ខេត្តបាត់ដំបង ៖ សេចក្តីរាយការណ៍ឱ្យដឹងថា មានការភ្ញាក់ផ្អើលមួយក្នុងបន្ទប់សណ្ឋាគារ និងកាស៊ីណូមួយកន្លែងឈ្មោះ «ហ្វ្រាណាស៊ី» ក្រោយពីបុគ្គលិកបានប្រទះឃើញសាកសពស្ត្រីជនជាតិថៃម្នាក់ ត្រូវជនមិនស្គាល់មុខរឹត.កសម្លា.ប់យ៉ាងសាហាវបំផុត ។
ខេត្តបាត់ដំបង ៖ សេចក្តីរាយការណ៍ឱ្យដឹងថា មានការភ្ញាក់ផ្អើលមួយក្នុងបន្ទប់សណ្ឋាគារ និងកាស៊ីណូមួយកន្លែងឈ្មោះ «ហ្វ្រាណាស៊ី» ក្រោយពីបុគ្គលិកបានប្រទះឃើញសាកសពស្ត្រីជនជាតិថៃម្នាក់ ត្រូវជនមិនស្គាល់មុខរឹត.កសម្លាប់យ៉ាងសាហាវបំផុត ។
ហេតុការណ៍នេះ កើតឡើងកាលពីម៉ោង១រសៀលថ្ងៃទី២០ ធ្នូ ស្ថិតនៅសណ្ឋាគារនិងកាស៊ីណូ «ហ្វ្រាណាស៊ី» ក្បែរច្រកទ្វារអន្តរ ជាតិដូង ក្នុងបន្ទប់លេខ២១៧ ភូមិដូង ឃុំបឹងរាំង ស្រុកកំរៀង ខេត្តបាត់ដំបង ។
ប្រភពឱ្យដឹងថា សាកសពស្ត្រីរងគ្រោះខាងលើឈ្មោះម៉ានី ឆៃបុត្រ អាយុ៤៤ឆ្នាំ ជនជាតិថៃ មានស្រុកកំណើតនៅភូមិអង់ងិន ស្រុកសៃម៉ៃ ក្រុងបាងកក បើតាមការពិនិត្យជាក់ស្តែង ឃើញសាកសពត្រូវឃាតករយកកន្សែងមករឹត.កសម្លាប់ ។ បច្ចុប្បន្ន សមត្ថកិច្ចខ្មែរ សហការជាមួយសមត្ថកិច្ចថៃ ដើម្បីស្វែងរកចាប់ឃាតករហើយ ដោយយករូបថតក្នុងកាមេរ៉ាប្រគល់ទៅឱ្យខាងភាគីថៃ ដើម្បីជួយស្រាវជ្រាវ តែបានសង្ស័យថា ឃាតករនោះអាចជាមនុស្សស្រីដូចគ្នា ។
ទោះបីជាយ៉ាងណា ឃាតកម្មនេះហាក់ដូចចង់លាក់បាំងអ្វីមួយ ព្រោះទាំងសមត្ថកិច្ច រួមទាំងម្ចាស់សណ្ឋាគារ មិនបានសហការល្អជាមួយខាងអ្នកកាសែតទេ ប្រហែលជាមិនចង់ឱ្យព័ត៌មានបែកផ្សាយច្រើន ដើម្បីងាយស្រួលស្វែងរកឃាតករទេដឹង?
ចែករំលែកព័តមាននេះ