ខេត្ដបន្ទាយមានជ័យ ៖ កូនប្រុសម្នាក់ដែលបែកថ្នាំ បានជំរិតទារលុយពីម្ដាយដោយចាប់ច្របាច់.កគាត់ ។ ដោយសារតែទ្រាំលែងបានស្ត្រជាម្តាយបានប្តឹងឱ្យសមត្ថកិច្ចចាប់ខ្លួនគម្រក់នោះកាលពីថ្ងៃទី២១ ធ្នូ នៅចំណុចផ្ទះក្បែរចំណតរថយន្តស្ថិតក្នុងភូមិប៉ាលិលេយ្យ១សង្កាត់ប៉ោយប៉ែត ក្រុងប៉ោយប៉ែត ។ កូនប្រុសនោះឈ្មោះ សេង ចាន់សេរីរ័ត្ន ហៅរ៉ូម៉ា អាយុ២៩ឆ្នាំ ។
លោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្តបន្ទាយមានជ័យប្រាប់ឱ្យដឹងថា នៅពេលឃាត់ខ្លួននោះ គឺកម្លាំងកងរាជអាវុធក្រុងប៉ោយប៉ែតបានទទួលបណ្តឹងពីស្ត្រីម្នាក់ឈ្មោះ ឃួន សុខឃាង អាយុ៥៥ឆ្នាំ ដែលត្រូវជាម្តាយ បានប្តឹងឱ្យកម្លាំងកងរាជអាវុធហត្ថចាប់ខ្លួនកូនប្រុសឈ្មោះ សេង ចាន់សេរីរ័ត្ន ហៅរ៉ូម៉ា ដែលញៀនថ្នាំរហូតបាត់បង់ស្មារតីឬបែកថ្នាំ ដែលបានធ្វើសកម្មភាពច្របាច់កគាត់ជាម្តាយបង្កើតដើម្បីយកលុយទៅទិញគ្រឿងញៀនប្រើប្រាស់ ។
លោកបានបន្តថា តាមសម្ដីស្ត្រីជាម្តាយបានប្រាប់ឱ្យដឹងថា កូនគម្រក់នេះធ្លាប់វាយគាត់យកលុយទៅទិញគ្រឿងញៀនពីរដងរួចមកហើយ ទើបលើកនេះគាត់ទ្រាំលែងបានប្តឹងកងរាជអាវុធហត្ថក្រុងប៉ោយបែ៉តឱ្យឃាត់ខ្លួនតែម្ដង ៕
ចែករំលែកព័តមាននេះ