ពិព័រណ៍ផលិតផលនាំចេញ-នាំចូល និងខេត្ត១ផលិតផល១ ជំរុញសកម្មភាពពាណិជ្ជកម្ម
រាជធានីភ្នំពេញ ៖ ពិព័រណ៍ផលិតផលនាំចេញ-នាំចូល និងខេត្តមួយ ផលិតផលមួយកម្ពុជា ជាព្រឹត្តិការណ៍ពាណិជ្ជកម្មកម្រិតអន្តរជាតិដ៏សំខាន់របស់កម្ពុជា បង្កើតឡើង …
រាជធានីភ្នំពេញ ៖ ពិព័រណ៍ផលិតផលនាំចេញ-នាំចូល និងខេត្តមួយ ផលិតផលមួយកម្ពុជា ជាព្រឹត្តិការណ៍ពាណិជ្ជកម្មកម្រិតអន្តរជាតិដ៏សំខាន់របស់កម្ពុជា បង្កើតឡើង …
រាជធានីភ្នំពេញ ៖ ពិព័រណ៍ផលិតផលនាំចេញ-នាំចូល និងខេត្តមួយ ផលិតផលមួយកម្ពុជា ជាព្រឹត្តិការណ៍ពាណិជ្ជកម្មកម្រិតអន្តរជាតិដ៏សំខាន់របស់កម្ពុជា បង្កើតឡើងក្នុងគោលបំណងជំរុញសកម្មភាពពាណិជ្ជកម្ម បង្កើតឱកាសទីផ្សារ បង្ហាញពីបរិយាកាសធុរកិច្ចនិងសក្ដានុពលវិនិយោគល្អប្រសើរ ព្រមទាំងបង្ហាញពីគោលនយោបាយគាំពារវិនិយោគ និងធុរកិច្ចនៅកម្ពុជា ។
ថ្លែងក្នុងពិធីបើកសម្ពោធពិព័រណ៍ផលិតផលនាំចេញ-នាំចូល ខេត្តមួយ ផលិតផលមួយកម្ពុជា លើកទី១១ កាលពីថ្ងៃទី១៥ ធ្នូ នៅមជ្ឈមណ្ឌលពិព័រណ៍កោះពេជ្រ លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម មានប្រសាសន៍ថា ព្រឹត្តិការណ៍ពាណិជ្ជកម្មពេលនេះ អ្នកប្រើប្រាស់នឹងបានស្គាល់ និងគាំទ្រទំនិញក្នុងស្រុក ក៏ដូចជាទំនិញនាំចូលដែលមានគុណភាព ។ ការដាក់តាំងបង្ហាញទំនិញនាំចេញ-នាំចូល និងទំនិញសក្ដានុពលដ៏សម្បូរបែបដែលយកមកពីបណ្ដាខេត្តនៅទូទាំងព្រះរាជាណាចក្រកម្ពុជា ។ ព្រឹត្តិការណ៍ពាណិជ្ជកម្មដ៏សំខាន់នេះ បានរៀបចំនូវជំនួបពាណិជ្ជកម្ម, វេទិកាវិនិយោគ, សិក្ខាសាលា, ពិធីចុះហត្ថលេខាលើគម្រោងវិនិយោគនានា ដែលជាឱកាសមាសសម្រាប់ពាណិជ្ជករ និងវិនិយោគិនអាចស្វែងរកដៃគូសមស្របដើម្បីដាក់ទុនវិនិយោគរួមគ្នា ។
លោកលើកឡើងថា សេដ្ឋកិច្ចកម្ពុជាមានកំណើនជាមធ្យម៧%ក្នុង១ឆ្នាំ ក្នុងរយៈពេល២០ឆ្នាំកន្លងទៅ ។ ធនាគារពិភពលោកបានហៅកម្ពុជាថា ជាអត្តពលិកអូឡាំពិកនៃកំណើន ដែលមានសេដ្ឋកិច្ចរីកលូតលាស់លឿនបំផុតទី៦លើពិភពលោក ជាមួយគោលនយោបាយវិនិយោគបើកចំហបំផុតនៅក្នុងតំបន់។ រាជរដ្ឋាភិបាលកម្ពុជាបានប្រកាសឲ្យប្រើប្រាស់គោលនយោបាយអភិវឌ្ឍន៍ឧស្សាហកម្ម ២០១៥-២០២៥ ក្នុងគោលដៅជួយប្រែក្លាយកម្ពុជា ទៅជាប្រទេសដែលមានប្រាក់ចំណូលមធ្យមនៅឆ្នាំ២០៣០ និងមានប្រាក់ចំណូលខ្ពស់នៅឆ្នាំ២០៥០ ។ គោលនយោបាយអភិវឌ្ឍន៍ឧស្សាហកម្ម តម្រូវឲ្យមានការវិនិយោគលើផ្នែកហេដ្ឋារចនាសម្ព័ន្ធ ក្នុងទំហំទឹកប្រាក់សរុបប្រមាណ១២ពាន់លានដុល្លារក្នុងរយៈពេល១០ឆ្នាំ ដើម្បីធ្វើឲ្យប្រសើរឡើងនូវការតភ្ជាប់ និងការកាត់បន្ថយចំណាយដឹកជញ្ជូន និងថាមពលអគ្គិសនី ។
លោកបន្តថា ៖ « វិស័យពាណិជ្ជកម្មកម្ពុជាបានរួមចំណែកយ៉ាងសំខាន់ក្នុងការអភិវឌ្ឍ និងជំរុញកំណើនសេដ្ឋកិច្ច ។ ការនាំចេញទំនិញពីកម្ពុជាទៅកាន់ទីផ្សារអន្តរជាតិបានកើនទ្បើងជាលំដាប់ គិតជាទឹកប្រាក់មានចំនួន៦,៩ពាន់លានដុល្លារនៅឆ្នាំ២០១៣, ៧ពាន់លានដុល្លារនៅឆ្នាំ២០១៤ និង៨,៥ពាន់លានដុល្លារនៅឆ្នាំ២០១៥។ ដោយឡែក ៦ខែដើមឆ្នាំ២០១៦កន្លងទៅ ការនាំចេញរបស់កម្ពុជាសម្រេចបានជាទឹកប្រាក់ចំនួន៤,៦ពាន់លានដុល្លារ កើនទ្បើង០,៣៨ពាន់លានដុល្លារ បើធៀបនឹងរយៈពេលដូចគ្នានាឆ្នាំ២០១៥ » ។
ស្របពេលកម្ពុជា ជាប្រទេសកំពុងអភិវឌ្ឍន៍លោកបន្ថែមថា ៖ « ខ្ញុំសូមផ្តល់យោបល់ និងលើកទឹកចិត្តដល់ពាណិជ្ជករ សហគ្រិន និងវិនិយោគិនទាំងក្នុងស្រុក និងក្រៅប្រទេស ពិចារណាវិនិយោគលើវិស័យអាទិភាពមួយចំនួនរួមមាន វិស័យកសិ-ឧស្សាហកម្ម, វិស័យឧស្សាហកម្មកែច្នៃ, វិស័យទូរគមនាគមន៍ និងដឹកជញ្ជូន, វិស័យឧស្សាហកម្ម និងថាមពល, វិស័យហេដ្ឋារចនាសម្ព័ន្ធរូបវន្ត និងវិស័យទេសចរណ៍។ ការវិនិយោគលើវិស័យអាទិភាពទាំងនេះ នឹងទទួលបានការអនុគ្រោះពន្ធរយៈពេលវែង និងការលើកទឹកចិត្តវិនិយោគដទៃទៀត » ៕
ចែករំលែកព័តមាននេះ