កុមារដែលប្រើកាសស្ដាប់សំឡេងអាចបង្កឱ្យមានគ្រោះថ្នាក់
ទីក្រុង New York សព្វថ្ងៃនេះ ក្មេងអាយុទើបតែ៣ឆ្នាំក៏មានកាសត្រចៀកប្រើ ហើយនៅពេលជិតដល់រដូវឈប់សម្រាក អ្នកលក់រាយបានស្តុកទុកម៉ាកកាសត្រចៀក …
ទីក្រុង New York សព្វថ្ងៃនេះ ក្មេងអាយុទើបតែ៣ឆ្នាំក៏មានកាសត្រចៀកប្រើ ហើយនៅពេលជិតដល់រដូវឈប់សម្រាក អ្នកលក់រាយបានស្តុកទុកម៉ាកកាសត្រចៀក …
ទីក្រុង New York សព្វថ្ងៃនេះ ក្មេងអាយុទើបតែ៣ឆ្នាំក៏មានកាសត្រចៀកប្រើ ហើយនៅពេលជិតដល់រដូវឈប់សម្រាក អ្នកលក់រាយបានស្តុកទុកម៉ាកកាសត្រចៀកជាច្រើនដែលអះអាងថា មានសុវត្ថិភាពសម្រាប់ត្រចៀកកូនក្មេង ឬ កាសត្រចៀកមានសុវត្ថិភាព១០០ភាគរយ។ ឧបករណ៍ថ្មីនេះមានមុខងារកំណត់កម្រិតសំឡេង ដែលឪពុកម្តាយពឹងផ្អែកលើពួកវាក្នុងការការពារកុមារពីការមានបញ្ហានៃការស្តាប់ ។
ប៉ុន្តែការវិភាគថ្មីដោយ Wirecutter ដែលជាគេហទំព័រផលិតផលគ្រប់គ្រងដោយកាសែត New York Times បានរកឃើញថា កាសត្រចៀកពាក់កណ្តាលនៃកាសត្រចៀកទាំង៣០គ្រឿងរបស់កុមារមិនជាប់ក្នុងការធ្វើតេស្តកំណត់ពីបរិមាណសំឡេងដូចដែលបានសន្យានោះទេ។ កាសត្រចៀកអាក្រក់ទាំងនោះបង្កើតសំឡេងយ៉ាងឮ ហើយអាចមានគ្រោះថ្នាក់ដល់ត្រចៀកអ្នកស្តាប់បាន ។
លោកបណ្ឌិត Cory Portnuff គ្រូពេទ្យផ្នែកការស្តាប់កុមារនៃសាកលវិទ្យាល័យមន្ទីរពេទ្យ Colorado ដែលមិនបានចូលរួមនៅក្នុងការវិភាគនេះបាននិយាយថា ទាំងនេះគឺជាការរកឃើញដ៏អាក្រក់តែមានសារៈសំខាន់ខ្លាំងណាស់ ។ រោងចក្រផលិតជាច្រើនមិនគោរពតាមការសន្យារបស់ខ្លួននោះទេ ។
ការវិភាគថ្មីនេះគួរជាការដាស់តឿនរំលឹកដល់ឪពុកម្តាយទាំងឡាយ ដែលគិតថា បច្ចេកវិទ្យាកំណត់សំឡេងបានផ្តល់ជូននូវការការពារគ្រប់គ្រាន់ នេះបើយោងតាមសំដីវេជ្ជបណ្ឌិត Blake Papsin ប្រធានគ្រូពេទ្យផ្នែករោគច្រមុះ ត្រចៀក និងបំពង់កនៅមន្ទីរពេទ្យសម្រាប់កុមារក្នុងរដ្ឋតូរ៉ុនតូបាននិយាយ ។ លោកបានថ្លែងថា៖ «ក្រុមហ៊ុនផលិតកាសត្រចៀកមិនមានចំណាប់អារម្មណ៍ទៅលើសុខភាពត្រចៀករបស់កូនអ្នកនោះទ។ ពួកគេមានចំណាប់អារម្មណ៍ចំពោះតែការលក់ផលិតផលនិងផលិតផលមួយចំនួនមិនមានផលល្អសម្រាប់អ្នកនោះទេ» ។
ពាក់កណ្តាលនៃក្មេងដែលមានអាយុពី៨ទៅ១២ឆ្នាំ ស្តាប់តន្ត្រីជារៀងរាល់ថ្ងៃ ហើយជិតពីរភាគបីនៃក្មេងជំទង់ក៏ធ្វើបែបនេះដូចគ្នា នេះបើយោងតាមរបាយការណ៍មួយកាលពីឆ្នាំ២០១៥ ដោយមានអ្នកចូលរួមជាង២៦០០នាក់។ ការស្តាប់ដែលមានសុវត្ថិភាព គឺទាក់ទងនឹងកម្រិតនៃសំឡេង និងរយៈពេលនៃការស្តាប់ ។ សូរសំឡេងកាន់តែខ្លាំងឡើង អ្នកគួរតែស្តាប់វាក្នុងរយៈពេលខ្លីបានហើយ ។
គ្រូពេទ្យជំនាញការស្តាប់បានផ្តល់នូវគន្លឹះសំខាន់មួយចំនួនសម្រាប់ការស្តាប់ជាដំបូង ត្រូវរក្សាកម្រិតសំឡេងនៅ៦០ភាគរយ ។ ទីពីរ លើកទឹកចិត្តឱ្យកូនរបស់អ្នកសម្រាកជារៀងរាល់ម៉ោង ដើម្បីអនុញ្ញាតឱ្យកោសិការោមនៅក្នុងរន្ធត្រចៀកខាងក្នុងបានសម្រាក ។ ការស្តាប់ដោយមិនឈប់ឈរ នឹងអាចបំផ្លាញត្រចៀករបស់អ្នកបាន ៕
ចែករំលែកព័តមាននេះ