ខេត្តបាត់ដំបង៖ យ៉ាងហោចណាស់មនុស្ស០២នាក់បានស្លា.ប់ភ្លាមៗ នៅក្នុងឧប្បតិហេតុគ្រោះថ្នាក់យ៉ាងរន្ធ.ត់មួយរវាងរថយន្ត និងម៉ូតូដែលបានបុកគ្នាគ្មានប្រណី នៅត្រង់ចំណុចផ្លូវបំបែកហាយវេ ស្ថិតក្នុងភូមិស្វាយធំ ឃុំអូរដំបង២ ស្រុកសង្កែ កាលពីវេលាម៉ោងជាង៩ព្រឹកថ្ងៃទី១៣ កក្កដា ខណៈភាគីទាំង២កំពុងធ្វើដំណើរបញ្ច្រាសទិសគ្នា។
សមត្ថកិច្ចបានឲ្យដឹងថា អ្នកស្លា.ប់ទាំង០២នាក់ ម្នាក់ឈ្មោះ ប៉ឹង សុវណ្ណារិទ្ធ ប្រុសអាយុ៣៦ឆ្នាំ នៅភូមិបឹងវែង ឃុំរាំងកេសី ស្រុកសង្កែ និង ម្នាក់ទៀតឈ្មោះ បាន សៀងលី ស្រីអាយុប្រហែល៦០ឆ្នាំ នៅភូមិកោះកំបុត ឃុំរាំងកេសី។ សមត្ថកិច្ចបានប្រាប់ថា ជនរងគ្រោះទាំង០២នាក់បានជិះម៉ូតូឌុបគ្នាមកពីទិសខាងលិចឆ្ពោះទៅកើត ហើយពេលដល់ចំណុចខាងលើ ក៏ជ្រុលទៅបុករថយន្តធុនធ្ងន់ចំពីមុខពេញទំហឹងបណ្ដាលឲ្យចូលក្រោមរថយន្តទាំងម៉ូតូទាំងមនុស្ស និង ស្លាប់ភ្លាមៗទាំង០២នាក់យ៉ាងរន្ធត់ ខណៈម៉ូតូជាប់ក្រោមរថយន្តអូសជាច្រើនម៉ែត្រ។
រថយន្តនោះម៉ាកហ៊ីយ៉ាន់ដាយ ពាក់ស្លាកលេខ ព្រះស៊ីហនុ 3A-4978 អ្នកបើកបរបានដាក់មេប្រូច ក្រោយកើតហេតុ។ បើតាមមន្ត្រីចរាចរណ៍បាននិយាយថា នៅកន្លែងកើតហេតុជាចំណុចផ្លូវបំបែករវាងផ្លូវហាយវេ និងផ្លូវចូលស្រុកសង្កែ។ នៅចំណុចនោះមានស្លាកសញ្ញាជាច្រើន សម្រាប់សម្គាល់ទិសដៅចរាចរណ៍ ។ ប៉ុន្តែបើតាមពិនិត្យលើស្លាកស្នាមកើតហេតុ ទំនងភាគីជិះម៉ូតូមិនបានពិនិត្យមើល ឬ គោរពស្លាកសញ្ញាចរាចរណ៏ទេ ទើបជិះដល់ចំណុចនោះក៏ជ្រុលទៅបុករថយន្តចំពីមុខពេញទំហឹងរហូតចូលក្រោមរថយន្ត។
ទោះយ៉ាងណា ក្រោយកើតហេតុ ក្រុមគ្រួសារបានមកទទួលយកស.ពជនរងគ្រោះទាំង០២នាក់ទៅធ្វើបុណ្យតាមប្រពៃណីហើយ ខណៈម៉ូតូនិងរថយន្តត្រូវបានមន្ត្រីចរាចរណ៍នាំយកទៅរក្សាទុកដើម្បីដោះស្រាយតាមច្បាប់។ នេះជាការធ្វេសប្រហែសធ្វើដំណើរ ឬ មិនគោរពច្បាប់ ឬ ស្លាកសញ្ញាចរាចរណ៍ ទើបជួបគ្រោះថ្នាក់ធ្ងន់ធ្ងរបែបនេះ៕
ចែករំលែកព័តមាននេះ