នៅក្នុងរយៈពេលដ៏ខ្លី ពន្លឺ និងសុជាតិ បានក្លាយខ្លួនជាសិល្បៈករវ័យក្មេងដ៏មានប្រជាប្រិយភាពនៅក្នុងប្រទេសកម្ពុជា។ អ្នកទាំងពីរត្រូវបានគេស្គាល់ថា ជាក្រុម «ក្មេងខ្មែរ» និងក៏ជាតារាដែលមានទេពកោលសល្យនិពន្ធចម្រៀងថ្មីដោយខ្លួនឯងផងដែរ ពួកគេបានទទួលការគាំទ្រយ៉ាងពេញទំហឹងក្នុងចំណោមស្រទាប់យុវវ័យ ដែលក្នុងនោះមានបទចម្រៀងដ៏ពេញនិយម និងត្រូវបានយុវវ័យយកមកច្រៀងលេងតាមនោះគឺ បទ «បុណ្យភូមិ» «ខូចចិត្ត» និង «កុហក» ជាដើម។
ពន្លឺ និងសុជាតិ មានដើមកំណើតមកពីទីកន្លែងខុសគ្នាស្រឡះ ហើយអ្វីដែលបណ្តាលឲ្យពួកគេទាំងពីរបានរួបរួមគ្នាធ្វើចម្រៀងជាមួយគ្នា គឺដោយសារពួកគេមានក្តីស្រម៉ៃ និងឆន្ទៈដូចគ្នា ហើយនេះជាកត្តាជម្រុញឲ្យពួកគេសម្រេចជោគជ័យលើអាជីពសិល្បៈដែលខ្លួនបានជ្រើសរើស។ ក្រៅពីការខិតខំប្រឹងប្រែងរៀនសូត្រយ៉ាងយកចិត្តទុកដាក់ ពន្លឺ និងសុជាតិ ក៏បានប្រកាន់ខ្ជាប់នូវវិន័យ និងការប្តេជ្ញាចិត្តខ្ពស់ រហូតសម្រេចបានលទ្ធផលល្អប្រសើរ និងបានបញ្ចប់ការសិក្សានៅសាកលវិទ្យាល័យ ភ្ជាប់ជាមួយនូវកិត្តិយសដ៏ឧត្តុងឧត្តម្ភ ហើយពួកគេក៏បានយកចំណេះដឹងដែលបានរៀនសូត្រមកច្នៃនិពន្ធ និងកែច្នៃក្តីស្រម៉ៃរបស់ខ្លួនឲ្យក្លាយជាការពិត ដោយប្រកាន់ខ្ជាប់នូវគោលការណ៍នៃការអប់រំខ្លួនឲ្យរស់នៅឲ្យកាន់តែល្អប្រសើរ។
ទស្សនៈយល់ឃើញដ៏អស្ចារ្យមួយរបស់ក្មេងខ្មែរគឺ «ការរៀនសូត្រ គឺគ្មានថ្ងៃបញ្ចប់» ហើយនេះជាមូលហេតុជំរុញឲ្យពួកគេទាំងពីរបន្តខិតខំប្រឹងប្រែងក្នុងការរៀនសូត្រ និងធ្វើការ។ ក្មេងខ្មែរ គឺជាយុវជនគំរូដល់យុវវ័យនាពេលបច្ចុប្បន្ននេះ ភាពជឿជាក់លើខ្លួនឯង និង ជំនះលើក្តីស្រម៉ៃរបស់ខ្លួនពិតជាធ្វើឲ្យពួកគេទទួលបានជោគជ័យពិតប្រាកដមែន។
ឆ្លងពីមួយដំណាក់កាលៗនៃការវិវត្តន៍ខ្លួនរបស់ក្មេងខ្មែរ ដែលមានដូចជាការខិតខំរៀនសូត្រឲ្យពូកែ ការទន្ទេញមេរៀនឲ្យចងចាំល្អ ទេពកោសល្យនិពន្ធបទភ្លេង និងបង្កើតចម្រៀងថ្មី គឺសុទ្ធតែត្រូវពឹងផ្អែកលើខួរក្បាលដ៏ល្អ និងភាពឆ្លាតវៃរបស់ពួកគេទាំងពីរ ដោយពួកគេមាន ម៉េកណូលា គីងកុ ជាមិត្ត ហើយនេះគឺជាការឆ្លុះបញ្ជាំងឲ្យឃើញពីលក្ខណៈពិសេសនៃអត្ថប្រយោជន៍របស់ទឹកដោះគោឆៅ ម៉េកណូលា គីងកុ ភ្លឹស ដែលមានគុណប្រយោជន៍ខ្ពស់សម្រាប់ជំនួយដល់ការចងចាំ និងបំប៉នខួរក្បាល។
ចែករំលែកព័តមាននេះ