អស្ចារ្យណាស់ ! លាក់ដល់ក្នុងឈើហ៊ុបក៏នៅតែចាប់បាន
រាជធានីភ្នំពេញ ៖ សេចក្តីរាយការណ៍បានឲ្យដឹងថា ផែស្ងួត «អយស្ម័យយាន រ៉ូយ៉ាល់ ផែស្ងួតភ្នំពេញ» កាលពីរសៀលថ្ងៃទី១៧ ខែធ្នូ ឆ្នាំ២០១៦ ត្រូវបានកម្លាំងសមត្ថកិច្ចចម្រុះ …
រាជធានីភ្នំពេញ ៖ សេចក្តីរាយការណ៍បានឲ្យដឹងថា ផែស្ងួត «អយស្ម័យយាន រ៉ូយ៉ាល់ ផែស្ងួតភ្នំពេញ» កាលពីរសៀលថ្ងៃទី១៧ ខែធ្នូ ឆ្នាំ២០១៦ ត្រូវបានកម្លាំងសមត្ថកិច្ចចម្រុះ …
រាជធានីភ្នំពេញ ៖ សេចក្តីរាយការណ៍បានឲ្យដឹងថា ផែស្ងួត «អយស្ម័យយាន រ៉ូយ៉ាល់ ផែស្ងួតភ្នំពេញ» កាលពីរសៀលថ្ងៃទី១៧ ខែធ្នូ ឆ្នាំ២០១៦ ត្រូវបានកម្លាំងសមត្ថកិច្ចចម្រុះធ្វើការឆែកឆេររកឃើញភ្លុកដំរី និងស្រកសត្វពង្រូរាប់រយគីឡូក្រាម ដែលឈ្មួញទុច្ចរិតលាក់នៅក្នុងឈើហ៊ុបស្តុកទុកបម្រុងនាំចេញទៅប្រទេសចិន ។
សូមបញ្ជាក់ថា កម្លាំងសមត្ថកិច្ចចម្រុះរួមមាន កាំកុងត្រូល គយចល័យ រដ្ឋបាលព្រៃឈើ និងកម្លាំងកងរាជអាវុធហត្ថ ព្រមទាំងសមត្ថកិច្ចពាក់ព័ន្ធជាច្រើនទៀត និងដោយមានការសម្របសម្រួលរបស់តំណាងអយ្យ ការសាលាដំបូងរាជធានីភ្នំពេញផង បានចុះទៅធ្វើការឆែកឆេរ ផែស្ងួត «អយស្ម័យយាន រ៉ូយ៉ាល់ ផែស្ងួតភ្នំពេញ» ដែលមានទីតាំងស្ថិតនៅតាមបណ្ដោយផ្លូវរថភ្លើង ខ្សែភ្នំពេញ-កំពត ស្ថិតក្នុងភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែនជ័យ ។
ប្រភព័ត៌មានបានឲ្យដឹងថា ក្រុមឈ្មួញទុច្ចរិតបានយកឈើហ៊ុបចំនួន៣ដុំ ដែលមានមុខកាត់ជិត១ម៉ែត្រទៅពុះជា២រួចបានឡាំងយកសាច់ខាងក្នុងចេញ រួចយកភ្លុកដំរី និងស្រកាពង្រូរាប់រយគីឡូក្រាមដាក់ចូលនៅក្នុងនោះដោយមានបិទកាវមិនឲ្យរបេះពីគ្នានោះឡើយ ។ បន្ទាប់មកទើបបិទឈើជាប់គ្នាវិញយ៉ាងជិត និងបានដាក់នៅក្នុងទូកុងតឺន័រលាយឡំជាមួយកំណាត់ឈើហ៊ុបជាច្រើនកំណាត់ទៀតដឹកតាមរថភ្លើងខ្សែភ្នំពេញ-កំពតយកទៅដាក់នៅក្នុងផែស្ងួតខាងលើត្រៀមដឹកចេញទៅកាន់ប្រទសចិន ប៉ុន្តែពុំដឹងថា ភ្លុកដំរី និងស្រកាសត្វពង្រូដ៏ច្រើននោះ ក្រុមឈ្មួញនាំចូលមកពីប្រទេសណាមួយនោះឡើយ ។
ប្រភពដដែលបានបន្តថា ក្រោយពេលបែកការណ៍ពីការលាក់របស់ខាងលើនៅក្នុងទូកុងតឺន័រនៅក្នុងក្រុមហ៊ុន នោះ ទើបកម្លាំងសមត្ថកិច្ចចម្រុះខាងលើបាននាំគ្នាចុះទៅធ្វើការឆែកឆេរដោយស្ងាត់ៗ ប៉ុន្តែដំណឹងនោះមិនអាចលាក់លៀមជាមួយក្រុមអ្នកសារព័ត៌មានបានទេ ហើយខណៈនោះមានអ្នកសារព័ត៌មានជាច្រើនបាននាំគ្នាទៅដើម្បីថតរូប និងយកព័ត៌មានទៅចុះផ្សាយ ប៉ុន្តែត្រូវបានរារាំងដោយក្រុមសមត្ថកិច្ច និងតំណាងក្រុមហ៊ុនផែស្ងួតមួយនោះមិនឲ្យចូលឡើយ ។ ហើយមិនដឹងថា របស់ដែលរឹបអូសយកបាននោះមានចំនួនប៉ុន្មានគីឡូក្រាម មានតម្លៃប៉ុន្មាន និងត្រូវបានសមត្ថកិច្ចទាំងនោះរក្សាទុកនៅកន្លែងដើមដដែល ឬនាំទៅរក្សាទុកនៅកន្លែងណាមួយនោះទេ ៕
ចែករំលែកព័តមាននេះ