ការ​ដំឡើង iOS 10.2 ដើម្បី​កម្ចាត់ Bugs


កាលពី​ថ្ងៃ​ទី​១ ខែវិច្ឆិកា កន្លង​ទៅ​ក្រុមហ៊ុន Apple បាន​ចាប់ផ្តើម​ធ្វើតេស្ត​លើ​កម្មវិធី​Software ថ្មី iOS 10.2 ក្រោយ​មួយ​ខែ គិត​មក​ដល់​ពេល​នេះ ក្រុមហ៊ុន Apple បាន​ប្រកាស​ជា​ផ្លូវការ​នៃ​ការ​ដំឡើង​កម្មវិធី iOS 10.2 ទៅ​លើ​គ្រប់​ផលិតផល​របស់​ក្រុមហ៊ុន Apple ទាំងអស់​បាន​ដោយ​ជោគជ័យ ។

លោក​អ្នក​អាច​រក​មើល​កម្មវិធី​ដំឡើង​ថ្មី​នោះ​នៅ​ក្នុង iTunes ក៏​បាន ។ សម្រាប់​ការ​ដំឡើង​Software ថ្មី iOS 10.2 នេះ​អ្នក​នឹង​ទទួល​បាន​រូប ថ្មី​ៗ ជា​ច្រើន​សម្រាប់​ដាក់​លើ​អេ​ក្រង់​ទូរស័ព្ទ​ឬ​ផលិតផល​Apple ផ្សេង​ៗ​។ ជាង​នេះ​ទៅ​ទៀត អ្នក​នឹង​មាន​ទទួល​រូប Emoji បន្ថែម ថ្មី​ជាង​១០០​រូប រួម​ទាំង​iMessage screen​ផង​ដែរ​។ បើ​ទោះបីជា​រូប Emoji​ថ្មី​មាននៅ​ក្នុង​ទូរស័ព្ទ​របស់​អ្នក​ក្រោយ​ពី​ការ​ដំឡើង iOS 10.2 ក្តី ក៏​អ្នក​មិន​អាច​ផ្ញើ​រូប​ទាំងនោះ​ទៅ​កាន់​អ្នក​ដែល​ប្រើប្រាស់​កម្មវិធី Android បាន​ដែរ សូ​ម្បី​តែ​ក្នុង​App របស់ Facebook ឬ twitter ។ តែ​រូប​Emoji អ្នក​ដែល Facebook ឬ Twitter តាម​រយៈ​វេ​ប​សាយ​អាច​មើលឃើញ​រូប​ថ្មី​នោះ​ប្រ​សិន បើ​មាន​អ្នក​ផ្ញើ​ចូល ។

ក្រៅពី​សារ​ប្រយោជន៍​ខាងលើ iOS 10.2 មាន​សមត្ថភាព​កម្ទេច​មេរោគ​(Bugs) នានា​ដែល​មាននៅ​ក្នុង​កម្មវិធី iOS 10 ដែល​មាន​មក​ជាមួយ​និង​ទូរស័ព្ទ Iphone 7 ។  សម្រាប់​ការ​ដំឡើង iOS 10.2 អាច​ដំណើរការ​ទៅ​បាន​សម្រាប់​អ្នក​ដែល​កំពុង​ដំណើរការ​កម្មវិធី​iOS 10 ទេ ហើយ​ប្រសិនបើ​អ្នក​ប្រើប្រាស់ Iphone 4 ឬ ipad 3 មិន​អាច​ដំឡើង iOS 10.2 បាន​ទេ ។

ស្រប​ពេល​ជាមួយនឹង​ការ​បញ្ចេញ​Software ថ្មី ក្រុមហ៊ុន​Apple​ក៏​បាន​ដាក់​បង្ហាញ នូវ​កម្មវិធី​App ថ្មី​សម្រាប់​ទូរទស្សន៍ Apple តែ​វា​អាច​ដំណើរការ​បាន​តែ​នៅ​សហរដ្ឋ អា​មេ​រិ​ក​ប៉ុណ្ណោះ​។ App ថ្មី​សម្រាប់​ទូរទស្សន៍​នោះ​នឹង​ជួយ​ឲ្យ​អ្នក​ប្រើប្រាស់ Apple TV មាន​ភាព​ងាយស្រួល​ក្នុង​ការ​ស្វែងរក​កម្មវិធី ឬ​ខ្សែភាពយន្ត​សម្រាប់​មើល​បាន​ឆាប់រហ័ស និង​អាច​ទស្សនា​ខ្សែភាពយន្ត ឬ​កម្មវិធី​ផ្សេង​ក្នុង​ទូរទស្សន៍​ដែល​បាន​ទិញ​រួច​ពី​សេវាកម្ម ផ្សេង​ៗ​ទៀត​ជា​ច្រើន ៕

បច្ចេកវិទ្យា

អត្រាប្តូរប្រាក់

  • ប្រាក់រៀល (1USD)
  • KHR 4,048.00
អត្រាប្តូរប្រាក់ផ្សេងទៀត

Live

To Top

ការស្ទង់មតិគេហទំព័រថ្មី




Please leave this field empty.

សូម​អរគុណ