រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ថាចាប់ពីថ្ងៃទី១១ ដល់១៤ ខែកក្កដាខាងមុខនេះ កម្ពុជាបានរងឥទ្ធិពលប្រពន្ធសម្ពាធទាបពីប្រទេសថៃ និងអូសបន្លាយពីប្រទេសដែលធ្វើឲ្យកម្ពុជាមានភ្លៀងធ្លាក់រាយប៉ាយលាយឡំបាតុភូតផ្គរ រន្ទះ និងខ្យល់កន្ត្រាក់ជាដើម…
រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ថាចាប់ពីថ្ងៃទី១១ ដល់១៤ ខែកក្កដាខាងមុខនេះ កម្ពុជាបានរងឥទ្ធិពលប្រពន្ធសម្ពាធទាបពីប្រទេសថៃ និងអូសបន្លាយពីប្រទេសដែលធ្វើឲ្យកម្ពុជាមានភ្លៀងធ្លាក់រាយប៉ាយលាយឡំបាតុភូតផ្គរ រន្ទះ និងខ្យល់កន្ត្រាក់ជាដើម ។
យោងតាមសេចក្តីជូនដំណឹងបន្ថែមរបស់ក្រសួងធនធានទឹក និងឧតុនិយម នៅថ្ងៃទី១១ ខែកក្កដា ឆ្នាំ២០២២ បានលើកឡើងថា បន្ទាប់ពីបានធ្វើការតាមដានការវិវត្តស្ថានភាពអាកាសធាតុជាបន្តបន្ទាប់បានបង្ហាញឲ្យឃើញថា ដោយទទួលរងនូវឥទ្ធិពលពីប្រព័ន្ធសម្ពាធទាប ITCZដែលអូសបន្លាយពីប្រទេសថៃភ្ជាប់ទៅនឹងសម្ពាធទាបសកម្មមួយនៅលើសមុទ្រចិនខាងត្បូងរួមជាមួយ និងមូសុងនិរតីបក់ខ្លាំងមកលើតំបន់មាត់សមុទ និងភាគខាងក្រោមកម្ពុជាផងនោះបានធ្វើឲ្យបណ្តាខេត្តនិងរាជធានីនឹងអាចមានភ្លៀងធ្លាក់រាយប៉ាយលាយឡំ ដោយផ្គរ រន្ទះ និងខ្យល់កន្ត្រាក់ ។
ក្រសួងបានលើកឡើងថា ក្នុងនោះនៅថ្ងៃទី១១-១៤ ខែកក្កដា តំបន់មាត់សមុទ្រនឹងអាចមានភ្លៀងធ្លាក់ច្រើនជាប់បន្តដែលអាចធ្វើឲ្យផ្នែកមួយចំនួននៅក្នុងភូមិសាស្ត្ររវាងខេត្តកោះកុង និងខេត្តព្រះសីហនុ អាចជួបប្រទះនៅជំនន់ទឹកភ្លៀង ។ ទន្ទឹមនោះនៅលើផ្ទៃសមុទ្រនឹងមានភ្លៀងខ្លាំងខ្យល់ខ្លាំង និងរលកសមុទ្រខ្ពស់ៗ ។
ក្រសួងបានអំពាវនាវដល់សាធារណជនជ្រាបជាព័ត៌មាន និងបង្កើន ការប្រុងប្រយ័ត្នខ្ពស់ ដើម្បីជៀសវាងនូវគ្រោះថ្នាក់ផ្សេងៗ ដែលអាចកើតមានជាយថាហេតុ ។
ក្រសួងធនធានទឹក និងឧតុនិយមបាន និងកំពុងតាមដានយកចិត្តទុកដាក់លើបាតុភូតធម្មជាតិហើយនឹងជម្រាបជូនជាព័ត៌មានជាបន្តបន្ទាប់ទៀតក្នុងករណីអាកាសធាតុមានការប្រែប្រួល ៕
ចែករំលែកព័តមាននេះ