ពិនិត្យស្ថានភាពទឹកកំពុងហក់ឡើង ដើម្បីត្រៀមលក្ខណៈជួយពលរដ្ឋ
- ពោធិ៍សាត់
ដោយសារទឹកស្ទឹងពោធិ៍សាត់ កំពុងតែហក់ឡើងខ្លាំង នៅព្រឹកថ្ងៃទី១៤ ខែកក្កដា ឆ្នាំ២០២២ នេះ លោក ចេង ឡៃ អភិបាលរងខេត្ត តំណាងឯកឧត្តម ជាវ តាយ អភិបាល
ដោយសារទឹកស្ទឹងពោធិ៍សាត់ កំពុងតែហក់ឡើងខ្លាំង នៅព្រឹកថ្ងៃទី១៤ ខែកក្កដា ឆ្នាំ២០២២ នេះ លោក ចេង ឡៃ អភិបាលរងខេត្ត តំណាងឯកឧត្តម ជាវ តាយ អភិបាល
ខេត្តពោធិ៍សាត់ ៖ ដោយសារទឹកស្ទឹងពោធិ៍សាត់ កំពុងតែហក់ឡើងខ្លាំង នៅព្រឹកថ្ងៃទី១៤ ខែកក្កដា ឆ្នាំ២០២២ នេះ លោក ចេង ឡៃ អភិបាលរងខេត្ត តំណាងឯកឧត្តម ជាវ តាយ អភិបាល នៃគណៈអភិបាលខេត្ត បានដឹកនាំមន្ត្រី ចុះពិនិត្យស្ថានភាពជាក់ស្ដែង ដើម្បីត្រៀមលក្ខណៈអន្តរាគមន៍។
លោក កែវ វ័យ ប្រធានមន្ទីរធនធានទឹកខេត្តពោធិ៍សាត់ ប្រាប់ឱ្យដឹងថា ដោយសារតែមានភ្លៀងធ្លាក់នៅប៉ែកខាងលើ ជួរភ្នំក្រវាញជាច្រើនថ្ងៃកន្លងមកនេះ ហូរចូលស្ទឹងអារ៉ៃ ក្បាលស្ទឹងធំ បុកចូលស្ទឹងពោធិ៍សាត់ ធ្វើឱ្យទឹកហក់ឡើងខ្លាំង ដែលមានកម្ពស់ ៤ ម៉ែត្រកន្លះ ដែលកម្រិតប្រកាសអាសន្ន ៥ ម៉ែត្រ ក្នុងក្រុងពោធិ៍សាត់។
លោកបន្តថា ទោះយ៉ាងនេះក្តី ទឹកនៅក្នុងស្ទឹងនៅឡើយមិនទាន់ដល់កម្រិតហូរបែកវាលធ្វើឲ្យប៉ះពាល់ផលដំណាំ ហេដ្ឋារចនាសម្ព័ន្ធ និងផ្ទះសម្បែងរបស់បងប្អូនប្រជាពលរដ្ឋនៅឡើយទេ។ ប៉ុន្តែនេះជាការចុះត្រួតពិនិត្យ ដើម្បីត្រៀមលក្ខណៈជួយបងប្អូនប្រជាពលរដ្ឋ ប្រសិនបើទឹកជំនន់នៅបន្តហក់ឡើង រហូតដល់កម្រិតប្រកាសអាសន្ន។ សូមស្ដាប់ការលើកឡើងរបស់លោក កែវ វៃ ប្រធានមន្ទីរធនធានទឹកខេត្តពោធិ៍សាត់។
សូមបញ្ជាក់ថា ជំនន់ទឹកភ្លៀងបានបង្កផលប៉ះពាល់ ហេដ្ឋារចនាសម្ព័ន្ធផ្លូវថ្នល់ ផ្ទះសម្បែង មួយចំនួននៅស្រុកវាលវែង។ ដោយឡែកក្រុងពោធិ៍សាត់ និងស្រុកកណ្ដៀង នៅប៉ែកខាងក្រោមអាជ្ញាធរដឹកនាំដោយលោក ចេង ឡៃ អភិបាលរងខេត្ត កំពុងចុះពិនិត្យមើលស្ថានភាពជាក់ស្ដែង និងបានផ្ដល់ថវិកាមួយចំនួនជូនដល់ចាស់ជរាផងដែរ៕
ចែករំលែកព័តមាននេះ