ពិតមែនទេ! ឮថា ភរិយារបស់លោក ខេមរៈ សិរីមន្ត ពពោះកូនម្នាក់ទៀតហើយ
- ភ្នំពេញ
រាជធានីភ្នំពេញ ៖ ក្រោយលេចតម្រុយមួយនេះ កំពូលតារាចម្រៀងប្រុសដែលលេចធ្លោតាមរយៈនៅបទចម្រៀងរបស់លោកនោះ គឺលោក ខេមរៈ សិរីមន្ត កំពុងតែត្រូវបានមហាជនអ្នកគាំទ្រផ្ទុះការកោតសរសើរមិនដាច់ពីមាត់ ដោយសារលោកមិនត្រឹមតែជាតារាមានឈ្មោះបោះសំឡេងទទួលបាននៅភាពល្បីល្បាញលើវិថីសិល្បៈនោះទេ ចំណែកឯមុខរបររកស៊ីក៏ជោគជ័យក្លាយជាអ្នកជំនួញទាំងវ័យក្មេង ដោយបច្ចុប្បន្ន ឧកញ៉ា ខែម ប៊ុនថៃ ហៅ ខេមរ: សិរីមន្តរូបនេះ បានប្រកបអាជីពជាតារាចម្រៀង និងជាថៅកែដីឡូតិ៍ដ៏ល្បីឈ្មោះមួយរូបនៅក្នុងប្រទេសកម្ពុជាផងដែរ។
បើងាកមកមើលពីជីវិតក្រុមគ្រួសាររបស់លោកវិញ កន្លងមក ទស្សនិកជនជាច្រើនតែងតែសង្កេតឃើញឧកញ៉ា ខែម ប៊ុនថៃ ហៅ ខេមរៈ សិរីមន្ត មានជីវិតគ្រួសារប្រកបដោយសុភមង្គល មានក្ដីសុខនៅក្នុងគ្រួសារ គួរឱ្យសរសើរ ដោយលោកមានប្រពន្ធទាំងស្រស់ស្អាត រម្យទុំ សុភាពរាបសារ ទាំងឆ្លាត ទាំងពូកែ ជាភរិយាដ៏ល្អសម្រាប់ស្វាមី និងជាម្ដាយដ៏ល្អសម្រាប់កូនៗ អ្នកណាៗក៏ច្រណែននឹងស្នេហារបស់លោកដែរ មិនចេះឈ្លោះប្រកែកគ្នា មាត់ធំមាត់តូច ហើយក៏មិនដែលឃើញលោក មានរឿងរ៉ាវរកាំរកូសជាមួយគ្រួសារម្ដងណាឡើយ កាន់តែផ្អែមល្ហែមទ្វេរដង ។
ក្នុងនោះផងដែរ និយាយទៅដល់ជីវិតគ្រួសារ បច្ចុប្បន្នចំណងអាពាហ៍ពិពាហ៍រវាងឧកញ៉ា ខែម ប៊ុនថៃ ហៅ ខេមរៈ សិរីមន្ត និងភរិយាជាទីស្រឡាញ់របស់លោកទទួលបានតំណក់ឈា.មកូនប្រុសស្រីចំនួន៣នាក់ហើយ សុទ្ធតែមានរូបសម្រស់ស្រស់ស្អាតកាត់ទៅរកប៉ានិងម៉ាក់តែម្ដង ។ ប៉ុន្ដែថ្មីៗនេះ ឧកញ៉ារូបនេះ ស្រាប់តែបង្ហាញតម្រុយមួយមក ធ្វើឱ្យអ្នកគាំទ្រជាច្រើននាំគ្នាដាក់ការសង្ស័យថា «ភរិយារបស់លោកកំពុងពពោះកូនទី៤ ហើយមើលទៅ ។
ដោយលោកឧកញ៉ា ខែម ប៊ុនថៃ ហៅ ខេមរៈ សិរីមន្ត បានចេញមកបង្ហោះរូបថតផ្អែមល្ហែមយ៉ាងរ៉ូមែនទិច ជាមួយភរិយា ហើយថែមទាំងដាក់ Caption យ៉ាងខ្លីតែមានន័យថា «1+1=3 ជឿអត់បាទ» ។
យ៉ាងណាមិញ តាមរយៈការបង្ហើបសារយ៉ាងខ្លីនៅលើគណនីហ្វេសប៊ុកផេកផ្ទាល់ខ្លួនរបស់ឧកញ៉ា ខែម ប៊ុនថៃ ហៅ ខេមរៈ សិរីមន្ត នេះដែរ បានធ្វើឱ្យអ្នកគាំទ្រជាច្រើនសង្ស័យថា លោក និងភរិយាកំពុងមានដំណឹងល្អឆាប់ៗនេះហើយមើលទៅ តែទោះបីជាបែបនេះ នោះគ្រាន់តែជាការសង្ស័យរបស់មហាជន ក៏ដូចជាអ្នកគាំទ្រតែប៉ុណ្ណោះ ចំណែកការពិតទៅជាយ៉ាងណានោះ មានតែរង់ចាំមើលចម្លើយពីសាមីខ្លួនចេញមុខមកបញ្ជាក់នៅពេលក្រោយទៀតប៉ុណ្ណោះ ទើបយើងដឹងថា តើរឿងនេះនឹងទៅជាបែបណា? ៕
ចែករំលែកព័តមាននេះ