អ្នកឡើងអង់តែនប្រៃសណីយ៍ចុះហើយឡើងវិញ
ខេត្តសៀមរាប ៖ ត្រឹមម៉ោង៦ល្ងាចថ្ងៃទី២២ ធ្នូ បុរសដែលសង្ស័យបែកថ្នាំឡើងអង់តែនប្រៃសណីយ៍នេះ នៅតែមិនព្រមចុះដដែល ។ មន្ត្រីប៉ូលិសមួយ
ខេត្តសៀមរាប ៖ ត្រឹមម៉ោង៦ល្ងាចថ្ងៃទី២២ ធ្នូ បុរសដែលសង្ស័យបែកថ្នាំឡើងអង់តែនប្រៃសណីយ៍នេះ នៅតែមិនព្រមចុះដដែល ។ មន្ត្រីប៉ូលិសមួយ
ខេត្តសៀមរាប ៖ ត្រឹមម៉ោង៦ល្ងាចថ្ងៃទី២២ ធ្នូ បុរសដែលសង្ស័យបែកថ្នាំឡើងអង់តែនប្រៃសណីយ៍នេះ នៅតែមិនព្រមចុះដដែល ។ មន្ត្រីប៉ូលិសមួយរូបដែលប្រចាំការនៅចំណុចនោះបាននិយាយថា “ប៉ូលិសវល់អស់ហើយ” មិនដឹងថារកវិធីបែបណាដើម្បីអោយជននេះចុះនោះទេ ។ មន្ត្រីប៉ូលិសដដែលនិយាយថា ទោះបីមានការសង្ស័យថាជននេះបែកថ្នាំក្តី ក៏មតិមហាជននិងក្រុមគ្រួសារនៅតែអះអាងថា “ខ្មោចចូល” ។
ទោះជាបែបណាក៏ដោយសមត្ថកិច្ចនៅតែចង់សង្រ្គោះជីវិតបុរសរូបនោះមិនចង់អោយធ្លាក់មកដីដោយប្រការណាមួយនោះទេ ព្រោះវាអាចធ្វើអោយរូបគេបាក់ដៃបាក់ជើង ឬ ក៏ស្លាប់ ។ បានកត់សម្គាល់ថានៅយប់ថ្ងៃទី២១ ធ្នូ គាត់បានចុះមកមួយភ្លែតដែរ ប៉ុន្តែឃើញប៉ូលិសច្រើនពេក ក៏ឡើងទៅវិញ លេងចុះរហូត ។
គួរបញ្ជាក់ថាបុរសនេះបានឡើងលើអង់តែនប្រៃសណីយ៍កម្ពុជាដែលបង្កឱ្យមានការភ្ញាក់ផ្អើលនោះ បានកើតឡើងតាំងពីព្រឹកថ្ងៃទី២០រហូតមក ស្ថិតនៅក្នុងបរិវេណប្រៃសណីយ៍កម្ពុជាដែលមានទីតាំងនៅតាមបណ្តោយស្ទឹងសៀមរាប ក្នុងភូមិមណ្ឌល១ សង្កាត់ស្វាយដង្គំ ក្រុងសៀមរាប ។
បុរសម្នាក់នេះមានអាយុប្រហែលជាង២០ឆ្នាំមិនព្រមចុះមកក្រោមនៅឡើយទេ ។ អង់តែនប្រៃសណីយ៍ដែលបុរសម្នាក់នេះឡើងគឺមានកម្ពស់ជិត២០០ម៉ែត្រ ហើយបុរសម្នាក់នេះឡើងបានប្រមាណជាជាង២០ម៉ែត្រប៉ុណ្ណោះទេ។ បើតាមការសន្និដ្ឋានបុរសនេះសង្ស័យបែកថ្នាំ ព្រោះបើគេមានបំណងសម្លាប់ខ្លួនគេលោតចុះមកក្រោមយូរណាស់ហើយ ។ សមត្ថកិច្ចរួមជាមួយព្រះសង្ឃព្រមទាំងប្រជាពលរដ្ឋកំពុងតែបន្តលួមលោមឱ្យបុរសរូបនេះចុះមកក្រោមវិញ ប៉ុន្តែគេគ្រវីក្បាលរហូត ។
បើតាមប្រភពពីជីដូនដែលបានបង្ហាញខ្លួននៅព្រឹកថ្ងៃទី២១ ធ្នូ ថា បុរសដែលបានឡើងលើអង់តែនប្រៃសណីយ៍នោះ គឺជាចៅរបស់គាត់មានឈ្មោះ វឿ វ៉ន អាយុ២៨ឆ្នាំ រស់នៅភូមិក្រសាំង សង្កាត់ក្របីរៀល ក្រុងសៀមរាប ។ លោកយាយប្រាប់ថា ពេលចៅបាត់ចេញពីផ្ទះ គាត់បានទៅរកគ្រូមើលគេឆ្លើយថា ចៅនោះបានដើរចេញពីផ្ទះជាន់រូបគេតាមអបីយជំនឿ ត្រូវបានលោកតាក្រហម.កចូលសន្ធិត ក៏ចេះតែដើររហូតទៅមិនដឹងទៅទីកន្លែងណា ។
សូមបញ្ជាក់ផងដែរថា ទោះបីមានសមត្ថកិច្ច នឹងសាច់ញាតិ ខំព្យាយាមលួងលោមឱ្យចុះមកក្រោមយ៉ាងណាក៏ដោយ ក៏រូបគេនៅមិនព្រមចុះដីដែរ ។ ក្នុងនោះសមត្ថកិច្ចបានយកបាយកញ្ចប់និងទឹកសុទ្ធឡើងយកទៅឱ្យហូបខ្លាចក្រែងអស់កម្លាំងធ្លាក់ងាប់ ឃើញគាត់ ហូបបានខ្លះៗដែរ ។
ប្រភពពីសមត្ថកិច្ចបានបញ្ជាក់បន្ថែមថា៖ឥឡូវនេះ មកដល់ម៉ោងជាង៦ល្ងាចដោយមានការលួងលោមពីសាច់ញាតិ និងសមត្ថកិច្ចគាត់យល់ព្រម ចុះមកបានពាក់កណ្តាលហើយ ដោយបានសន្យាថា នៅយប់នេះនឹងចុះដីវិញហើយ ។
ប្រភពពីសាច់ញាតិបានឱ្យដឹងថា៖ យុវជននេះអាចទំនងជាខ្មោចចូល រឺក៏មានគ្រូកាន់ បានជាឈានដល់ថ្នាក់នេះ ។ ប៉ុន្តែប្រភពមួយទៀតប្រាប់ថា សង្ស័យបែកថ្នាំទើបបណ្តាលឱ្យដល់ថ្នាក់ហ្នឹង ៕
ចែករំលែកព័តមាននេះ