ខេត្តបាត់ដំបង ៖ ដូចពាក្យនិយាយលេងតៗគ្នាថា «រកអុសប្រទះឈើងា.ប់» មិនខុសមែន ខណៈដែលកម្លាំងសមត្ថកិច្ច ចុះប្រតិបត្តិការតាមច្បាមយកមុខសញ្ញាក្រុមចោរលួចម៉ូតូ ស្រាប់តែប្រទះចំមុខសញ្ញាជួញដូរគ្រឿ.ង.ញៀ.ន ក៏ត្រូវសមត្ថកិច្ចក្របួចបានចំនួន០៣នាក់ មានប្រុស មានស្រី រួមទាំងដកហូតបានគ្រឿ.ងញៀ.នជាងកន្លះគីឡូក្រាម កាលពីវេលាម៉ោង១និង១០នាទី រសៀលថ្ងៃទី ១៤ កក្កដា ខណៈដែលជនទាំង០៣នាក់កំពុងនាំគ្នា លាតគ្រឿ.ងញៀ.នហាលថ្ងៃនៅខាងក្រោយផ្ទះនៅចំណុចបឹងបី ស្ថិតក្នុងភូមិសំណាងព្រះស្រី ឃុំបឹងប្រាំ ស្រុកបវេល។
តាមរយៈរបាយការណ៍ លោក សុខ សារិន អធិការស្រុកបវេលបានឲ្យដឹងថា ជនសង្ស័យទាំង០៣នាក់ ដែលឃាត់ខ្លួនពាក់ព័ន្ធនឹងបទល្មើសគ្រឿ.ងញៀ.នមាន ឈ្មោះ ផាត សុភី ហៅ មុំ ភាទ ភេទស្រីអាយុ៣០ឆ្នាំ ស្នាក់នៅបណ្ដោះអាសន្នចំណុចកើតហេតុ ឈ្មោះចាន់ ធា ប្រុសអាយុ៣៧ឆ្នាំ រស់នៅភូមិដូង ឃុំបឹងរាំង ស្រុកកំរៀង និងឈ្មោះសំ ដារ៉ា ភេទប្រុស អាយុ៣៤ឆ្នាំ នៅភូមិបេងស្អាត ឃុំភ្នំព្រឹក ស្រុកភ្នំព្រឹក ។
លោកអធិការបានបញ្ជាក់ថា ជនទាំង០៣នាក់នេះ ត្រូវបានកម្លាំងរបស់លោកឃាត់ខ្លួន ពេលពួកគេកំពុងប្រមូលផ្ដុំគ្នា ប្រព្រឹត្តបទល្មើសគ្រឿ.ង.ញៀ.នជាក់ស្ដែង ហើយថែមទាំងដកហូតបានវត្ថុតាងមួយចំនួនធំទៀតផង។ បើតាមប្រភពព័ត៌មានបាននិយាយថា ការឈានដល់ការក្របួចបានមុខសញ្ញាជួញដូរគ្រឿ.ង.ញៀ.នចំនួន០៣នាក់ខាងលើនេះ គឺជាចៃដន្យបំផុត ។ ប្រភពបានបញ្ជាក់ថា តាមពិតកម្លាំងសមត្ថកិច្ច បានចុះប្រតិបត្តិការស្រាវជ្រាវតាមច្បាមយកមុខសញ្ញាលួចម៉ូតូប្រជាពលរដ្ឋនៅតំបន់នោះ ។
ប៉ុន្តែពេលកម្លាំងសមត្ថកិច្ចចុះទៅដល់ចំណុចខាងលើ ស្រាប់តែប្រទះឃើញក្រុមនេះកំពុងនាំគ្នា ចាក់គ្រឿ.ងញៀ.នដ៏ច្រើនសន្ធឹកសន្ធាប់ លាតហាលថ្ងៃនៅខាងក្រោយផ្ទះ ទើបកម្លាំងសមត្ថកិច្ចក្របួច.កជាប់ទាំងប្រុស ទាំងស្រីតែម្ដង ប្រមូលបានទាំងគ្រឿ.ង.ញៀ.នផងដែរ ដែលជាវត្ថុតាង ។ នៅក្នុងរបាយការណ៍ វត្ថុតាងដែលដកហូតបានរួមមាន៖ ម្ស៉ៅក្រាមពណ៌ស ដែលគេសង្ស័យថ្នាំញៀ.នប្រភេទ ICE (ម៉ាទឹកកក) ចំនួន០៣ថង់ មានទម្ងន់ ៥១២,៤៥ក្រាម និងម៉ូតូចំនួន០៣គ្រឿង រួមទាំងសម្ភារពាក់ព័ន្ធមួយចំនួនទៀត ។
លោក សុខ សារិន បានបញ្ជាក់ថា ពេលនេះ ជនសង្ស័យទាំង០៣នាក់កំពុងឃាត់ខ្លួន និងសួរនាំនៅអធិការស្រុកបវេលនៅឡើយ តែត្រៀមបញ្ជូនទៅកាន់ស្នងការខេត្តបន្ត ដើម្បីចាត់ការតាមនីតិវិធីហើយ ៕
ចែករំលែកព័តមាននេះ