ខេត្តបន្ទាយមានជ័យ ៖ ឈើគ្រញូងចំនួន៦ដុំ ត្រូវបានមន្ត្រីការិយាល័យគយនិងរដ្ឋាករក្រុងប៉ោយប៉ែតបង្ក្រាបបាន ខណៈឈ្មួញលួចបង្កប់តាមរទេះរុញចូលមកកម្ពុជាតាមច្រកទ្វារអន្តរជាតិប៉ោយប៉ែតកាលពីវេលាម៉ោង៤រសៀល ថ្ងៃទី១២ ធ្នូ ២០១៦។
ខេត្តបន្ទាយមានជ័យ ៖ ឈើគ្រញូងចំនួន៦ដុំ ត្រូវបានមន្ត្រីការិយាល័យគយនិងរដ្ឋាករក្រុងប៉ោយប៉ែតបង្ក្រាបបាន ខណៈឈ្មួញលួចបង្កប់តាមរទេះរុញចូលមកកម្ពុជាតាមច្រកទ្វារអន្តរជាតិប៉ោយប៉ែតកាលពីវេលាម៉ោង៤រសៀល ថ្ងៃទី១២ ធ្នូ ២០១៦។
មន្ត្រីគយបានឲ្យដឹងថា ដោយមានការសង្ស័យលើរទេះរុញជាមធ្យមបាយដឹកជញ្ជូន កម្លាំងគយក៏ធ្វើការឃាត់នៅចំណុចទីលានផ្សារមង្គល ដោយឆែកឆេររកឃើញឈើគ្រញូងចំនួន៦ដុំ ស្មើនឹង៣០៣គីឡូក្រាម បង្កប់នៅក្នុងរទេះ។ វត្ថុតាងរឹបអូសបានមន្ត្រីគយយកទៅរក្សាទុកនៅការិយាល័យគយ និងរដ្ឋាករក្រុងប៉ោយប៉ែត ។ចំណែកម្ចាស់រទេះបានរត់គេចខ្លួន។
គួរបញ្ចាក់ថា កន្លងមកនៅច្រកទ្វារអន្តរជាតិប៉ោយប៉ែតតែងមានការលួចនាំឈើចូល ដោយលួចបង្កប់តាមរទេះរបស់ពលករ ឬតាមរថយន្តដែលឆ្លងកាត់ទៅថៃរួចត្រឡប់មកវិញ។ បើទោះជាយ៉ាងណាក្តី បទល្មើសទាំងនោះត្រូវបានសមត្ថកិច្ចថៃ ឬមន្ត្រីគយខ្មែរបង្ក្រាបបានជាបន្តបន្ទាប់ ជាក់ស្តែងកាលពីប៉ុន្មានខែមុន មន្ត្រីគយកម្ពុជាបានបង្ក្រាបឈើគ្រញូងជាច្រើនសន្លឹកលួចបង្កប់ក្នុងរទេះរុញរបស់ពលករផងដែរ៕
ចែករំលែកព័តមាននេះ