មហាជនថាមានទំនិញគេចពន្ឋចេញតាមច្រកប៉ោយប៉ែត តែមេគយបដិសេធ
ខេត្តបន្ទាយមានជ័យ ៖ សេចក្តីរាយការណ៍ពីភ្នាក់ងារព័ត៍មានប្រចាំជាយដែនខ្មែរ-ថៃ នៅក្រុងប៉ោយប៉ែតបានឱ្យដឹងថា
ខេត្តបន្ទាយមានជ័យ ៖ សេចក្តីរាយការណ៍ពីភ្នាក់ងារព័ត៍មានប្រចាំជាយដែនខ្មែរ-ថៃ នៅក្រុងប៉ោយប៉ែតបានឱ្យដឹងថា យ៉ាងហោចណាស់ក៏មានរថយន្តក្រុងធំៗចំនួន៥ ក្រុមហ៊ុនបាននិងកំពុងធ្វើសកម្មភាពដឹកទំនិញគេចពន្ធយ៉ាងភ្លូកទឹកភ្លូកដី ដោយពុំឃើញមានមន្ត្រីជំនាញពាក់ពន្ឋ័ ឬ ស្ថាប័នណាបង្ក្រាបនិងទប់ស្កាត់ឡើយ សង្ស័យត្រូវ ថ្នាំសណ្តំរបស់ឈ្មួញ និងក្រុមហ៊ុនដឹកជញ្ជូនអ្នកដំណើរទាំងនោះហើយមើលទៅ ។
ប្រភពបន្តទៀតថា បច្ចុប្បន្នមានក្រុមហ៊ុនរថយន្តក្រុងជាច្រើនបាននិងកំពុងតែសប្បាយដឹកទំនិញគេចពន្ធយ៉ាងអនាធិបតេយ្យ ធ្វើឱ្យបាត់បង់ប្រាក់ចំណូលពន្ឋរបស់រដ្ឋអស់ជាច្រើនក្នុងមួយខែៗ ។ ក្រុមហ៊ុនដឹកអ្នកដំណើរ(រថយន្តក្រុង)ធំៗទាំង០៥ ដែលល្បីជាងគេក្នុងការដឹកទំនិញគេចពន្ធយ៉ាងអនាធិបតេយ្យបំផុតពីតំបន់ជាយដែន ប៉ោយប៉ែត ទៅកាន់បណ្តាខេត្តនានារាប់ទាំងទៅដល់រាជធានីភ្នំពេញនោះរួមមាន ៖ ក្រុមហ៊ុន បូពា៍ អាស៊ី ដឹកអ្នកដំណើរ , ក្រុមហ៊ុន ថោង សីុង ដឹកអ្នកដំណើរ ,ក្រុមហ៊ុន លី ហុង ដឹកអ្នកដំណើរ , ក្រុមហ៊ុនវីរៈប៊ុនថាំ ដឹកអ្នកដំណើរ និងក្រុមហ៊ុន អង្គរអិចប្រេស ដឹកអ្នកដំណើរ ។
សូមបញ្ជាក់ថា ក្រុមហ៊ុនទាំង៥ខាងលើ បានត្រូវគេអះអាងថាបានលួចបង្កប់ និងទទួលដឹកទំនិញគេចពន្ធសព្វសារពើពីតំបន់ប៉ោយប៉ែតមានដូចជា៖ សម្លៀកបំពាក់ ( ខោអាវ ) គ្រប់មុខ , គ្រឿងក្រអូប , ព្រមទាំងសម្ភារមានតម្លៃថ្លៃផ្សេងៗទៀត និងគ្រឿងអេឡិចត្រូនិចជាដើម ដែលប្រភេទទំនិញខាងលើនេះសុទ្ធសឹងតែជាប្រភេទទំនិញ គេចពន្ឋ ហើយប្រសិនបង់ពន្ធជូនរដ្ឋវិញគឺច្រើនសន្ឋឹកសន្ឋាប់ណាស់ ប៉ុន្តែជាអកុសល ប្រាក់ដែលត្រូវបង់ពន្ធទាំងនោះបានធ្លាក់ចូលទៅក្នុងហោប៉ៅ ក្រុមឈ្មួញខិលខូច និងមានការចូលរួមបើកដៃពីសំណាក់មន្ត្រីជំនាញពាក់ពន្ឋ័ស្ទើរគ្រប់ស្ថាប័នដូចជា ៖ មន្ត្រីគយចល័ត ស្រុក ក្រុង ខេត្ត និងក្រសួង និងប៉ូលិសសេដ្ឋកិច្ច ខេត្ត ក្រសួង ដែលឈរជើង នៅតាមបណ្តាខេត្ត ក្រុង តាមដងផ្លូវជាតិលេខ៥ និងផ្លូវជាតិលេខ៦ ជាដើម ។
ពាក់ព័ន្ឋនឹងការចោទប្រកាន់ខាងលើនេះ ប្រធានការិយាល័យ គយ និងរដ្ឋាករច្រកប៉ោយប៉ែត លោកហ៊ុយ សុជាតិ បានប្រាប់ឲ្យដឹងថា រាល់ទំនិញទាំងឡាយដែល គេដឹកជញ្ជូនតាមឡានក្រុង ពីប៉ោយប៉ែត ទៅភ្នំពេញ ទំនិញទាំងនោៈសុទ្ឋតែត្រូវបានក្រុមឈ្មួញកាត់ស្តុបបង់ពន្ឋជូនរដ្ឋរួចរាល់ហើយដល់មន្ត្រីជំនាញពាក់ព័ន្ឋ ដែលឈរជើងនៅមាត់ច្រកប៉ោយប៉ែតនេះ។ បន្ទាប់មកទើបពួកគេដឹកជញ្ជូនចែកចាយទៅតាមបណ្តាខេត្តនានាទូទាំងប្រទេស ។
លោកប្រធានការិយាល័យ គយ និង រដ្ឋាករ ច្រកប៉ោយប៉ែត បានបញ្ជាក់ទៀតថា តាំងពីរូបលោកបានមកកាន់ជាប្រធានផ្នែកខាងប្រមូលពន្ឋជូនរដ្ឋ មួយរយៈកន្លងមកនេះ ការប្រមូលពន្ឋអាករ ដែលរាជរដ្ឋាភិបាលបានកំណត់ គឺមន្ត្រីជំនាញរបស់លោកបានខិតខំយកចិត្តទុកដាក់ប្រមូល មិនដែលធ្វើឲ្យមានការខ្វះខាតទៅតាមតម្រូវការរបស់ថ្នាក់ដឹកនាំម្តងណាឡើយ ពោលគឺគ្រប់ចំនួនជារៀងរាល់ខែតែម្តង ។ ជាចុងក្រោយលោកបានបន្ថែមថា ប្រសិនបើទំនិញទាំងនេះ រថយន្តក្រុង ដឹកដោយមិនបានបង់ពន្ឋត្រឹមត្រូវពិតមែននោះ គឺមិនអាចធ្វើចរាចរណ៌រហូតទៅដល់គោលដៅ ឬក៏ដល់រាជធានីភ្នំពេញបានទេ ពីព្រោះនៅតាមដងផ្លូវជាតិលេខ៥ និងផ្លូវជាតិលេខ៦ពីប៉ោយប៉ែត រហូតទៅដល់ភ្នំពេញ មានស្ថាប័នមានសមត្ថកិច្ច និងមន្ត្រីជំនាញពាក់ពន្ឋ័ឈរជើងស្ទើរគ្រប់ខេត្ត ក្រុង តែម្តង ។ លោកបន្តថា ចំណែកសារព៌ត័មានក្នុងស្រុក មួយចំនួនបានចុះផ្សាយរិះគន់ថា មន្ត្រីជំនាញគយ បើកដៃឃុបឃិតគ្នាឲ្យក្រុមឈ្មួញដឹកទំនិញគេចពន្ឋ បង្កប់តាមរថយន្តក្រុងដឹកអ្នកដំណើរពីប៉ោយប៉ែតទៅភ្នំពេញ ធ្វើឲ្យបាត់បង់ ចំណូលថវិកាជាតិរាប់រយលានដុល្លារក្នុង១ខែៗនោះ វាជាព័ត៌មានមិនពិតទេ គឺគ្មានជាដាច់ខាត ។
កាលពីថ្ងៃទី០៥ ឆ្នូ ២០១៦ថ្មីៗនេះ នៅក្នុងឱកាសសម្ភោធរោងចក្រភេសជ្ជៈ កូកាកូឡា នៅតំបន់សេដ្ឋកិច្ចពិសេសរាជធានីភ្នំពេញ សម្តេចអគ្គមហាសេនាបតីតេជោ ហ៊ុន សែន បានបញ្ជាក់ថា កម្ពុជា មិនដំឡើងពន្ធនាំចូលឡើយ ក៏ប៉ុន្តែ សម្តេចបានបញ្ជាក់យ៉ាងច្បាស់ថា មន្ត្រីជំនាញពាក់ពន្ឋ័ ត្រូវខិតខំយកចិត្តទុកដាក់ធ្វើយ៉ាងណា ប្រមូលពន្ធឱ្យអស់លទ្ឋភាព ដើម្បីបង្កើនថវិកាជាតិ សម្រាប់យកទៅដំឡើងប្រាក់ខែជូនដល់មន្ត្រីរាជការនិងកងកម្លាំងប្រដាប់អាវុធនៅដំណាច់ឆ្នាំ២០១៦ខាងមុខនេះ ៕
ចែករំលែកព័តមាននេះ