ប្រទេសចិន ៖ ទីភ្នាក់ងារស៊ិនហួរបានរាយការណ៍កាលពីថ្ងៃពុធកន្លងមកថា អ្នកដឹកនាំធំៗក្នុងប្រទេសចិនបានចាប់ផ្តើមកិច្ចប្រជុំប្រចាំឆ្នាំដើម្បីរៀបចំគម្រោងសេដ្ឋកិច្ច និងកំណែទម្រង់សម្រាប់ឆ្នាំ២០១៧ ។
ប្រទេសចិន ៖ ទីភ្នាក់ងារស៊ិនហួរបានរាយការណ៍កាលពីថ្ងៃពុធកន្លងមកថា អ្នកដឹកនាំធំៗក្នុងប្រទេសចិនបានចាប់ផ្តើមកិច្ចប្រជុំប្រចាំឆ្នាំដើម្បីរៀបចំគម្រោងសេដ្ឋកិច្ច និងកំណែទម្រង់សម្រាប់ឆ្នាំ២០១៧ ។
សន្និសីទកិច្ចការសេដ្ឋកិច្ចកណ្តាលប្រចាំឆ្នាំនេះ នឹងត្រូវបានតាមដានយ៉ាងយកចិត្តទុកដាក់ពីវិនិយោគិន ដើម្បីទទួលបានគន្លឹះទាក់ទិននឹងគោលនយោបាយ និងគោលដៅសេដ្ឋកិច្ចសំខាន់ៗសម្រាប់ឆ្នាំក្រោយ ។
ភ្នាក់ងារសារព័ត៌មានខាងលើនិយាយថា កិច្ចប្រជុំបានចាប់ផ្តើមក្នុងថ្ងៃពុធ ប៉ុន្តែមិនបាននិយាយថា តើពេលណាទើបសន្និសីទនេះត្រូវបានបញ្ចប់ឡើយ ។ គួរបញ្ជាក់ថា ក្នុងឆ្នាំ២០១៥ កិច្ចប្រជុំនេះបានប្រារព្ធឡើងពីថ្ងៃទី១៨ ដល់ថ្ងៃទី២១ ធ្នូ ។
អ្នកដឹកនាំទាំងនោះបានសន្យាកាលពីថ្ងៃសុក្រថា នឹងបន្តលើកតម្កើងកំណែទម្រង់ភាគីផ្គត់ផ្គង់ក្នុងឆ្នាំ២០១៧ ខណៈមានការជំរុញដល់កំណែទម្រង់ក្នុងវិស័យរដ្ឋ និងហិរញ្ញវត្ថុផងដែរ ។
រដ្ឋាភិបាលត្រូវបានគិតថា នឹងបង្អាក់ការប្រកាសគោលដៅសេដ្ឋកិច្ចសម្រាប់ឆ្នាំ២០១៧ ជាលម្អិត រួមទាំងការលូតលាស់ GDP ការវិនិយោគ និងបរិមាណប្រាក់ដែលមានក្នុងសេដ្ឋកិច្ចជាដើម រហូតដល់កិច្ចប្រជុំសភាជាតិប្រចាំឆ្នាំក្នុងខែមីនា ។
ប្រទេសចិនកំពុងបន្តដំណើរដើម្បីសម្រេចគោលដៅការលូតលាស់ប្រចាំឆ្នាំរបស់ខ្លួន ដែលស្មើនឹង៦,៥%ទៅ៧%ក្នុងឆ្នាំនេះ ប៉ុន្តែក៏បានជួបប្រទះនឹងហានិភ័យពីផ្នែកអចលនទ្រព្យផងដែរ ។
ជាមួយគ្នានេះ សេដ្ឋកិច្ចចិនក៏កំពុងជួបប្រទះនឹងឧបសគ្គផងដែរ ដោយសារការអន់ថយក្នុងផ្នែកវិនិយោគពីវិស័យឯកជន ទីផ្សារអចលនទ្រព្យកំពុងក្តៅគគុក និងចំនួនលើសលប់នៃឧស្សាហកម្ម ៕
ចែករំលែកព័តមាននេះ