ជប៉ុន និងសហភាពអឺរ៉ុបចង់សម្រេចកិច្ចព្រមព្រៀងពាណិជ្ជកម្មសេរី
ប្រទេសជប៉ុន ៖ លោក Fumio Kishida រដ្ឋមន្ត្រីក្រសួងការបរទេសជប៉ុន ថ្លែងថា ប្រទេសជប៉ុន និងសហភាពអឺរ៉ុបចង់សម្រេចកិច្ចព្រមព្រៀងពាណិជ្ជកម្មសេរីទ្វេភាគីក្នុងឆ្នាំ២០១៧ ។
ប្រទេសជប៉ុន ៖ លោក Fumio Kishida រដ្ឋមន្ត្រីក្រសួងការបរទេសជប៉ុន ថ្លែងថា ប្រទេសជប៉ុន និងសហភាពអឺរ៉ុបចង់សម្រេចកិច្ចព្រមព្រៀងពាណិជ្ជកម្មសេរីទ្វេភាគីក្នុងឆ្នាំ២០១៧ ។
លោកបានថ្លែងនៅថ្ងៃអង្គារ បន្ទាប់ពីនិយាយទូរស័ព្ទជាមួយប្រធានផ្នែកពាណិជ្ជកម្មរបស់ EU គឺលោកស្រី Cecilia Malmstrom ថា ៖ « ពួកយើងសម្រេចថា កិច្ចព្រមព្រៀងនឹងត្រូវបានប្រព្រឹត្តឡើងក្នុងឆ្នាំក្រោយ ។ ពួកយើងយល់ស្របថា នឹងបន្តការចរចាគ្នានៅខែក្រោយដើម្បីកុំឲ្យបាត់បង់ចំណាប់អារម្មណ៍ » ។
លោក Kishida បានថ្លែងក្នុងសន្និសីទកាសែតកាលពីព្រឹកថ្ងៃអង្គារថា ភាគីទាំងពីរបានចរចាលើផ្នែកជាច្រើន ហើយកំពុងខិតជិតកិច្ចព្រមព្រៀងច្បាស់លាស់មួយ ប៉ុន្តែនៅមានចំណុចមួយចំនួនដែលត្រូវការពិភាក្សាបន្តទៀត ។
លោកថ្លែងបែបនេះ បន្ទាប់ពីប្រធានផ្នែកចរចារបស់ EU លោក Mauro Petriccione បាននិយាយកាលពីថ្ងៃសៅរ៍មុនថា ភាគីទាំងពីរនឹងបន្តចរចាលើកិច្ចព្រមព្រៀងពាណិជ្ជកម្មសេរីក្នុងឆ្នាំក្រោយ ។
តាមរយៈការចរចានៅខែមេសា ឆ្នាំ២០១៣កន្លងមក ប្រទេសជប៉ុនចង់ឲ្យមានការដកពន្ធលើរថយន្ត និងផលិតផលអេឡិចត្រូនិករបស់ខ្លួន ខណៈដែល EU ចង់ឲ្យជប៉ុនដកពន្ធលើទំនិញមួយចំនួនដូចជា សាច់ជ្រូក និងឈីស ។
គួរបញ្ជាក់ថា ជប៉ុន និងសហភាពអឺរ៉ុប ដែលមានប្រទេស២៧ បន្ទាប់ពីការចាកចេញរបស់អង់គ្លេសបានហួសកំណត់សម្រាប់ការសម្រេចកិច្ចព្រមព្រៀងនេះម្តងទៅហើយ គឺនៅចុងឆ្នាំ២០១៥ ៕
ចែករំលែកព័តមាននេះ