រាជធានីភ្នំពេញ ៖ ពិធីបូជាសពឯកឧត្តមបណ្ឌិតសភាចារ្យ ខៀវ ថវិកា បានបញ្ចប់ជាស្ថាពរ ក្រោមអារម្មណ៍យ៉ាងក្ឌុកក្ឌួលបំផុត នៅវេលាម៉ោង១០ព្រឹកថ្ងៃទី២៤ ធ្នូ នេះ ស្ថិតក្នុងវត្តលង្ការ ដោយការប្រទានភ្លើងបូជាសព គឺសម្តេចព្រះវន រ័ត ណយ ច្រឹក ជាព្រះសង្ឃនាយករងទី៣នៃព្រះរាជាណាចក្រកម្ពុជាមកនោះ ។
រាជធានីភ្នំពេញ ៖ ពិធីបូជាសពឯកឧត្តមបណ្ឌិតសភាចារ្យ ខៀវ ថវិកា ត្រូវបានបញ្ចប់ជាស្ថាពរ ក្រោមអារម្មណ៍យ៉ាងក្ឌុកក្ឌួលបំផុត នៅវេលាម៉ោង១០ព្រឹកថ្ងៃទី២៤ ធ្នូ នេះ ស្ថិតក្នុងវត្តលង្ការ ដោយការប្រទានភ្លើងបូជាសព គឺសម្តេចព្រះវន រ័ត ណយ ច្រឹក ជាព្រះសង្ឃនាយករងទី៣នៃព្រះរាជាណាចក្រកម្ពុជា ។
ចំពោះពិធីបុណ្យគម្រប់០៧ថ្ងៃជូនដល់វិញ្ញាណក្ខន្ធសពឯកឧត្តមបណ្ឌិតសភាចារ្យ ខៀវ ថវិកា វិញ នឹងត្រូវធ្វើនៅថ្ងៃអង្គារ ទី២៧ ធ្នូ ២០១៦ ត្រូវនឹងថ្ងៃ១៣ រោច ខែមិគសិរ ឆ្នាំវក អ័ដ្ឋស័ក ព.ស ២៥៦០ ម៉ោង២រសៀល ជួបជុំពុទ្ធបរិស័ទ និងបងប្អូនញាតិមិត្តជិតឆ្ងាយទាំងអស់ ដើម្បីប្រារព្ធធ្វើបទនមស្តារ ថ្វាយបង្គំព្រះរតនត្រ័យ សមាទានសីល និមន្តព្រះសង្ឃចំរើនព្រះបរិត្ត និងសម្តែងព្រះធម៌ទេសនា។
លុះព្រឹកឡើងថ្ងៃពុធ ទី២៨ ធ្នូ ២០១៦ ត្រូវនឹងថ្ងៃទី១៤រោច ខែ ឆ្នាំដដែល វេលាម៉ោង០៩ព្រឹក ប្រគេនយាគូដល់ព្រះសង្ឃ និមន្តព្រះសង្ឃរាប់បាត្រ បង្សុកូល ដារឆ្លង និងវេរភត្តាហារប្រគេនដល់ព្រះសង្ឃជាកិច្ចបង្ហើយបុណ្យ ។
ពិធីបុណ្យនេះ ត្រូវប្រារព្ធនៅគេហដ្ឋានផ្ទះលេខ០៣ ផ្លូវលេខ៣៣៤ សង្កាត់បឹងកេងកងទី១ ខណ្ឌចំការមន រាជធានីភ្នំពេញ ។
ជាចុងក្រោយ គ្រួសារនៃសពឯកឧត្តមបណ្ឌិតសភាចារ្យ ខៀវ ថវិកា ក៏បានថ្លែងអំណរគុណយ៉ាងជ្រាលជ្រៅ ចំពោះភ្ញៀវដែលបានអញ្ជើញមកចូលរួមរំលែកទុក្ខក្នុងពិធីបុណ្យនេះផងដែរ ។
ចែករំលែកព័តមាននេះ