ខេត្តឧត្តរមានជ័យ ៖ កាលពីថ្ងៃទី១៨ ធ្នូ ក្រុមជំនួយការរបស់លោកឧត្តមសេនីយ៍ឯក ហ៊ុន ម៉ាណែត បាននាំយកសម្ភារជាសំណង់មួយចំនួន ដែលជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត តាមរយៈលោក ហ៊ុន ម៉ាណែត ប្រគល់ជូនអង្គភាពចំណុះកងពលធំអន្តរាគមន៍លេខ២ ដោយក្នុងនោះរួមមានស៊ីម៉ង់តិ៍ ២០តោន ជូនកងពលតូចអន្តរាគមន៍លេខ៤ ស្ថិតក្នុងស្រុកបន្ទាយអំពិល, ស៊ីម៉ង់តិ៍១០តោន ស័ង្កសី១០០០ស្លឹក ជូនកងវរសេនាតូចរៀបរយលេខ២៦១ និងកងវរសេនារូចលេខ២៦៤, ស៊ីម៉ង់តិ៍ ១០តោន ស័ង្កសី ១០០០សន្លឹកជូនដល់ទីបញ្ជាការកងពលតូចអន្តរាគមន៍លេខ៦ ស្ថិតក្នុងស្រុកត្រពាំងប្រាសាទ ខេត្តឧត្តរមានជ័យ។
ក្នុងជំនួបសំណេះសំណាល លោកវរសេនីយ៍ឯក មែ ស៊ីថន ជំនួយការឧត្តមសេនីយ៍ឯក ហ៊ុន ម៉ាណែត បានបញ្ជាក់ថា សម្ភារសំណង់ទាំងនេះ គឺជាអំណោយរបស់សម្តេចទាំងពីរ ឆ្លើយតបទៅនឹងតម្រូវការរបស់អង្គភាពដែលបានស្នើឡើងតាមរយៈលោកហ៊ុន ម៉ាណែត ក្នុងពេលលោកចុះសាកសួរទុក្ខនាយទាហាន និងពលទាហាន ដោយផ្ទាលនៅតាមអង្គភាពនានា កាលពីពេលថ្មីៗនេះ ។
ចែករំលែកព័តមាននេះ