ខេត្តបន្ទាយមានជ័យ ៖ ប្រភពព័ត៌មានពីនគរបាលវរសេនាតូចការពារព្រំដែនគោកលេខ៩១១ បានឲ្យដឹងថា នាថ្ងៃទី៦ ខែកក្កដា ឆ្នាំ២០២២ វេលាម៉ោង១២ថ្ងៃត្រង់ វរសេនីយ៍ទោ ជា លាងហៃ មេបញ្ជាការរងនគរបាលវរសេនាតូចការពារព្រំដែនគោកលេខ៩១១ បានដឹកនាំកម្លាំងប៉ុស្តិ៍ព្រៃគប់ ៣នាក់ ចូលរួមប្រជុំពិភាក្សា ជាមួយទាហានឈុតខ្មៅថៃ កងវរសេនាធំលេខ១២០១ចំនួន ៥នាក់ ដឹកនាំដោយវសេនីយ៍ឯក ភិយ៉ានេត ផាតាឡាក់សាតវាតាវង្ស មេបញ្ជាការស្តីទី ។
កិច្ចប្រជុំពិភាក្សានេះ បានធ្វើឡើងនៅទីបញ្ជាការកងអនុសេនាធំលេខ១២០១ ឈុតខ្មៅថៃ ស្ថិតក្នុងភូមិប៉ារ៉ៃ ឃុំប៉ារ៉ៃ ស្រុកអារញ្ញ ខេត្តស្រះកែវ ទល់មុខប៉ុស្តិ៍ព្រៃគប់ ភូមិព្រៃគប់ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។ ខ្លឹមសារនៃកិច្ចប្រជុំនេះ គឺសមត្ថកិច្ចទាំង២ បន្តកិច្ចសហប្រតិបត្តិការរួមគ្នាទប់ស្កាត់រាល់បទល្មើសឆ្លងដែន និងរួមគ្នាទប់ស្កាត់ប្រជាពលរដ្ឋទាំងសងខាង មិនឲ្យចូលកាប់ឆ្ការព្រៃក្នុងតំបន់ព្រំដែនមិនទាន់ច្បាស់លាស់ ៕
ចែករំលែកព័តមាននេះ