រឿង «កំពូលល្ងង់នៅអាស៊ី» របស់ផលិតកម្មហ្គាឡាក់ស៊ី បានដាក់បញ្ចាំងបានរយៈពេល៤ថ្ងៃ កាលពីសប្តាហ៍មុន រហូតមានការទាក់ទាញបន្ទាប់ពីសម្ពោធរួច ។ យ៉ាងណាមិញ ខ្សែរឿងកំប្លែងមួយនេះ ទទួលបានការពេញនិយម ព្រោះតែបានដំណើរការបញ្ចាំងត្រឹម៤ថ្ងៃ មានសន្ទុះអ្នកចូលទស្សនាច្រើន រហូតរកប្រាក់បានដល់ទៅ៨ម៉ឺនដុល្លារ ធ្វើឲ្យម្ចាស់ផលិតកម្មស្ទើរតែមិនជឿ ។
រឿង «កំពូលល្ងង់នៅអាស៊ី» របស់ផលិតកម្មហ្គាឡាក់ស៊ី បានដាក់បញ្ចាំងបានរយៈពេល៤ថ្ងៃ កាលពីសប្តាហ៍មុន រហូតមានការទាក់ទាញបន្ទាប់ពីសម្ពោធរួច ។ យ៉ាងណាមិញ ខ្សែរឿងកំប្លែងមួយនេះ ទទួលបានការពេញនិយម ព្រោះតែបានដំណើរការបញ្ចាំងត្រឹម៤ថ្ងៃ មានសន្ទុះអ្នកចូលទស្សនាច្រើន រហូតរកប្រាក់បានដល់ទៅ៨ម៉ឺនដុល្លារ ធ្វើឲ្យម្ចាស់ផលិតកម្មស្ទើរតែមិនជឿ ។
យ៉ាងណាមិញ នេះជាតួលេខមួយមានការភ្ញាក់ផ្អើល ព្រោះថារយៈពេល៤ថ្ងៃខ្ទង់ចំណូលបានមកពីការដាក់បញ្ចាំងនេះ មានសន្ទុះកើនអ្នកទស្សនា ហើយមានសន្ទុះប្រាក់ចំណូល៨ម៉ឺនដុល្លារ ដែលបានបង្ហាញឲ្យម្ចាស់រោងកុន និងនៅតាមខេត្តមួយចំនួនមានការចាប់អារម្មណ៍ ចំពោះភាពសាយភាយការទាក់ទាញមួយនេះ។
លោកឡេង ណាវ៉ាត់ត្រា ថៅកែផលិតកម្មហ្គាឡាក់ស៊ីភាពយន្តបានឲ្យដឹងថា នេះជារូបភាពមួយដែលលោកមិនចង់ជឿ គ្រាដែលក្នុងចិត្តគិតត្រឹមតែការស្ទាបស្ទង់ទីផ្សារប៉ុណ្ណោះ ។ ប៉ុន្តែនេះ ជាការទាក់ទាញមួយហើយប្រាក់ចំណូល៨ម៉ឺនដុល្លារនេះ ដែលបានពីការបញ្ចាំង៤ថ្ងៃ នៅមិនទាន់មានការចែកគ្នារវាងរោងកុន និងជាមួយម្ចាស់ផលិតកម្មនៅឡើយទេ តែលោកសប្បាយចិត្តដោយរំពឹងថា តួលេខចេះតែបន្តហក់ឡើងទៅមុខល្អជាងនេះទៀត ។
លោកថា នៅតាមរោងកុនមួយចំនួនមានអ្នកទៅទស្សនាយ៉ាងកកកុញ ព្រោះថាក្នុងមួយថ្ងៃៗមានអ្នកមកមើលច្រើនហើយចំណូលបានច្រើនពាន់ដុល្លារ ស្ទើរចង់ស្រក់ទឹកភ្នែក ខណៈដែលរឿងមួយនេះ មានការពេញនិយមព្រោះថា នេះជាសា្នដៃដំបូងរបស់លោកនិងក្រុមការងារ ។ យ៉ាងណាមិញ ពីដំបូងលោកគិតថា សុំយកខាតតិចតួចឬស្មើរដើម ដើម្បីយកជាបទពិសោធន៍ តែនេះជាលទ្ធផលចេញមកប្រសើរឡើងដែលនាំមកនូវភាពរីករាយយ៉ាងខ្លាំង។
ទោះបីជាបែបណា លោកនឹងពាំនាំយករឿង «កំពូលល្ងង់នៅអាស៊ី» នេះ ចាក់បញ្ចាំងនៅតាមខេត្តផ្សេងទៀត ខណៈមាននៅសៀមរាបហើយ និងបន្តទៅខេត្តកំពង់ចាម បាត់ដើមបន្ទាប់ពីមានអ្នកសំណូមពរ ។ ដូចនេះ លោកសូមអញ្ជើញអ្នកមិនទាន់បានទស្សនាអាចបន្តការមកទស្សនាហើយអ្នកនៅតាមខេត្តខាងលើសូមរង់ចាំការមកដល់ខ្សែភាពយន្តនេះ នៅពេលឆាប់ៗបំផុតនេះគ្រាដែលលោក និងក្រុមការងារកំពុងរៀបចំឲ្យលឿនបំផុត ។ តារាសម្តែងនៅក្នុងរឿងនេះ មាននាយពាក់មី នាយគ្រឿង នាយកណ្តុរ លោកម៉ារ៉ាបុណ្ណាជាដើម ។
ចែករំលែកព័តមាននេះ