កំពុងជួសជុលម៉ាស៊ីន ស្រាប់តែផ្ទុះកក្រើក
ខេត្តរតនគិរី ៖ កម្មករសាឡង់បូបខ្សាច់២នាក់ ខណៈកំពុងជួសជុលម៉ាស៊ីនដែលគាំងមិនដំណើរការ ស្រាប់តែម៉ាស៊ីននោះផ្ទុះកក្រើកសាឡង់ខ្សាច់ …
ខេត្តរតនគិរី ៖ កម្មករសាឡង់បូបខ្សាច់២នាក់ ខណៈកំពុងជួសជុលម៉ាស៊ីនដែលគាំងមិនដំណើរការ ស្រាប់តែម៉ាស៊ីននោះផ្ទុះកក្រើកសាឡង់ខ្សាច់ …
ខេត្តរតនគិរី ៖ កម្មករសាឡង់បូបខ្សាច់២នាក់ ខណៈកំពុងជួសជុលម៉ាស៊ីនដែលគាំងមិនដំណើរការ ស្រាប់តែម៉ាស៊ីននោះផ្ទុះកក្រើកសាឡង់ខ្សាច់បណ្ដាលឲ្យស្លាប់ម្នាក់ និងរបួសធ្ងន់ម្នាក់ ។ ហេតុការណ៍នេះបានកើតឡើងកាលពីវេលាម៉ោង៤ និង១៥នាទីរសៀល ថ្ងៃទី១៧ ខែធ្នូ ឆ្នាំ២០១៦ នៅចំណុចទន្លេសេសាន ស្ថិតនៅភូមិដាល ឃុំញ៉ាង ស្រុកអណ្តូងមាស ។
ទាក់ទិននឹងករណីខាងលើនេះត្រូវបានសមត្ថកិច្ចមូលដ្ឋាន និងនគរបាលខេត្តបានឲ្យដឹងថា ក្នុងករណីផ្ទុះម៉ាស៊ីនបូមខ្សាច់ខាងលើ ក្រុមហ៊ុនបូមខ្សាច់មិនបានរាយការណ៍ជូនសមត្ថកិច្ចឲ្យដឹងពត៌មានលំអិតនោះទេ ។ ក្រោយពីកើតហេតុបាននាំគ្នាយកជនរងគ្រោះ និងសាកសពទៅភ្នំពេញបាត់តែម្តង ។
សមត្ថកិច្ចបានឲ្យដឹងទៀតថា ជនរងគ្រោះឈ្មោះ ច្រឹង សែ ភេទប្រុស អាយុ៦០ឆ្នាំ ជនជាតិវៀតណាម ជាកម្មករ ស្នាក់នៅកន្លែងកើតហេតុខាងលើ បានរងរបួសធ្ងន់ និងជនរងគ្រោះម្នាក់ទៀតមិនស្គាល់អត្តសញ្ញាណ ជនជាតិចិន បានស្លាប់នៅកន្លែងកើតហេតុតែម្តង ។
នៅក្នុងហេតុការណ៍នេះ សមត្ថកិច្ចបានចុះទៅពិនិត្យកន្លែងកើតហេតុ ដោយសាកសួរកម្មករនៅសេសសល់ ពួកគេបានប្រាប់ថា មុនពេលកើតហេតុគឺមានតែកម្មករ២នាក់ប៉ុណ្ណោះនៅលើសាឡង់បូមខ្សាច់ គ្រាន់តែដឹងថា កំពុងជូសជុលម៉ាស៊ីនដែលគាំងមិនដំណើរការ ស្រាប់តែ១ម៉ោងក្រោយមកក៏លាន់ឮសម្លេងផ្ទុះក៏នាំគ្នារត់ទៅមើលឃើញកម្មករទាំង២នាក់នោះរងរបួសទៅហើយ ក៏ប្រញាប់ប្រពាល់បញ្ជូនទៅក្រុងភ្នំពេញដើម្បីសង្គ្រោះដោយមិនបានរាយការណ៍ជូនសមត្ថកិច្ចមូលដ្ឋាន ។
នៅកន្លែងកើតហេតុសមត្ថកិច្ចធ្វើការត្រួតពិនិត្យឃើញម៉ាស៊ីននៅលើសាឡង់មានស្ថានភាពផ្ទុះម៉ាស៊ីបូមខ្សាច់ ដែលសមត្ថកិច្ចដាក់ការសង្ស័យថា ប្រហែលម៉ាស៊ីនក្តៅពេក ហើយជួសជុលខុសបច្ចេកទេស ទើបផ្ទុះបែបនេះ ៕
ចែករំលែកព័តមាននេះ