រាជធានីភ្នំពេញ ៖ ក្រុមហ៊ុនស្មាតហ្វូនឈានមុខ Huawei បានបង្ហាញវត្តមានស្មាតហ្វូនស៊េរីថ្មី Huawei GR5 ឆ្នាំ២០១៧ បំពាក់កាមេរ៉ាភ្លោះជាផ្លូវការ ដោយមានតម្លៃត្រឹមតែ២៦៩ដុល្លារតែប៉ុណ្ណោះ នៅលើទីផ្សារកម្ពុជា ។
ស្មាតហ្វូនស៊េរីថ្មី Huawei GR5 2017 ត្រូវបានដាក់សម្ភោធ នៅសណ្ឋាគារ Sun and Moon Urban Hotel កាលពីល្ងាចថ្ងៃទី១៣ ធ្នូ ២០១៦ ដែលមានភ្ញៀវចូលរួមយ៉ាងច្រើនកុះករ ។ មិនខុសពីស៊េរីមុនរបស់ខ្លួន ស្មាតហ្វូន ស៊េរីថ្មី Huawei GR5 ឆ្នាំ ២០១៧ មានរូបរាងរចនាទំនើបថ្លៃថ្នូរ តួស្រោបដោយលោហៈធាតុ ពិសេស មាំ ធន់ ស្តើង ស្រាល គែមកោង ពេញដោយប្រណិតភាពដ៏ទាក់ទាញ និងបច្ចេកវិទ្យាទំនើប ឈានមុខជាងគូប្រជែងរបស់ខ្លួន សូម្បីតែប្រភេទទូរស័ព្ទដៃថ្លៃៗក៏ដោយ ។
លើសពីនេះទៀត Huawei GR5 ស៊េរីថ្មីឆ្នាំ២០១៧នេះ ជាដំណើរវិវឌ្ឍន៍ដ៏អស្ចារ្យ លើសអ្វីដែលធ្លាប់មាន ពីមុនមក ដោយឥឡូវនេះ វាមានល្បឿនលឿនជាមួយនឹង រ៉េមទំហំ 3G រ៉ូមទំហំ 32G CPU Kirin 655, Octa-Core ថ្មកាន់ភ្លើងបានយូរទំហំ 3,340mAh មានកាមេរ៉ាភ្លោះ បំពាក់មុខងារកាមេរ៉ាអាជីព អាចកែកម្រិត ISO, S, EV, AF, AWB បច្ចេកវិទ្យាស្កេនក្រយ៉ៅដៃទំនើបចុងក្រោយជំនាន់ទី៣ អេក្រង់ទំហំ 5.5” Full HD ពណ៌ធម្មជាតិ ភ្លឺ ច្បាស់ កំរិតខ្ពស់ និង ភ្ជាប់នូវមុខងារការពារភ្នែក ដំបូងគេបង្អស់ក្នុងទីផ្សារស្មាតហ្វូន ដែលអតិថិជនគ្រប់រូបអាចមានលទ្ធភាពជាវប្រើបាន ។
ជាមួយនឹង កាមេរ៉ាក្រោយ ១២មេហ្គាភិកសែល និងកាមេរ៉ាក្រោយមួយទៀត ២មេហ្គាភិកសែល ដំណើរការជាមួយគ្នាលើមុខងារ autofocus ត្រឹមតែ 0.3 វិនាទី របស់Huawei GR5 2017 ស៊េរីថ្មីនឹងធ្វើឲ្យអ្នកប្រើប្រាស់អាចថត លក្ខណៈ ប្លឺបេកក្រោន (Blur background) រឺ ដេហ្វ អោហ្វ ហ្វៀល (Depth of field) បានយ៉ាងល្អ បង្កើតបាននូវរូបភាពបញ្ឈរ និងរូបភាពឆ្ងាយៗប្រភេទ Bokeh យ៉ាងស្រស់ស្អាត ដែលកាមេរ៉ាឡែនមួយថតមិនបាន ។
កាមេរ៉ាមុខ កម្រិត៨មេហ្គាភិកសែលមានវិសាលភាពថតរូបបានច្បាស់ ស្រស់ស្អាតល្អ គ្រប់ពេលវេលាជំរុញដល់យុគសម័យថ្មីនៃការថត Selfie ជាទីពេញចិត្ត តាមរយៈមុខងារ Beauty Mode និង Auto Make-up Mode ។ ក្រៅពីនេះ កាមេរ៉ាមុខក៏អាចថតវីដេអូកម្រិត 1080p ចាប់យករូបភាពវីដេអូ Selfie សប្បាយៗ និងរស់រវើក ដែលអាចឲ្យអ្នកប្រើប្រាស់ និងមិត្តភ័ក្តបញ្ចេញសកម្ម ភាពដែលខ្លួនពេញចិត្ត ។
លោក ថង សារី ប្រធានគ្រប់គ្រងផ្នែកចែកចាយ Huawei ស្មាតហ្វូនប្រចាំកម្ពុជាបានបញ្ជាក់ថា ទូរស័ព្ទស៊េរីថ្មី Huawei GR5 ឆ្នាំ ២០១៧ នេះ គឺជាការឆ្លើយតបទៅនឹងតម្រូវការដ៏លើសលុប របស់អតិថិជន សម្រាប់ស្មាតហ្វូន ដែលមានតម្លៃសមរម្យ ផ្ដល់នូវប្រសិទ្ធភាពការងារ ការកម្សាន្ត និងបទពិសោធថតរូបឈានមុខគេ ជាមួយកាមេរ៉ាភ្លោះដ៏ទំនើប ។ Huawei GR5 2017 ពិតជាស្មាតហ្វូនដែលពេញនិយមបំផុតសម្រាប់ពិភពលោក ដែលជាសម័យគេពេញនិយម ស្មាតហ្វូនកាមេរ៉ាពីរ។ លោកថា ៖«សម្រាប់កម្ពុជា ការបើកកម្មវិធីកម្ម៉ង់ទុកមុន សម្រាប់ Huawei GR5 2017 របស់យើង ត្រឹមតែរយៈពេលជាង ១សប្តាហ៏សោះ យើងទទួលបានការកក់ទុកមុនពីសំណាក់អតិថិជន ប្រមាណជាង ៤០% នៃ Stock សរុប ។ Huawei GR5 2017 គឺជាការបញ្ជាក់ពីការប្ដេជ្ញាចិត្ត ទាំងគុណភាព និងតម្លៃសមរម្យ របស់យើងចំពោះអតិថិជន ដែលពួកគាត់ពិតជាមានសារៈសំខាន់បំផុត សម្រាប់ពួកយើង »។
ទូរស័ព្ទស្មាតហ្វូនស៊េរីថ្មី Huawei GR5 ឆ្នាំ ២០១៧ នឹងមានលក់នៅគ្រប់ហាងទូរស័ព្ទទាំងអស់ ២៥ ខេត្តក្រុង ក្នុងតម្លៃភ្ញាក់ផ្អើល ២៦៩ ដុល្លារ ចាប់ពីថ្ងៃនេះតទៅ រួមជាមួយប្រូម៉ូសិនពិសេសថែមជូន Original Huawei Bluetooth Speaker ឮច្បាស់តម្លៃប្រមាណ៦០ដុល្លារ និងOriginal Case តម្លៃប្រមាណ១០ដុល្លារ ការថែមជូននេះ គឺផ្តល់ជូនរហូតមានការកែប្រែពីក្រុមហ៊ុន ៕
ចែករំលែកព័តមាននេះ