ទូរស័ព្ទម៉ូដែលIphone 6s ផ្ទុះថ្មនៅចិន
នៅប្រទេសចិនមានព័ត៌មានផ្ទុះIphone 6s ដូចគ្នាSamsung Note 7 ដែរ ។ ក្រុមប្រឹក្សាផលិតផលអតិថិជនសៀងហៃ(SHCC)បានដាក់ពាក្យបណ្តឹងទៅក្រុមហ៊ុនApple តំណាងឲ្យអតិថិជនចិនរបស់ខ្លួនដែល
នៅប្រទេសចិនមានព័ត៌មានផ្ទុះIphone 6s ដូចគ្នាSamsung Note 7 ដែរ ។ ក្រុមប្រឹក្សាផលិតផលអតិថិជនសៀងហៃ(SHCC)បានដាក់ពាក្យបណ្តឹងទៅក្រុមហ៊ុនApple តំណាងឲ្យអតិថិជនចិនរបស់ខ្លួនដែលបានប្រើប្រាស់ទូរស័ព្ទIphone ហើយមានបញ្ហាជាច្រើន ។ នេះបើតាមសារព័ត៌មាន The International Business Timesបានចេញផ្សាយ ។
ពាក្យបណ្តឹងត្រូវបានគិតចាប់ពីថ្ងៃទី១ ខែកញ្ញា ដលថ្ងៃទី៣០ ខែវិច្ឆិកា ក្នុងនោះមាន ឧបទ្ឌវហេតុកើតឡើងចំនួន៨ ផ្សេងៗគ្នាទៅលើម៉ូដែលទូរស័ព្ទIphone 6 និង Iphone 6s ដោយទូរស័ព្ទខាងលើហុយផ្សែង និងផ្ទុះទូរស័ព្ទតែម្តង ។ មានករណីផ្ទុះIphone 6s Plus មួយបានផ្ទុះ បន្ទាប់មកក្រុមហ៊ុនAple បានផ្លាស់ប្តូរថ្មីឲ្យដោយគ្មានការបកស្រាយទាក់ទងនឹងបញ្ហានោះទេ ។
ក្រៅពីបញ្ហានោះក្នុងពាក្យបណ្តឹងក៏មានរៀបរាប់ទាក់ទងនឹងករណីចោរលួចID ការរលត់ទូរស័ព្ទដោយគ្មានហេតុផលដែលជាបញ្ហាធំរបស់អ្នកប្រើប្រាស់បានរាយការណ៍ ។ សរុបពាក្យបណ្តឹងទាំងអស់មានចំនួន ២៧៦៣ករណីទៅលើក្រុមហ៊ុនApple នៅប្រទេសចិនគិតចាប់ពីពេលបង្ហាញទូរស័ព្ទម៉ូដែលនោះរហូតដល់ខែវិច្ឆិការ ។
SHCCក៏បានស្នើការទទួលខុសត្រូវពីក្រុមហ៊ុនApple ទៅលើអ្នកប្រើប្រាស់របស់ខ្លួន និងស្នើឲ្យទទួលខុសត្រូវលើគុណភាពផលិតផលរបស់ខ្លួន និងការអនុវត្តសេវាកម្មបំរើបម្រើអតិថិជនដល់អ្នកប្រើប្រាស់ផលិតផលរបស់ខ្លួនផងដែរ ។
បន្ទាប់មកសារព័ត៌មាន Mashable បានសុំការបំភ្លឺពីក្រុមហ៊ុនApple ទាក់ទងនិងបញ្ហាកំដៅនោះ ហើយអ្នកតំណាងរបស់ក្រុមហ៊ុនក៏បាននិយាយថា «យើងចង់ឲ្យមានការធានាពីអតិថិជនរបស់យើងថា យើងកំពុងស៊ើបអង្កេតនៅគ្រប់ករណីដែលបានកើតមានឡើង ។ យើងក៏បានទាក់ទងជាមួយអតិថិជនរបស់យើង និងនាំយកទូរស័ព្ទដែលមានបញ្ហាទាំងនោះមកធ្វើការវិភាគទាំងអស់ផងដែរ» ។
យោងតាមក្រុមហ៊ុនApple ថា «ឧបទ្ទវហេតុទាំងនោះ មិនមែនត្រឹមតែជាការផ្ទុះដោយ ចៃដន្យនោះទេ ។ អ្នកតំណាងរបស់ក្រុមហ៊ុនបន្តថា ការស៊ើបអង្កេតរបស់យើងរួមបញ្ចូលទាំងការស្តេនCT ពិនិត្យគ្រប់ផ្នែក មានការពិនិត្យផ្សេងៗជាច្រើន ។ ឆ្លងតាមការពិនិត្យលើគ្រប់គ្រឿងយើងបានវិភាគឃើញយ៉ាងច្បាស់ថា កត្តាដែលនាំឲ្យមានបញ្ហានោះ ដោយសារកត្តាពីខាងក្រៅទេ ។ យើងចាត់ទុកបញ្ហាសុវត្ថិភាពជាអាទិភាពកំពូល ហើយយើងមិនបានរកឃើញបញ្ហាដែលជាក្តីបារម្ភទាក់ទងនឹងផលិតផលនោះទេ» ៕
ចែករំលែកព័តមាននេះ