យោងតាម Apptopia ក្រុមហ៊ុនវិភាគApp បានបង្ហាញថា ហ្គេមរបស់ក្រុមហ៊ុន Nintendo មានឈ្មោះថា តុក្កតាស៊ីផ្សិត (Mario) ដែលជាហ្គេមផ្លូវការដំបូងរបស់ក្រុមហ៊ុន សម្រាប់លេងនៅលើទូរស័ព្ទត្រូវបានគេដោនឡូនរហូតដល់២,៨៥លានដងនៅថ្ងៃសម្ពោធ។ វាបានក្លាយជាហ្គេមឈរនៅលំដាប់ទីមួយជំនួសហ្គេម Pokemon Go ដែលត្រូវបានគេដោនឡូតច្រើនជាងគេក្នុងសប្តាហ៍ដំបូងនៅលើApp Store ។
Pokemon Go ក៏ជាហ្គេមរបស់ក្រុមហ៊ុន Nintendo បានឈរនៅលំដាប់ទីពីរ សម្រាប់ហ្គេមដែលត្រូវបានគេដោនឡូតច្រើនជាងគេនៅថ្ងៃសម្ពោធ ។ នៅថ្ងៃសម្ពោធដំបូងរបស់ហ្គេមPokemon Go មានគេដូនឡូតចំនួន៩០០.០០០ដង ។ នេះបើតាមទិន្នន័យរបស់ក្រុមហ៊ុន Apptopia ។ តែនៅថ្ងៃសម្ពោធរបស់ហ្គេម Pokemon Go នោះមានប្រទេស និងតំបន់មួយចំនួនប៉ុណ្ណោះដែលត្រូវបានគេជ្រើសរើសឲ្យដំណើរការលេងហ្គេមនោះ ។ ខុសគ្នាពីហ្គេមតុក្កតាស៊ីផ្សិត នៅថ្ងៃសម្ពោធដំបូងមានដល់ទៅ១៥០ប្រទេស។
ហ្គេមតុក្កតាស៊ីផ្សិតនោះ គេអនុញ្ញាតឲ្យដោនឡូនដោយឥតគិតថ្លៃនៅលើ App Store ដែលអាចលេងបានត្រឹមបីកម្រិត ។ ហើយដើម្បីអាចលេងបានគ្រប់កម្រិតគេត្រូវទិញពី App Store ក្នុងតម្លៃ៩,៩៩ដុល្លារ ដោយគ្មានការផ្សាយពាណិជ្ជកម្មឡើយ ៕
ចែករំលែកព័តមាននេះ