ខេត្តបន្ទាយមានជ័យ ៖ នគរបាលស្រុកថ្មពួក នៅថ្ងៃទី១៦ កក្កដា នេះ បានបញ្ជូនខ្លួនជនសង្ស័យប្រុស-ស្រីចំនួន០២នាក់ ទៅស្នងការដ្ឋាននគរបាលខេត្តបន្ទាយមានជ័យ ដើម្បីចាត់ការបន្តតាមនិតិវិធី បន្ទាប់ពីឃាត់ខ្លួនជាបន្តបន្ទាប់ និងស្រាវជ្រាវរកឃើញនូវសារធាតុញៀ.នខុសច្បាប់ ។
លោកវរសេនីយ៍ទោ ឈឿន គឹមឈុន អធិការនគរបាលស្រុកថ្មពួកបានឲ្យដឹងថា នៅវេលាម៉ោង១០និង៣០នាទីយប់ថ្ងៃទី១៤ ខែកក្កដា ឆ្នាំ២០២២ កំលាំងនគរបាលប៉ុស្តិ៍រដ្ឋបាលឃុំគំរូ បានចុះការពារកម្មវិធីប្រគុំតន្ត្រីខនសឺត នៅចំណុចផ្សារធំគំរូថ្មី ស្ថិតក្នុងភូមិសាស្ត្រភូមិផ្សារថ្មី ឃុំគំរូ ស្រុកថ្មពួក ខេត្តបន្ទាយមានជ័យ បានឃាត់ខ្លួនជនសង្ស័យ០១នាក់ ជាមុខសញ្ញាចែកចាយគ្រឿ.ងញៀ.ន(មុខសញ្ញាចាស់ធ្លាប់ជាប់ពន្ធនាគារ) ឈ្មោះខឿន ញី (ខ្ញី) ភេទប្រុស អាយុ២៨ឆ្នាំ រស់នៅភូមិផ្សារថ្មី ឃុំគំរូ ស្រុកថ្មពួក ដោយឆែកឆេររកឃើញម្ស៉ៅក្រាមសថ្លា(សង្ស័យថ្នាំញៀ.ន)ចំនួន០៣ថង់តូច និងថ្នាំញៀ.នប្រភេទគ្រប់ពណ៌ក្រហម១ជ្រុងដាក់ក្នុងកាបូបក្រវ៉ាត់ចង្កេះ ដែលជនសង្ស័យបានក្រវែងបោះចោលនៅក្បែរខ្លួន ម៉ូតូ០១គ្រឿង , ទូរស័ព្ទដៃ0១គ្រឿង, បំពង់ប៊ឺត២កំណត់, ដែកកេះចំនួន០១, អំពូលភ្លើងកែឆ្នៃចំនួន១ ដែលដាក់ក្នុងកាបូបក្រវាត់ចង្កេះនោះ ។ ជនសង្ស័យ ក្រោយពីឃាត់ខ្លួន និងធ្វើតេស្តទឹកនោមរកសារធាតុញៀ.នគឺវិជ្ជមាន។
លោកអធិការបានបន្តថា ក្រោយពីឃាត់ខ្លួននិងធ្វើការសាកសួរ កម្លាំងជំនាញសហការជាមួយកម្លាំងប៉ុស្តិ៍នគរបាលឃុំគោករមៀត នៅវេលាម៉ោង១១ព្រឹក ថ្ងៃទី១៥ ខែកក្កដា ឆ្នាំ២០២២ បានឃាត់ខ្លួនជនសង្ស័យម្នាក់ទៀត ឈ្មោះ អន ចិន្ដា (ហ៊ុប) ភេទស្រី អាយុ៤០ឆ្នាំ រស់នៅភូមិបន្ទាយមានរឹទ្ធិ ឃុំគោករមៀត ស្រុកថ្មពួក បានដកហូតវត្ថុតាង ម្ស៉ៅក្រាមសថ្លាចំនួន១ថង់តូច និងថ្នាំញៀ.នប្រភេទគ្រាប់ពណ៌ក្រហម WYចំនួន១៥គ្រាប់។
លោកវរសេនីយ៍ទោ ឈឿន គឺមឈុន បានបញ្ជាក់ថា ចំពោះលទ្ធផលដែលកងកម្លាំងនគរបាលស្រុកកថ្មពួកអនុវត្តសម្រេចបាននេះ ដោយអនុវត្តតាមបទបញ្ជារបស់លោកឧត្តមសេនីយ៍ទោ សិទ្ធិ ឡោះស្នងការនគរបាលខេត្តបន្ទាយមានជ័យ និងមានការសម្របសម្រួលនិតិវិធី ដោយឯកឧត្តមព្រះរាជអាជ្ញាអមសាលាដំបូងខេត្តបន្ទាយមានជ័យ៕
ចែករំលែកព័តមាននេះ