រាជធានីភ្នំពេញ ៖ ជាមួយនឹងគំនិតផ្ដួចផ្ដើមគម្រោងទំនួលខុសត្រូវសង្គម ឌុយមិចកម្ពុជាបានបរិច្ចាគទឹកប្រាក់ចំនួន១០ម៉ឺនដុល្លារ ទៅដល់មូលនិធិមន្ទីរពេទ្យគន្ធបុប្ផា កាលពីថ្ងៃទី២១ ធ្នូ ២០១៦ ក្នុងគោលបំណងគាំទ្រប្រតិបត្តិការណ៍ប្រចាំថ្ងៃ ក៏ដូចជាបេសកកម្មរបស់មន្ទីរពេទ្យកុមារគន្ធបុប្ផាដើម្បីជួយសង្គ្រោះកុមារកម្ពុជាជាច្រើននាក់ ។
រាជធានីភ្នំពេញ ៖ ជាមួយនឹងគំនិតផ្ដួចផ្ដើមគម្រោងទំនួលខុសត្រូវសង្គម ឌុយមិចកម្ពុជាបានបរិច្ចាគទឹកប្រាក់ចំនួន១០ម៉ឺនដុល្លារ ទៅដល់មូលនិធិមន្ទីរពេទ្យគន្ធបុប្ផា កាលពីថ្ងៃទី២១ ធ្នូ ២០១៦ ក្នុងគោលបំណងគាំទ្រប្រតិបត្តិការណ៍ប្រចាំថ្ងៃ ក៏ដូចជាបេសកកម្មរបស់មន្ទីរពេទ្យកុមារគន្ធបុប្ផាដើម្បីជួយសង្គ្រោះកុមារកម្ពុជាជាច្រើននាក់ ។
លោកវេជ្ជបណ្ឌិត Beat Richner ស្ថាបនិកមូលនិធិមន្ទីរពេទ្យគន្ធបុប្ផា បានទទួលយកនូវការបរិច្ចាគមូលនិធិនេះ ព្រមទាំងសម្ដែងនូវការអរគុណដល់ឌុយមិចកម្ពុជាចំពោះគំនិតផ្ដួចផ្ដើមគម្រោងទំនួលខុសត្រូវសង្គម ក៏ដូចជាការគាំទ្រទៅដល់ប្រតិបត្តិការណ៍ប្រចាំថ្ងៃ និងបេសកកម្មរបស់មន្ទីរពេទ្យគន្ធបុប្ផា ។ លោកវេជ្ជបណ្ឌិតបានបន្ថែមទៀតថា « មន្ទីរពេទ្យគន្ធបុប្ផា កំពុងមានតម្រូវការខ្ពស់ផ្នែកមូលនិធិដើម្បីបន្តប្រតិបត្តិការណ៍ប្រចាំថ្ងៃ ដោយសារតែមន្ទីរពេទ្យ មានកំណើនអ្នកជម្ងឺដែលត្រូវផ្ដល់សេវាថែរក្សា និងព្យា បាលខ្ពស់»។
លោក Martin Hoelscher ប្រធានគ្រប់គ្រងទូទៅ Danone Nutricia ឥណ្ឌូចិន បានបញ្ជាក់ប្រាប់ពីបេសកកម្មរបស់ Danone Nutricia ដែលជាក្រុមហ៊ុនឈានមុខគេមួយផ្នែកអាហាររូបត្ថម្ភសំរាប់អាយុកាលដំបូង ក្នុងចំណោមក្រុមហ៊ុនដទៃទៀតនៅអឺរ៉ុបថាបេសកកម្មរបស់យើងគឺ «ស្ថិតនៅជិតអ្នកម្ដាយដើម្បីចិញ្ចឹមបីបាច់ជីវិតថ្មី» ដោយជំរុញការណែនាំអំពីអាហាររូបត្ថម្ភប្រកបដោយសុខភាពល្អតាមរយៈកម្មវិធីអប់រំ និងសេវាកម្មរបស់យើង ។ យើងប្ដេជ្ញាចូលរួមលើកកម្ពស់ស្ថានភាពអាហាររូបត្ថម្ភ តាមរយៈការផ្ដល់នូវអាហាររូបត្ថម្ភអាយុកាលដំបូងដោយការយកចិត្តទុកដាក់ខ្ពស់ ការយល់ច្បាស់ពីតម្រូវការរបស់មាតាបិតា ព្រមទាំងភាពស្ទាត់ជំនាញរបស់យើង ។
លោកបន្តថា ការបរិច្ចាគមូលនិធិទៅដល់មន្ទីរពេទ្យគន្ធបុប្ផានាថ្ងៃនេះ គឺស្របតាមការប្ដេជ្ញាចិត្តរបស់យើង ដើម្បីបង្ហាញអំពីស្មារតីផ្ដោលើកម្មវិធីទំនួលខុសត្រូវសង្គម ក្នុងគោលបំណងបង្កើតនូវការផ្លាស់ប្ដូរជាវិជ្ជមានលើផ្នែកសុខភាពរបស់កុមារកម្ពុជា ។ បន្តទៅទៀតឌុយមិចនឹងនៅតែបន្តកម្មវិធីទំនួលខុសត្រូវសង្គមរបស់ខ្លួនដោយធ្វើការសហការណ៍ជាមួយមន្ទីរពេទ្យគន្ធបុប្ផា ។
សូមទស្សនាព្រឹត្តិការណ៍នៃការបរិច្ចាគថវិកាជូនមន្ទីរពេទ្យគន្ធបុប្ផារបស់ឌុយមិច ៖
https://www.youtube.com/watch?v=JU22-r8xO8U&feature=youtu.be
ចែករំលែកព័តមាននេះ