ខេត្តបន្ទាយមានជ័យ ៖ នគរបាលស្រុកភ្នំស្រុកបាននិយាយប្រាប់ថា បុរសម្នាក់បង្កគ្រោះថ្នាក់ដោយខ្លួនឯងបណ្តាលឲ្យបាត់បង់ជីវិត ខណៈជិះម៉ូតូទៅបុ.កដើមអាកាស្យានៅក្បែរផ្លូវ ហេតុ ការណ៍បង្កឲ្យមានការភ្ញាក់ផ្អើលនៅវេលាម៉ោង១និង២៥នាទីរសៀលថ្ងៃទី១៧ កក្កដា ឆ្នាំ២០២២ ស្ថិតត្រង់ចំណុចផ្លូវបំបែកពីភូមិត្រពាំងប្រីយ៍ ទៅត្រពាំងក្រឡុងចម្ងាយប្រហែល២០០ម៉ែត្រ ក្នុងភូមិត្រពាំងប្រីយ៍ឃុំភ្នំដី ស្រុកភ្នំស្រុក ខេត្តបន្ខាយមានជ័យ ។
នគរបាលបានបន្តប្រាប់ថា ជនរងគ្រោះខាងលើឈ្មោះណាប់ ឈួម ភេទប្រុស អាយុ៤៨ឆ្នាំ រស់នៅភូមិស្ពានក្មេង ឃុំភ្នំដី ស្រុកភ្នំស្រុក ខេត្តបន្ទាយមានជ័យ ជិះម៉ូតូម៉ាកហុងដាទ្រីម ពណ៌ខ្មៅ ស៊េរីឆ្នាំ២០១២ ពាក់ស្លាកលេខបន្ទាយមានជ័យ ១F-១៩៨១ ។
នគរបាលបានបញ្ជាក់ទៀតថា៖ មុនពេលកើតហេតុ ជនរងគ្រោះបានបើកម៉ូតូទៅមើលស្រែក្នុងទិសដៅពីលិចទៅកើត ក្នុងល្បឿនលឿន ពេលមកដល់ចំណុចកើតហេតុ សង្ស័យឡើងទំនប់កាត់ទទឹងផ្លូវមិនបន្ថយល្បឿន បណ្តាលឱ្យផ្លោងហោះទាំងមនុស្សនិងម៉ូតូ ទៅបុកចំដើមកាស្យាដែលនៅខាងស្តាំដៃពេញមួយទំហឹង បណ្ដាលឲ្យកើតមានគ្រោះថ្នាក់តែម្ដង ។
ចែករំលែកព័តមាននេះ