ឃាត់ខ្លួនជនជាតិវៀតណាម១៩នាក់ នៅសង្កាត់ព្រែកប្រា
រាជធានីភ្នំពេញ ៖ កម្លាំងនគរបាលនៃនាយកដ្ឋានស៊ើបអង្គេតនិងអនុវត្តនីតិវិធីនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ សហការជាមួយនគរបាលអន្តោប្រវេសន៍
រាជធានីភ្នំពេញ ៖ កម្លាំងនគរបាលនៃនាយកដ្ឋានស៊ើបអង្គេតនិងអនុវត្តនីតិវិធីនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ សហការជាមួយនគរបាលអន្តោប្រវេសន៍
រាជធានីភ្នំពេញ ៖ កម្លាំងនគរបាលនៃនាយកដ្ឋានស៊ើបអង្គេតនិងអនុវត្តនីតិវិធីនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ សហការជាមួយនគរបាលអន្តោប្រវេសន៍រាជធានីភ្នំពេញ បានបន្តប្រតិបត្តិការចុះត្រួតពិនិត្យរដ្ឋបាលទៅលើជនជាតិវៀតណាម ដែលមករស់នៅនិងធ្វើការខុសច្បាប់ នៅចំណុចភូមិអូរអណ្តូង១ ក្នុងសង្កាត់ព្រែកប្រា ខណ្ឌច្បារអំពៅ ។
ប្រតិបត្តិការចុះត្រួតពិនិត្យកាលពីរសៀលថ្ងៃទី១៩ ធ្នូ ២០១៦ខាងលើនេះដែរ ដឹកនាំដោយលោកឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើបអង្គេត និងអនុវត្តនីតិវិធីនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ និងមានការសម្របសម្រួលពីព្រះរាជអាជ្ញាររងអមសាលាដំបូងរាជធានីភ្នំពេញ លោកសៀង សុខ ។
ជាលទ្ធផលសមត្ថកិច្ច បានរកឃើញនិងឃាត់ខ្លួនជនជាតិវៀតណាមចំនួន២០នាក់(ស្រី២នាក់) ដែលពុំមានឯកសារត្រឹមត្រូវ ហើយត្រូវបានបញ្ចូនទៅកាន់អគ្គនាយកដ្ឋានអន្តោប្រវេសន៍ ដើម្បីចាត់ការតាមនីតិវិធីរបស់ច្បាប់អន្តោប្រវេសន៍ ។
បើតាមលោកឧត្តមសេនីយ៍ទោ អ៊ុក ហៃសីឡា បានអោយដឹងថា ជនបរទេសណាដែលចូលមករស់នៅនិងធ្វើការដោយខុសច្បាប់ ដោយគ្មានភ្ជាប់ជាមួយលិខិតឆ្លងដែន ឬឯកសារពាក់ព័ន្ធផ្សេងនោះ ពួកគេនឹងត្រូវឃាត់ខ្លួនបញ្ចូនទៅកាន់អគ្គនាយកដ្ឋានអន្តោប្រវេសន៍ ដើម្បីកសាងសំណុំបែបបទ ស្នើទៅក្រសួងមហាផ្ទៃបណ្តេញចេញពីកម្ពុជា ទៅកាន់ប្រទេសដើមខ្លួនវិញនៅពេលខាងមុខ ។
ចំណែកជនបរទេសដែលមានច្បាប់អនុញ្ញាត្តអោយរស់នៅស្របច្បាប់ ប៉ុន្តែគ្មានលិខិតអនុញ្ញាត្តការងារ ពួកគេនឹងត្រូវពិន័យ ៥០ម៉ឺនរៀលចូលរដ្ឋ រួចរងចាំផុតទិដ្ឋការនៃការអនុញ្ញាត្តច្បាប់រស់នៅទើបសម្រេចធ្វើការបណ្តេញចេញ ៕
ចែករំលែកព័តមាននេះ