ខេត្តសៀមរាប ៖ បើតាមសេចក្តីរាយការណ៍ជាបឋមឱ្យដឹងថា បុរសម្នាក់បានរត់ឡើងលើអង់តែនប្រៃសណីយ៍កម្ពុជា តាំងពីព្រឹករហូតដល់ល្ងាច អត់ព្រមចុះក្រោម មិនដឹងជាមានគោលបំណងអ្វីនោះទេ ។ ខណៈពេលនេះ គេឃើញមានប្រធានក្រុមប្រឹក្សាខេត្ត និងលោកសូ ប្លាតុង អភិបាលក្រុងសៀមរាប និងសមត្ថកិច្ចកំពុងរកវិធីជួយសង្គ្រោះ។
ខេត្តសៀមរាប ៖ បើតាមសេចក្តីរាយការណ៍ជាបឋមឱ្យដឹងថា បុរសម្នាក់បានរត់ឡើងលើអង់តែនប្រៃសណីយ៍កម្ពុជា តាំងពីព្រឹករហូតដល់ល្ងាច អត់ព្រមចុះក្រោម មិនដឹងជាមានគោលបំណងអ្វីនោះទេ ។ ខណៈពេលនេះ គេឃើញមានប្រធានក្រុមប្រឹក្សាខេត្ត និងលោកសូ ប្លាតុង អភិបាលក្រុងសៀមរាប និងសមត្ថកិច្ចកំពុងរកវិធីជួយសង្គ្រោះ។
ហេតុការណ៍បង្កឱ្យមានការភ្ញាក់ផ្អើល តាំងពីព្រឹករហូតដល់ល្ងាចថ្ងៃទី២០ ធ្នូ ស្ថិតនៅក្នុងប្រៃសណីយ៍កម្ពុជា ដែលមានទីតាំងនៅតាមបណ្តោយពីខាងលិចស្ទឹងសៀមរាប ក្នុងភូមិមណ្ឌល១ សង្កាត់ស្វាយដង្គំ ក្រុងសៀមរាប។
បើតាមការអះអាងពីលោកសូរ ប្លាតុង អភិបាលក្រុងសៀមរាបបានឱ្យដឹងថា ករណីនេះ បានកើតឡើងតាំងពីម៉ោង១០ និង៣០នាទីព្រឹកថ្ងៃទី២០ ធ្នូ រហូតមកដល់ម៉ោងជាង៥ល្ងាច ដោយបុរសនោះ មិនព្រមចុះមកក្រោមនៅឡើយទេ ។ លោកបន្តថា អង់តែនប្រៃណីយ៍ ដែលបុរសម្នាក់នេះឡើង គឺមានកម្ពស់ជិត២០០ម៉ែត្រ ហើយបុរសម្នាក់នេះឡើង បានប្រមាណជាជាង២០ម៉ែត្រប៉ុណ្ណោះទេ ។
លោកបន្តថា បើតាមការសន្និដ្ឋាន បុរសនេះសង្ស័យបែកថ្នាំ ព្រោះបើគេមានបំណងសម្លាប់ខ្លួនគេលោត ចុះមកក្រោយ យូរណាស់ហើយ ។ លោកបានបញ្ជាក់បន្ថែមថា មកដល់ពេលនេះ សមត្ថកិច្ចរួមជាមួយព្រោះសង្ឃ ព្រមទាំងប្រជាពលរដ្ឋកំពុងតែលោងលោមឱ្យបុរសរូបនេះចុះមកក្រោមវិញ ប៉ុន្តែគេក្រវីតែក្បាលរហូត។
គូរបញ្ជាក់ថា បច្ចុប្បន្នអាជ្ញាធរ និងសមត្ថកិច្ច ព្រមទាំងព្រះសង្ឍ និងប្រជាពលរដ្ឋ កំពុងសំណូមពរឱ្យបងប្អូនណា ដែលបានស្គាល់បុរសរូបនេះ មេត្តាជួយផ្តល់ដំណឹង ទៅឱ្យក្រុមគ្រួសាររបស់គេផង ដើម្បីកុំឱ្យយប់ទាន់ខ្លាចក្រែងមានអ្វីកើតឡើងជាយថហេតុនៅពេលយប់ ។
ចែករំលែកព័តមាននេះ