ប្រេស៊ីល ៖ ប្រភពពី Viral4real បានឱ្យដឹងថា កូនក្រមុំជិះលើឧទ្ធម្ភាគចក្រ ស្រាប់តែធ្លាក់ចុះមក បណ្តាលឱ្យស្លា.ប់នៅក្នុងថ្ងៃពិធីមង្គលការ ដែលធ្វើឱ្យកូនកំលោះនិងភ្ញៀវជាង៣០០នាក់ កំពុងរង់ចាំមានការភ្ញាក់ផ្អើលយ៉ាងខ្លាំង ។
ប្រេស៊ីល ៖ ប្រភពពី Viral4real បានឱ្យដឹងថា កូនក្រមុំជិះលើឧទ្ធម្ភាគចក្រ ស្រាប់តែធ្លាក់ចុះមក បណ្តាលឱ្យស្លាប់នៅក្នុងថ្ងៃពិធីមង្គលការ ដែលធ្វើឱ្យកូនកំលោះនិងភ្ញៀវជាង៣០០នាក់ កំពុងរង់ចាំមានការភ្ញាក់ផ្អើលយ៉ាងខ្លាំង ។
នៅថ្ងៃរៀបការ ឬក៏អាចហៅបានថាជាថ្ងៃកើតហេតុនោះ នាង Rosemere do Nascimento Silva ជាកូនក្រមុំ អាយុ៣២ឆ្នាំ មានបំណងចង់ឱ្យកូនកំលោះភ្ញាក់ផ្អើល ចំពោះការមកដល់រោង ដោយជិះលើឧទ្ធម្ភាគចក្រ ។ ប៉ុន្តែអ្វីគួរឱ្យសោកស្តាយនោះ គឺនាងត្រូវបាត់បង់ជីវិត ខណៈចង់មកជួបកូនកំឡោះ នៅថ្ងៃរៀបការនោះ។
ពេលនោះ ដោយសារតែអាកាសធាតុមិនអំណោយផលដល់ការធ្វើដំណើររបស់នាង ទើបធ្វើឱ្យមនុស្សទាំងអស់ នៅក្នុងឧទ្ធម្ភាគចក្រត្រូវស្លាប់គ្មានសល់ម្នាក់ រួមមានបងប្រុសរបស់នាង (ជាអ្នកបើក) ជាងថតរូប ដែលមានកូនក្នុងផ្ទៃ៦ខែផង និងរូបនាងកូនក្រមុំផ្ទាល់ ។
ដោយសារតែមិនទាន់ឃើញវត្តមានរបស់កូនក្រមុំមកដល់រោងការ លោក Udirley Damasceno ដែលជាកូនកំលោះ មានការព្រួយបារម្ភយ៉ាងខ្លាំង ។ អ្នកចាត់ចែងក្នុងកម្មវិធី លោកCarlos Eduardo Batista បានទូរស័ព្ទទៅសួរខាងក្រុមហ៊ុនអាកាសចរណ៍ឱ្យរកមើលព័ត៌មានរបស់ឧទ្ធម្ភាគចក្រដែលកូនក្រមុំជិះ ។
លុះប៉ុន្មាននាទីក្រោយមក ក្រុមហ៊ុនបានទូរស័ព្ទមកប្រាប់វិញថា ឧទ្ធម្ភាគចក្រនោះបានធ្លាក់ហើយ ។ មិនត្រឹមតែប៉ុណ្ណោះ មនុស្សទាំងអស់នៅលើនោះ ក៏បានបាត់បង់ជីវិតផងដែរ ដែលធ្វើឱ្យកូនកំឡោះស្រឡាំងកាំង និងភ្ញៀវទាំង៣០០នាក់នៅក្នុងកម្មវិធី និយាយមិនចេញ។
ប៉ូលីស និងអ្នកស៊ើបអង្កេតបានកំពុងតែរកមូលហេតុ ដែលធ្វើឱ្យធ្លាក់ឧទ្ធម្ភាគចក្របែបនេះ ។ ពួកគេកំពុងតែធ្វើការប៉ាន់ស្មានថា ប្រហែលជាបានបុកជាមួយនឹងដើមឈើធំៗកំឡុងពេលមានភ្លៀងធ្លាក់ និងមេឃចុះអាប់ផងនោះ ។
ចែករំលែកព័តមាននេះ