ខេត្តព្រះវិហារ ៖ ក្នុងរដូវលំហើយនេះ អាជីវករខ្មែរនៅលើតំបន់អានសេះព្រំដែនកម្ពុជា-ថៃកំពុងតែសប្បាយរីករាយខ្លាំង ក្នុងការនាំផ្សិតឈើធម្មជាតិទៅលក់ទៅឱ្យខាងអាជីវករថៃ ដោយទទួលបានតម្លៃថ្លៃសមរម្យ បង្កើនចំណូលបានមួយកម្រិតថែមទៀតដែរ ។
ប្រាប់អ្នកសារព័ត៌មាននៅលើផ្សារខ្មែរតំបន់អានសេះ កាលពីរសៀលថ្ងៃទី១៩ ធ្នូ ស្ត្រីឈ្មោះថន ស្រីមុំ ជាអាជីវករលក់ផ្សិតឈើ បានបញ្ជាក់ថា តម្លៃផ្សិតឈើក្រៀមទិញពីប្រជាពលរដ្ឋខ្មែរក្នុង១គីឡូក្រាមតម្លៃ១៥បាត នឹងអាចលក់បន្តឲ្យអាជីវករថៃ បានរហូត២០បាត ទៅ២៥បាត ។
រីឯផ្សិតឈើស្រស់អាចលក់ឲ្យអាជីវករថៃ ក្នុងចន្លោះពី១៥០បាត ទៅ១៧០បាត ក្នុង១គីឡូក្រាម ដោយក្នុងមួយថ្ងៃអាជីវករខ្មែរអាចលក់ទៅឲ្យថៃ ក្នុងចន្លោះពី៥០០គីឡូគ្រាម ទៅ៨០០គីឡូក្រាម ។ ស្ត្រីឈ្មោះថន ស្រីមុំ ក៏បានសម្តែងការរីករាយយ៉ាងខ្លាំង ក្នុងរយៈពេល១សប្តាហ៍កន្លងទៅនេះ បន្ទាប់ពីការលក់ចេញនូវកសិផលរបស់ខ្មែរ ទៅឲ្យភាគីថៃដោយរលូន មិនដូចពេលមុនៗឡើយ ដែលកន្លងទៅភាគីថៃ តែងតែមិនអនុញ្ញាត ឲ្យពួកគាត់នាំចេញកសិផលទៅលក់ឲ្យអាជីវករថៃ បាន រលូននោះទេ ដូចជាផ្លែស្វាយ ភាគីថៃ មិនអោយនាំចូលដោយចោទថា ស្វាយផ្លែខុសរដូវជាដើម ។
ចែករំលែកព័តមាននេះ