បាត់ប្រពន្ធ៣ថ្ងៃ តាមរកឃើញកំពុងដេកជាមួយប្រុស
ខេត្តកំពង់ស្ពឺ ៖ ស្ត្រីម្នាក់បន្ទាប់ពីបាត់ពីផ្ទះ៣ថ្ងៃ ស្រាប់តែប្តីតាមរកឃើញកំពុងដេកជាមួយប្រុសនៅក្នុងហាងខារ៉ាអូខេមួយកន្លែង ធ្វើឲ្យបុរសជាប្តីខឹងយ៉ាងខ្លាំង …
ខេត្តកំពង់ស្ពឺ ៖ ស្ត្រីម្នាក់បន្ទាប់ពីបាត់ពីផ្ទះ៣ថ្ងៃ ស្រាប់តែប្តីតាមរកឃើញកំពុងដេកជាមួយប្រុសនៅក្នុងហាងខារ៉ាអូខេមួយកន្លែង ធ្វើឲ្យបុរសជាប្តីខឹងយ៉ាងខ្លាំងក៏ចាក់១កាំបិតចំក្រោមដោះបណ្ដាលឲ្យប្រកាច់ស្លាប់ភ្លាមៗ ។ ហេតុការណ៍ប្តីចាក់សម្លាប់ប្រពន្ធនេះកើតឡើងកាលពីវេលាម៉ោង៥ និង៣០នាទីព្រឹក ថ្ងៃទី១៨ ខែធ្នូ ឆ្នាំ២០១៦ នៅខារ៉ាអូខេចាន់ក្រហម ស្ថិតក្នុងភូមិអូរអង្គំ ឃុំអមលាំង ស្រុកថ្ពង ខេត្តកំពង់ស្ពឺ ។
សមត្ថកិច្ចបានឲ្យដឹងថា ស្ត្រីរងគ្រោះជាប្រពន្ធឈ្មោះ ប៊ូ ស្រី ភេទស្រី អាយុ៣៣ឆ្នាំ នៅភូមិព្រៃជ្រៅ ឃុំក្បាលទឹក ស្រុកទឹកផុស ខេត្តកំពង់ឆ្នាំង ។
ប្រភពពីសមត្ថកិច្ចបានឲ្យដឹងទៀតថា ក្រោយកើតហេតុសមត្ថកិច្ចបានចុះទៅស្រាវជ្រាវនៅកន្លែងកើតហេតុ ទើបដឹងថាស្ត្រីរងគ្រោះទើបតែមកធ្វើការនៅក្នុងហាងខារាអូខេខាងលើបាន៣ថ្ងៃប៉ុណ្ណោះ ។ មុនពេលកើតហេតុស្ត្រីរងគ្រោះបានធ្វើការជាធម្មតា ក្រោយចប់ម៉ោងនាងបានទៅដេកជាមួយដៃគូ(ភ្ញៀវ)នៅបន្ទប់ក្នុងកន្លែងធ្វើការរហូតដល់មុនកើតហេតុស្រាប់តែប្តីនាងតាមទៅរកឃើញកំពុងនៅក្នុងបន្ទប់កំពុងដេកជាមួយភ្ញៀវនោះ ក៏បានគោះទ្វាហៅឲ្យបើកទ្វា ឮដូចច្នោះបុរសដែលកំពុងដេកជាមួយនាងបានរត់ពួននៅក្រោមគ្រែ ។
ប្រភពបន្តទៀតថា ពេលនោះស្ត្រីរងគ្រោះបានបើកទ្វារបន្ទប់ ស្រាប់តែលោកប្តីចិត្តភ្លើងបានចាក់ទៅលើនាង១កាំបិតចំពោះក្រោមដោះខាងឆ្វេងបណ្តាលឲ្យប្រកាច់ចុកននៀលពេញនោះ ភ្លាមៗនោះបុរសជាប្តីមិនបានតាមរកប្រុសដែលដេកជាមួយប្រពន្ធខ្លួនឡើយ គឺបានរត់គេចខ្លួនបាត់ស្រមោលឈឹងតែម្តង ចំណែកស្ត្រីរងគ្រោះត្រូវបានម្ចាស់ហាងដឹកទៅសង្គ្រោះនៅមន្ទីរពេទ្យឧដុង្គ តែអកុសលពេលទៅដល់គ្រូពេទ្យប្រាប់ថា នាងស្លាប់បាត់ទៅហើយក៏បានដឹកត្រឡប់មកវិញ ។
សមត្ថកិច្ចបង្ហើបថា បើតាមសាច់ញាតិស្ត្រីរងគ្រោះដែលដឹងរឿងបាននិយាយប្រាប់សមត្ថកិច្ចថា មុនពេលស្ត្រីរងមកធ្វើការនៅហាងខារ៉ាអូខេ គឺ២នាក់ប្តីប្រពន្ធនេះឈ្លោះគ្នាស្ទើរតែរាល់ថ្ងៃ ព្រោះតែប្តីមិនគិតជួយរកស៊ីប្រពន្ធ គឺគិតតែផឹកស្រាស្រវឹងហើយរករឿងឈ្លោះមិនលស់ពេលឡើយ ។ ដោយទ្រាំនឹងទង្វើរបស់ប្តីមិនបាន ស្ត្រីរងគ្រោះក៏បានសម្រេចចិត្តមកធ្វើការនៅទីនេះដើម្បីរកប្រាក់សងបំណុលគេ និងចិញ្ចឹមកូនដោយមិនបានប្រាប់ឲ្យប្តីដឹងឡើយ និយាយរួមគឺរត់គេចពីប្តី ។
សាច់ញាតិស្ត្រីរងគ្រោះឲ្យដឹងទៀតថា ក្រោយបាត់ប្រពន្ធ បុរសជាប្តីបានតាមរកគ្រប់ច្រកល្ហក តែរកមិនឃើញទេ ស្រាប់តែនៅយប់កើតហេតុមិនដឹងថាគេដឹងមកពីណាថា ប្រពន្ធនៅទីនោះ ក៏ទៅតាមរកដល់កន្លែង ហើយចាក់សម្លាប់បែបនេះតែម្តង ។ អ្វីដែលជាការអាសូរនោះ គឺគ្រូសារនេះមានកូន៣នាក់ក្នុងបន្ទុក កូនស្រីច្បងអាយុ១៧ឆ្នាំ ហើយកូនប្រុស២នាក់ទៀតរស់នៅជាមួយគ្នា តើឲ្យរំពឹងទៅលើអ្វី បើម្តាយស្លាប់ ហើយឪពុកមានទោសជាប់ខ្លួនកំពុងរត់គេចពីសំណាញ់ច្បាប់ទៀត?
ចែករំលែកព័តមាននេះ