប និងមធ្យមច្រើនជាង ១៧០០គ្រួសារ ជាមួយផលបត្រឥណទានច្រើនជាង ២០លានដុល្លារអាមេរិក ។
តាមរយៈចំនួនផលបត្រឥណទាននេះ បានធ្វើឲ្យ ហ្វឺស ហ្វាយនែន ឈរនៅលេខរៀងទី ១០ ក្នុងចំណោមគ្រឹះស្ថានមីក្រូហិរញ្ញវត្ថុ ជាង៧០ ក្នុងប្រទេសកម្ពុជា ។ យើងមានការិយាល័យសាខា ក្នុងរាជធានីភ្នំពេញ បាត់ដំបង បន្ទាយមានជ័យ សៀមរាប កំពង់ ចាម ហើយការិយាល័យទាំងនោះ ក៏បានធ្វើប្រតិបត្តិការគ្របដណ្តប់នៅក្នុងខេត្ត កណ្តាល កំពង់ស្ពឺ ប៉ៃលិន និងឧត្តរមានជ័យផងដែរ ។
ឆ្លៀតឧិកាសនេះដែរលោកស្រី សូមថ្លែងអំណរគុណដល់អតិថិជនទាំងអស់ដែលបានបន្តការគាំទ្រប្រើសេវាប្រាក់កម្ចីរបស់ ហ្វឺស ហ្វាយនែន តាំងពីពេលចាប់ផ្តើមរហូតមកដល់ពេលនេះ ។ ជាក់ស្តែង បន្ថែមលើសេវាកម្ចីទិញគេហដ្ឋានដែលមានស្រាប់ ហ្វឺស ហ្វាយនែនបានបន្ថែមនូវសេវាកម្ចីសាងសង់ ឬជួសជុលគេហដ្ឋាន សេវាកម្ចីទិញដីលំនៅដ្ឋាន និង សេវាកម្ចីសម្រាប់ពង្រីកអាជីវ កម្ម ឬ ប្រើប្រាស់ផ្ទាល់ខ្លួន ដល់អតិថិជនរបស់យើង។
លោកស្រី នាយិការបញ្ជាក់ថា អតិថិជននៅតែបន្តគាំទ្រប្រើប្រាស់សេវាហិរញ្ញវត្ថុរបស់យើង ហើយហ្វឺស ហ្វាយនែន នឹងប្តេជ្ញាធ្វើជាដៃគូ និងខិតខំបម្រើសេវាឲ្យកាន់តែល្អប្រសើរឡើងថែមទៀត ។
ចែករំលែកព័តមាននេះ