ខេត្តកំពង់ឆ្នាំង ៖ ត្រៀមចូលរួមអបអរសារ ខួបលើកទី៣៨ទិវាជ័យជម្នះ៧មករា១៩៧៩-៧មករា ២០១៧ គរុសិស្សនៃវិទ្យាល័យព្រះបាទសុរាម្រឹត១២០នាក់ បានហ្វឹកហាត់ក្បួនព្យុហហយាត្រា ។ ការហ្វឹកហាត់នេះមានរយៈពេល៤ថ្ងៃមកហើយគិតត្រឹមថ្ងៃទី១៦ ខែធ្នូឆ្នាំ២០១៦ នៅសួនកុមារមុខសាលាខេត្តកំពង់ឆ្នាំង។
លោកស្រីសម្រិត ស៊ីវន អ្នកគ្រូបង្ហាត់របាំ នៃមន្ទីរវប្បធម៌និងវិចិត្រសិល្បៈខេត្តកំពង់ឆ្នាំង ឱ្យដឹងថា គរុសិស្សដែលចូលរួមហាត់របាំ ព្យុហយាត្រានៅមន្ទីរវប្បធម៌ សុទ្ធតែជាគរុសិស្សឆ្នាំទី២ នៃវិទ្យាល័យព្រះបាទសុរាម្រឹត ខេត្តកំពង់ឆ្នាំង មានចំនួន១២០នាក់ ។ របាំព្យុហយាត្រានេះឈ្មោះ«ព្យុះហយាត្រា យុវជន៧មករា» សម្រាប់ចូលរួមអបអរសាទរទិវាជ័យជម្នះ៧មករា ដែលបានរំដោះប្រទេសជាតិពីរបបប្រល័យពូជសាសន៍ ។ ការហាត់ចាប់ពីថ្ងៃទី១២ ខែធ្នូមក ហើយនឹងបន្តរហូតជិតដល់ថ្ងៃសម្តែង ។ ចំពោះគ្រូបង្ហាត់ពីក្រសួងវប្បធម៌ និងវិចិត្រសិល្បៈ និងគ្រូនៅមន្ទីរវប្បធម៌វិចិត្រសិល្បៈខេត្ត ។
ក្រៅពីរបាំព្យុហយាត្រា មន្ទីរវប្បធម៌ និងវិចិត្រសិល្បៈខេត្តត្រៀមកំណាព្យដើម្បីសូត្រក្នុងខួបលើកទី៣៨នៃទិវាជ័យជម្នះ៧មករាផងដែរ ។
យុវតីជាគរុសិស្សម្នាក់ពីស្រុកជលគិរីបានសម្តែងទឹកចិត្តសប្បាយរីករាយដែលបានចូលរួមហាត់របាំជាមួយមិត្តភក្តិ ។
របបយង់ឃ្នងប្រល័យពូជសាសន៍ខ្មែរ ក្រហមរយៈពេល៣ឆ្នាំ ៨ខែ និង២០ថ្ងៃបានកាប់សម្លាប់ប្រជាជនអស់ជាង៣លាននាក់ ។ ថ្ងៃ៧ មករា ១៩៧៩ គឺជាថ្ងៃដែលបានរំដោះជាតិ និងប្រជាជនរួចផុតពីរបបព្រៃផ្សៃនោះ ៕
ចែករំលែកព័តមាននេះ