ខេត្តកំពង់ស្ពឺ ៖ បន្ទាប់ពីផ្ទុះរឿងអាស្រូវ លោកសង្ឃទ្រុស្តសីលសេពមេថុនជាមួយមាតុគ្រាម រហូតមានផ្ទៃពោះ៤ខែនោះ ពេលនេះ គណៈសង្ឃនៃថេរសភាសង្ឃខេត្តកំពង់ស្ពឺ បានសម្រេចចាប់ផ្សឹកហើយ ។ ការចាប់ផ្សឹកនេះ ធ្វើឡើងនៅរសៀលថ្ងៃទី០៦ កក្កដា ២០២២ នៅវត្តដំណាក់ត្រាច ក្នុងស្រុកភ្នំស្រួច ខេត្តកំពង់ស្ពឺ ដែលជាវត្តព្រះមេគណខេត្តគង់តែម្តង។
គួរបញ្ជាក់ថា លោកសង្ឃត្រូវបានគេស្គាល់ព្រះនាម ម៉ៅ សៀវបុត្រាថានុន អាយុ៤១វស្សា គង់នៅវត្តឥសីគិរីជុំ ហៅវត្តត្រពាំងប្ញស្សី ស្ថិតក្នុងឃុំទឹកល្អក់ ស្រុកគងពិសី ខេត្តកំពង់ស្ពឺ ។
សូមរំលឹកថា៖ រឿងព្រះសង្ឃដែលល្បីឆាន់ស្រីរហូតមានផ្ទៃពោះ កំពុងធ្វើឱ្យសមត្ថកិច្ចនិងជំនាញធម្មការវិលមុខ
ក្រោយពីផ្សឹកភ្លាម សមត្ថកិច្ចបានដឹកបុគ្គលរូបនេះទៅកាន់អយ្យការភ្លាមៗផងដែរ ដើម្បីចាត់ការបន្តតាមនីតិវិធីច្បាប់ ។
ព័ត៌មានបន្ថែមនឹងមានផ្សាយជូនបន្តលើកាសែតកោះសន្តិភាព
ចែករំលែកព័តមាននេះ