ក្រុមហ៊ុន៥ចុះហត្ថ-លេខារួមគ្នាលើកស្ទួយសហគ្រិនភាពផ្នែកបច្ចេកវិទ្យា
រាជធានីភ្នំពេញ ៖ ដោយមើលឃើញពីភាពលំបាកក្នុងការចាប់ផ្តើមអាជីវកម្មដំបូង ជាពិសេសទៅលើអាជីវកម្មបច្ចេកវិទ្យា ក្រុមហ៊ុន Emerald HUB ជាការិយាល័យធ្វើការរួមគ្នា …
រាជធានីភ្នំពេញ ៖ ដោយមើលឃើញពីភាពលំបាកក្នុងការចាប់ផ្តើមអាជីវកម្មដំបូង ជាពិសេសទៅលើអាជីវកម្មបច្ចេកវិទ្យា ក្រុមហ៊ុន Emerald HUB ជាការិយាល័យធ្វើការរួមគ្នា …
រាជធានីភ្នំពេញ ៖ ដោយមើលឃើញពីភាពលំបាកក្នុងការចាប់ផ្តើមអាជីវកម្មដំបូង ជាពិសេសទៅលើអាជីវកម្មបច្ចេកវិទ្យា ក្រុមហ៊ុន Emerald HUB ជាការិយាល័យធ្វើការរួមគ្នាសម្រាប់អ្នកចាប់ផ្តើមអាជីវកម្មថ្មី, Smart Axiata, DTV STAR, គ្រឹះស្ថានមីក្រូហិរញ្ញវត្ថុអម្រឹត និង Sabay Digital Corporation បានចុះហត្ថលេខារួមគ្នា ដើម្បីជំរុញកិច្ចការអភិវឌ្ឍន៍សហគ្រិនភាពដល់យុវវ័យកម្ពុជា ។
លោក ឈាង សុភក្តិ សហស្ថាបនិក Emerald HUB Co-working Space បានឱ្យដឹងនៅក្នុងពិធីចុះហត្ថលេខាលើភាពជាដៃគូសហការ ដើម្បីលើកស្ទួយសហគ្រិនភាពផ្នែកបច្ចេកវិទ្យានៅកម្ពុជា កាលពីថ្ងៃទី១២ ធ្នូ ថា ៖ «ការបង្កើតការិយាល័យធ្វើការរួមគ្នា ជាផ្នែកមួយនៃប្រព័ន្ធអេកូឡេស៊ីនៃការចាប់ផ្តើមអាជីវកម្មថ្មីនៅប្រទេសកម្ពុជា ក្នុងការជួយជំរុញសហគ្រិនវ័យក្មេងដែលមានគំនិតផ្តួចផ្តើម និងនិស្សិតអាចបង្កើតអាជីវកម្មប្រកបដោយនិរន្តរភាព » ។
លោកបន្តថា ៖ « កិច្ចសហការនេះ Emerald HUB នឹងទទួលបានអត្ថប្រយោជន៍ទាំងបច្ចេកទេសអ៊ីនធើរណេត និងថវិកាសម្រាប់ការផ្សព្វផ្សាយ ព្រមទាំងជំរុញការបង្កើតអាជីវកម្មបច្ចេកវិទ្យាថ្មី ស្របនឹងគោលបំណងរបស់ Emerald HUB ដែលបង្កើតឡើងបម្រើប្រយោជន៍ដល់សិស្ស-និស្សិត និងសហគមន៍នៃអ្នកបង្កើតអាជីវកម្មថ្មី ។ ជាក់ស្តែង គឺរៀនបន្ថែម ចែករំលែកបង្កើតថ្មី ធ្វើការរួមគ្នា ភ្ជាប់ទំនាក់ទំនង និងរីកចម្រើនជាមួយគ្នា » ។
នាយកប្រតិបត្តិក្រុមហ៊ុន Smart លោក Thomas Hundt បានឱ្យដឹងថា ការិយាល័យធ្វើការរួមគ្នាបានដើរតួ និងមានមុខងារជាកន្លែងសម្រាប់សហគ្រិនវ័យក្មេងពិភាក្សា និងផ្លាស់ប្តូរគំនិតច្នៃប្រឌិតធ្វើអាជីវកម្មថ្មីជាមួយគ្នា ។ ភាពជាដៃគូនេះបានឆ្លុះបញ្ចាំងពីការរួមចំណែកបន្ថែមទៀតរបស់ Smart ក្នុងការជំរុញសហគ្រិនភាពផ្នែកបច្ចេកវិទ្យា និងឌីជីថល ដើម្បីឆ្ពោះទៅរកការអភិវឌ្ឍប្រព័ន្ធអេកូឌីជីថលក្នុងប្រទេសកម្ពុជា។ លោកបន្តថា ៖ « តាមរយៈកិច្ចសហការរួមគ្នាពេលនេះ យើងសង្ឃឹមថា ការប្រើប្រាស់ការិយាល័យធ្វើការរួមគ្នា នឹងលើកទឹកចិត្តសហគ្រិនវ័យក្មេងដើម្បីសម្រេចក្តីសុបិនរបស់ពួកគេ » ។
ចំណែកលោក Andrey Sheen នាយកប្រតិបត្តិការក្រុមហ៊ុនឌីជី លើកឡើងថា ឌីជីរីករាយក្នុងការលើកកម្ពស់ និងគាំទ្រដល់ Emerald HUB ដើម្បីចែករំលែកគំនិតច្នៃប្រឌិត និងកិច្ចពិភាក្សាផ្សេងៗ ។ លោកបន្តថា ៖ «យើងចង់ឱ្យអ្នករាល់គ្នាអង្គុយនៅកន្លែងមួយមានបរិស្ថានល្អ ក្នុងការបង្កើតគំនិតច្នៃប្រឌិតថ្មី ក្រោមទម្រង់មួយដែលផ្តល់នូវការរៀនសូត្រ ចែករំលែក បង្កើត ការធ្វើការងារទំនាក់ទំនង និងការរីកលូតលាស់រួមគ្នា » ។
អ្នកស្រី លឹម សុផា នាយិកាអង្គភាពធនធានមនុស្សនៃគ្រឹះស្ថានមីក្រូហិរញ្ញវត្ថុអម្រឹត មានប្រសាសន៍ថា ៖ « នេះជាការជួយដល់សង្គមមួយធ្វើឱ្យយុវវ័យកម្ពុជាមានឱកាស ទីកន្លែង និងព័ត៌មានសម្រាប់បង្កើតអាជីវកម្ម ។ ពេលអាជីវកម្មពួកគាត់មានការរីកចម្រើន ធ្វើឱ្យសេដ្ឋកិច្ចជាតិទាំងមូលរីកចម្រើន ហើយវាស្របនឹងទស្សនវិស័យរបស់អម្រឹត ដែលយើងផ្តល់សេវាហិរញ្ញវត្ថុទៅដល់អ្នកបង្កើតអាជីវកម្ម » ៕
ចែករំលែកព័តមាននេះ