ខេត្តបាត់ដំបង ៖ គ្រាន់តែរយៈពេលមួយយប់ អំពើប្លន់តាមដងផ្លូវបង្កឡើងដោយក្រុមជនមិនស្គាល់មុខបានកើតឡើងស្ទើរព្រមៗគ្នាចំនួន០៣ករណី នៅស្រុកផ្សេងគ្នា។ នេះបើយោងតាមរបាយការណ៏របស់សមត្ថកិច្ច។ របាយការណ៏បានឲ្យដឹងថា អំពើស្ទាក់កា.ប់ផ្លូវតាមសងផ្លូវខាងនេះ បានកើកឡើងនៅស្រុកកំរៀង ស្រុកបវេល…
ខេត្តបាត់ដំបង ៖ គ្រាន់តែរយៈពេលមួយយប់ អំពើប្លន់តាមដងផ្លូវបង្កឡើងដោយក្រុមជនមិនស្គាល់មុខបានកើតឡើងស្ទើរព្រមៗគ្នាចំនួន០៣ករណី នៅស្រុកផ្សេងគ្នា។ នេះបើយោងតាមរបាយការណ៏របស់សមត្ថកិច្ច។ របាយការណ៏បានឲ្យដឹងថា អំពើស្ទាក់កា.ប់ផ្លូវតាមសងផ្លូវខាងនេះ បានកើកឡើងនៅស្រុកកំរៀង ស្រុកបវេល និងស្រុកថ្មគោល។
នៅស្រុកកំរៀងបានកើតឡើងនៅវេលារំលងអធ្រាត្រឈានចូលថ្ងៃទី១៩ កក្កដា នៅភូមិដូង ឃុំបឹងរាំង បង្កឡើងដោយក្រុមចោរគេអះអាងថា មានបក្សពួកច្រើននាក់ ជិះម៉ូតូចំនួន០៣គ្រឿង។ ក្រុមចោរបានប្រើកាំបិតខ្វែង ស្ទាក់កា.ប់ទៅលើជនរងគ្រោះឈ្មោះ ជា ជេន ភេទប្រុស អាយុ២៤ឆ្នាំ បណ្ដាលឲ្យជនរងគ្រោះរបួសដៃម្ខាង ដែលក្រុមចោរបំរុងប្លន់យកម៉ូតូ តែមិនបានសម្រេច ហើយក្រុមចោរក៏នាំគ្នាជិះគេចបាត់ទៅ។
ដោយឡែក នៅស្រុកបវេលវិញ អំពើប្លន់នេះ បានកើតឡើងស្ទើរព្រមគ្នា ជាមួយអំពើប្លន់នៅស្រុកកំរៀងដែរ។ បើតាមរបាយការណ៍បានឲ្យដឹងថា នៅយប់កើតហេតុនោះ ក្រុមចោរប្រមាណពី០៥ទៅ០៦នាក់ ជិះម៉ូតូ០៣គ្រឿង ប្រដាប់ដោយដាវសាមូរ៉ៃ បានស្ទាក់កា.ប់ទៅលើជនរងគ្រោះឈ្មោះ គង់ ណុន ប្រុសអាយុ៤៨ឆ្នាំ ពេលគាត់ជិះម៉ូតូដល់ត្រង់ចំណុចស្ពានពង្រ ស្ថិតភូមិដំណាក់ដង្កោ ឃុំក្ដុលតាហែន។ បើតាមរបាយការណ៏បានបញ្ជាក់ថា ក្រុមចោរបានស្ទាក់កា.ប់ជនរងគ្រោះ តែជនរងគ្រោះបានផ្ដូលម៉ូតូរត់ចោល ទើបមិនមានរងរបួស តែក្រុមចោរបានប្លន់យកម៉ូតូគាត់ជិះគេចខ្លួនបាត់។
ជាមួយគ្នានោះ ស្រាប់តែមានសេចក្ដីរាយការណ៍បន្តទៀតថា ក្រុមចោរហារយដូចគ្នាដែរ មានគ្នាប្រមាណពី០៤ទៅ០៥នាក់ ជិះម៉ូតូ០២គ្រឿងបានស្ទាក់កា.ប់ជនរងគ្រោះប្លន់យកម៉ូតូចំនួន០២គ្រឿង នៅវេលារំលងអធ្រាត្រឈានចូលថ្ងៃទី ១៩ កក្កដា ពេលជនរងគ្រោះទាំង០២នាក់ជិះចេញពីកម្មវិធីគេមួយកន្លែង នៅចំណុចភូមិតាសី ឃុំតាម៉ឺន ស្រុកថ្មគោល។ ជនរងគ្រោះឈ្មោះ ខេង សារ៉ែម ស្រីអាយុ៤២ឆ្នាំ របួសដៃខាងឆ្វែង បាត់បង់ម៉ូតូមួយគ្រឿង លុយខ្មែរមួយចំនួន និងទូរស័ព្ទមួយគ្រឿង និង ឈ្មោះ ហុិន ឡៅហុន ប្រុសអាយុ៣២ឆ្នាំ របួសដៃខាឆ្វេង និង បាត់បង់ម៉ូតូមួយគ្រឿងដែរ។
សមត្ថកិច្ចបាននិយាយថា អំពើស្ទាក់កា.ប់ប្លន់តាមដងផ្លូវចំនួន០៣លើកផ្ទូនៗខាងលើនេះ បានសម្រេច០២លើក បាត់បង់ម៉ូតូ០៣គ្រឿង រីឯមួយករណីទៀតក្រុមចោរធ្វើសកម្មភាពប្លន់មិនបានសម្រេច។ អំពើប្លន់ស្រដៀងៗគ្នានេះ ហាក់បានកើតឡើងជាញឹកញាប់ នាប៉ុន្មានថ្ងៃកន្លងមកនេះ។
កាលពីយប់ថ្ងៃទី១៤ កក្កដា អំពើប្លន់តាមដងផ្លូវនេះ ក៏បានកើតឡើងម្ដងដែរ នៅឃុំអំពិលប្រាំដើម ស្រុកបវេល ដែលបង្កឡើងដោយក្រុមជនដៃដល់ចំនួន០៤នាក់ ជិះម៉ូតូ០២គ្រឿង។ ក្រុមចោរបានប្រើកាំបិតខ្វែវស្ទាក់កា.ប់ទៅលើជនរងគ្រោះ០២នាក់ ប្ដីប្រពន្ធកំពុងជិះម៉ូតូឌុបគ្នា។
ជនរងគ្រោះមិនស្នាមរបួសទេ តែត្រូវក្រុមចោរហារយប្លន់យកម៉ូតូគាត់០១គ្រឿងជិះគេចខ្លួនដោយសុវត្ថិភាព ។ ដោយឡែក បើតាមការស៊ើបអង្កេតរបស់សមត្ថកិច្ច ហាក់មិនទាន់កំណត់បាននូវមុខសញ្ញាក្រុមចោរណាមួយនៅឡើយទេ រហូតមកដល់ពេលនេះ។ ហើយសកម្មភាពស្ទាក់កា.ប់ប្លន់តាមដងផ្លូវស្រដៀងៗគ្នាជាបន្តបន្ទាប់នេះ ហាក់កំពុងបង្ហាញអំពីបទល្មើស«ប្លន់»មានការកើនឡើង តែសមត្ថកិច្ចមិនទាន់អាចកំណត់មុខសញ្ញាក្រុមប្លន់ហារយទាំងនេះបាននៅឡើយទេ ៕
ចែករំលែកព័តមាននេះ