ខេត្តព្រះសីហនុ ៖ អ្នកនេសាទម្នាក់ដែលធ្លាក់ពីលើទូកទៅក្នុងទឹកសមុទ្របានរកឃើញស.ពហើយ កាលពីវេលាម៉ោង៩ និង២៥នាទីព្រឹកថ្ងៃទី១៩ កក្កដា នេះ ស្ថិតចំណុចN 10°47.203′ E…
ខេត្តព្រះសីហនុ ៖ អ្នកនេសាទម្នាក់ដែលធ្លាក់ពីលើទូកទៅក្នុងទឹកសមុទ្របានរកឃើញស.ពហើយ កាលពីវេលាម៉ោង៩ និង២៥នាទីព្រឹកថ្ងៃទី១៩ កក្កដា នេះ ស្ថិតចំណុចN 10°47.203′ E 103°15.246 ដោយកំពុងបញ្ជូនមកកាន់ដីគោកវីញ ដើម្បីប្រគល់ជូនសាច់ញាតិធ្វើបុណ្យតាមប្រពៃណី។
គួររលឹកថា យោងតាមសេចក្តីរាយការណ៍ពីក្រុមគ្រួសារជនរងគ្រោះឲ្យដឹងថា បុរសរងគ្រោះគឺជាកម្មករនេសាទបានធ្លាក់ពីលើទូកនេសាទ ប្រភេទម៉ងអូស ចូលទៅក្នុងសមុទ្រ នៅចំណុចចន្លោះពយក្បាលខ្មោច (អៅតាផេង) និងកោះតាទឹម កាលពីថ្ងៃទី១៧ កក្កដា ឆ្នាំ២០២២ វេលាម៉ោង៧យប់ រួចក៏បាត់ខ្លួន។
ជនរងគ្រោះខាងលើ មានឈ្មោះ លី ថេង ភេទប្រុស អាយុ៣៦ឆ្នាំ ជាកូនដៃទូក មានស្រុកកំណេីតនៅភូមិសាវង្ស ឃុំតាចេស ស្រុកកំពង់ត្រឡាច ខេត្តកំពង់ឆ្នាំង បច្ចុប្បន្ន ស្នាក់នៅផែជលផល ទំនប់រលក នៅភូមិ៣ សង្កាត់១ ក្រុង-ខេត្តព្រះសីហនុ ។
លោកឧកញ៉ា ទៀ វិចិត្រ ប្រធានសមាគមភ្នាក់ងារដឹកជញ្ជូនទេសចរណ៍ជលយានខេត្តព្រះសីហនុ បានអោយដឹងថា ក្រោយពីទទួលដំណឹងអំពីការស្នើសុំលោករបស់ក្រុមគ្រួសាររងគ្រោះ ឱ្យជួយស្វែងរកនោះ លោកក៏បានបញ្ជូនក្រុមការងារ និងអូប័ររបស់ក្រុមហ៊ុន សហការជាមួយកម្លាំងនគរបាលចរាចរណ៍ផ្លូវទឹកចេញទៅជួយស្វែងរកបុរសអ្នកនេសាទម្នាក់ដែលធ្លាក់ពីលើទូកនេសាទ ទៅក្នុងទឹកហើយបាត់ខ្លួនក្នុងលំហសមុទ្រ តាមការស្នើសុំពីក្រុមគ្រួសារ ។
ចែករំលែកព័តមាននេះ