ខេត្តក្រចេះ ៖ បុរសម្នាក់ត្រូវគេប្រទះឃើញស្លាប់ផ្កាប់មុខសង្កត់ពីលើឧបករណ៍ឆក់ ស្ថិតលើក្បាលទូកក្នុងបឹងមួយកន្លែងស្រុកឆ្លូង ដោយអាជ្ញាធរបានកំណត់ថា ការស្លាប់គឺបណ្តាលមកពីឆក់ត្រី និងបានភ្លាត់ស្នៀតឆក់ខ្លួនឯងទៅវិញ ។
ហេតុការណ៍ប្រទះឃើញនេះ កាលពីល្ងាចថ្ងៃទី៩ ធ្នូ ស្ថិតក្នុងឃុំព្រែកសាម៉ាន់ ស្រុកឆ្លូង ។ បុរសរងគ្រោះដែលស្លាប់ឈ្មោះឈន ទី អាយុ៣៥ឆ្នាំ រស់នៅក្នុងឃុំកើតហេតុ ។ បុរសរងគ្រោះទំនងបានចុះពីលើទូកកាន់ឧបករណ៍ឆក់ បំរុងចុះទៅឆក់ត្រីក្នុងបឹង តែត្រូវភ្លាត់ស្នៀត ក៏ត្រូវឆក់ខ្លួនឯងស្លាប់ផ្កាប់មុខនៅនិងលើទូកក្រាប់សង្កត់ពីលើដុំឆក់ ។ នៅដងខ្លួនសាកសព មិនបានរកឃើញស្លាកស្នាមអ្វីគួរឱ្យកត់សម្គាល់ទេ ។
ចែករំលែកព័តមាននេះ