ធ្វើយ៉ាងម៉េចចៀសវាងការឈឺបំពង់ក
ទោះបីជាយើងងាយឈឺក្នុងរដូវរងា តែការឈឺបំពង់កអាចនឹងកើតមានគ្រប់រដូវទាំងអស់ ។ សូមអនុវត្តតាមជំហានទាំងនេះដើម្បីកាត់បន្ថយឱកាសនៃការឈឺបំពង់ក ។
១-ក្នុងអំឡុងពេលរដូវរងានិងរដូវផ្តាសាយ
ទោះបីជាយើងងាយឈឺក្នុងរដូវរងា តែការឈឺបំពង់កអាចនឹងកើតមានគ្រប់រដូវទាំងអស់ ។ សូមអនុវត្តតាមជំហានទាំងនេះដើម្បីកាត់បន្ថយឱកាសនៃការឈឺបំពង់ក ។
១-ក្នុងអំឡុងពេលរដូវរងានិងរដូវផ្តាសាយ ចូរលាងដៃរបស់អ្នកឱ្យបានញឹកញាប់ និងចៀសវាងការយកដៃប៉ះភ្នែក ច្រមុះ និងមាត់របស់អ្នក អ្នកនឹងអាចកាត់បន្ថយការកើតជំងឺផ្តាសាយ ។
២-បើកម៉ាស៊ីនបង្កើតចំហាយទឹកនៅក្នុងបន្ទប់គេងរបស់អ្នក ។ ការបន្ថែមជាតិសំណើមក្នុងខ្យល់នឹងជួយរក្សាជាតិសំណើមក្នុងខ្យល់ និងបង្ការកុំឲ្យបំពង់ករបស់អ្នកស្ងួតពេក។
៣-ប្រសិនបើអ្នកជក់បារី សូមបញ្ឈប់ជាបន្ទាន់ ។ ផ្សែងបារីគឺប៉ះពាល់យ៉ាងខ្លាំងដល់ស្រទាប់ខាងក្នុងនៃបំពង់ក ។
៤-ចូរដកដង្ហើមតាមច្រមុះរបស់អ្នកជាជាងមាត់ ។ វាជាវិធីធម្មជាតិក្នុងការផ្សើមខ្យល់ដែលអ្នកដកដង្ហើមចូលក្នុងខ្លួន ។
៥-ប្រសិនបើអ្នកតែងតែឈឺបំពង់កគ្រប់ពេលវេលា សូមប្តូរច្រាសដុសធ្មេញថ្មី ។ បាក់តេរីជាច្រើនប្រមូលផ្តុំនៅលើសរសៃច្រាស ហើយប្រសិនបើអ្នកមានរបួសអញ្ចាញធ្មេញ នៅពេលអ្នកដុសធ្មេញ បាក់តេរីទាំងនោះអាចចូលទៅក្នុងប្រព័ន្ធរាងកាយរបស់អ្នក ហើយធ្វើឲ្យអ្នករលាកបំពង់កឡើងវិញ ។
៦-ពង្រឹងប្រព័ន្ធការពាររាងកាយរបស់អ្នកក្នុងអំឡុងរដូវត្រជាក់ និងរដូវជំងឺផ្តាសាយជាមួយនឹងវីតាមីន ឱសថធម្មជាតិ និងអាហារូបត្ថម្ភល្អចំពោះរាងកាយ ។ អាហារបំប៉នដ៏ល្អគឺវីតាមីន C និង E ស័ង្កសី ម៉ាញ៉េស្យូម និងឱសថធម្មជាតិពង្រឹងប្រព័ន្ធភាពស៊ាំដូចជា goldenseal និង astragalus ។ ស្របគ្នានេះដែរ អ្នកអាចចម្អិន ឬបន្ថែមខ្ទឹមស ខ្ញី ផ្សិត Shiitake និងផ្សិត reishi ទៅក្នុងម្ហូបអាហាររបស់អ្នកដោយសារពួកវាមានលក្ខណៈសម្បត្តិពង្រឹងប្រព័ន្ធភាពស៊ាំ ៕
ចែករំលែកព័តមាននេះ