បា.ញ់សម្លា.ប់PM សាលក្រមផ្ដន្ទាទោស5នាក់ ដាក់ពន្ធនាគារពី4ទៅ5ឆ្នាំ
រាជធានីភ្នំពេញ ៖ នៅព្រឹកថ្ងៃទី១៥ ធ្នូ ចៅក្រមសាលាដំបូងរាជធានី បានប្រកាសសាលក្រមក្នុងសំណុំរឿងជួញដូរនូវសារធាតុញៀន
រាជធានីភ្នំពេញ ៖ នៅព្រឹកថ្ងៃទី១៥ ធ្នូ ចៅក្រមសាលាដំបូងរាជធានី បានប្រកាសសាលក្រមក្នុងសំណុំរឿងជួញដូរនូវសារធាតុញៀន
រាជធានីភ្នំពេញ ៖ នៅព្រឹកថ្ងៃទី១៥ ធ្នូ ចៅក្រមសាលាដំបូងរាជធានី បានប្រកាសសាលក្រមក្នុងសំណុំរឿងជួញដូរនូវសារធាតុញៀន និងបទចូលរួមក្នុងក្រុមឧក្រិដ្ឋជនដោយផ្ដន្ទាទោសជនជាប់ចោទ៥នាក់ ដាក់ពន្ធនាគារក្នុងម្នាក់ៗពី៤ទៅ៥ឆ្នាំ ដែលរឿងក្ដីនេះបានបណ្ដាលឱ្យមន្ត្រីអាវុធហត្ថម្នាក់ និងក្រុមឧក្រិដ្ផជនម្នាក់បានស្លាប់ក្នុងហេតុការណ៍ ។
ជនជាប់ចោទដែលតុលាការផ្ដន្ទាទោសមាន ១-ឈ្មោះ លី វីរៈ ភេទប្រុស អាយុ៣៧ឆ្នាំ ២-ឈ្មោះ ទី អៀង ភេទប្រុស អាយុ៤៦ឆ្នាំ និង៣-ឈ្មោះ ស៊ុន ដារ៉ូ ហៅឈិត ភេទប្រុសអាយុ២៣ឆ្នាំ ដាក់ពន្ធនាគារកំណត់រយៈពេល៥ឆ្នាំពីបទ ជួញដូរដោយខុសច្បាប់នូវសារធាតុញៀន និងបទចូលរួមក្នុងក្រុមឧក្រិដ្ឋជន ។ ចំណែក៤-ឈ្មោះ លី កុកហ៊ុយ ហៅប៉ា ហ្គិច ភេទប្រុស អាយុ៦៤ឆ្នាំ និង៥-ឈ្មោះត្រាវ រិទ្ធារ៉ា ភេទប្រុស អាយុ១៨ឆ្នាំ ត្រូវដាក់ពន្ធនាគារកំណត់រយៈពេល៤ឆ្នាំពីបទជួញដូរដោយខុសច្បាប់នូវសារធាតុញៀន ។ សេចក្ដីសម្រេចនេះបើកផ្លូវឱ្យជនជាប់ចោទប្ដឹងឧទ្ធរណ៍តាមកំណត់ច្បាប់ ។
គួររំលឹកថា កាលពីរសៀលថ្ងៃទី២៥ខែវិច្ឆិកា ឆ្នាំ២០១៦ ចៅក្រមសាលាដំបូងរាជធានីភ្នំពេញលោក រស់ ពិសិដ្ឋ បានបើកសវនាការក្នុងសំណុំរឿង ជួញដូរដោយខុសច្បាប់នូវសារធាតុញៀន និងបទចូលរួមក្នុងក្រុមឧក្រិដ្ឋជន និងកាន់កាប់អាវុធដោយគ្មានការអនុញ្ញាត ។
ជនជាប់ចោទ១-ឈ្មោះ លី វីរៈ ភេទប្រុសអាយុ៣៧ឆ្នាំ បានឆ្លើយនាពេលសវនាការថា ខ្លួនបានស្គាល់ឈ្មោះ លឹម តេង (ស្លាប់) កាលនៅជាប់ពន្ធនាគារជាមួយគ្នា ។
ក្រោយពេលចេញពីពន្ធនាគារក៏បានជួបគ្នាដោយចៃដន្យ ពេលនោះក៏បានសុំលេខទូរស័ព្ទគ្នាទៅវិញទៅមក ហើយគាត់ក៏បានតេមកខ្ញុំឲ្យយកថ្នាំញៀនទៅឲ្យគេបានបីដង ។ ចំណែកឈ្មោះ លី កុកហ៊ុយ ហៅប៉ា ហ្គិច ភេទប្រុស អាយុ៦៤ឆ្នាំ បានឆ្លើយបដិសេធថាខ្លួនមិនដឹងរឿងនេះទេ។ រីឯឈ្មោះ ទី អៀង ភេទប្រុសអាយុ៤៦ឆ្នាំ ក៏បានឆ្លើយបដិសេធដែរ ។ នៅពេលសវនាការរសៀលនោះ ជនជាប់ចោទឈ្មោះ ស៊ុន ដារ៉ូ ហៅឈិត ភេទប្រុសអាយុ២៣ឆ្នាំ បានឆ្លើយបដិសេធថា ខ្លួនមិនដឹងរឿងនេះទេ និងឈ្មោះ ត្រាវ រិទ្ធារ៉ា ភេទប្រុស អាយុ១៨ឆ្នាំ បានឆ្លើយថា នៅថ្ងៃកើតហេតុនោះគឺពូឈ្មោះ រស់ ឧស្សាហ៍ បានឲ្យខ្លួនមកថតកាតគ្រីរថយន្តពីឈ្មោះ លឹម តេង ហើយពេលនោះក៏ត្រូវសមត្ថកិច្ចឃាត់ខ្លួនតែម្តង ។
លោកវរសេនីយ៍ត្រី ប៉ាន់ សុភាព ប្រធានការិយាល័យមន្ទីរប្រឆាំងគ្រឿងញៀននៃកងរាជអាវុធហត្ថរាជធានីភ្នំពេញ បាននិយាយនាពេលសវនាការថា កាលពីថ្ងៃទី២៧ ខែមេសាឆ្នាំ២០១៦ កម្លាំងរបស់លោកបានឃាត់ខ្លួនឈ្មោះ លី វីរៈ នៅបឹងឈូក ហើយក៏បានសួរចម្លើយទៅលើជនសង្ស័យក៏បានប្រាប់ទីតាំងដែលគេយកគ្រឿងញៀនទៅលាក់ទុក។ ពេលនោះលោកក៏បានទាក់ទងសូមគោលការណ៍ពីលោកព្រះរាជអាជ្ញា មាស ច័ន្ទពិសិដ្ឋ ហើយបានចូលទៅឆែកឆេរក៏បានឃាត់ខ្លួនមនុស្សមួយចំនួន រីឯឈ្មោះ លឹម តេង ក៏បានរត់ឡើងទៅលើផ្ទះ ពេលនោះកម្លាំងរបសលោកបានរត់ទៅតាមក្រោយក៏ត្រូវឈ្មោះ លឹម តេង បាញ់ត្រូវមួយគ្រាប់ ពេលនោះក៏មានការផ្ទុះអាវុធជាច្រើនគ្រាប់ដើម្បីបាញ់រំដោះកងកម្លាំងដែលរងគ្រោះ ហើយពេលបញ្ជូនទៅមន្ទីពេទ្យកាល់ម៉ែតក៏បានស្លាប់ ។
តំណាងអយ្យការលោក សៀង សុខ បានធ្វើសេចក្តីសន្និដ្ឋានបើយោងទៅតាមការសួរដេញដោលជនជាប់ចោទទាំងអស់មិនមានភស្តុតាងដើម្បីដោះបន្ទុកទេ អញ្ចឹងតំណាងអយ្យការនៅតែតម្កល់បទចោទប្រកាន់នៅដដែល ៕
ចែករំលែកព័តមាននេះ